بلوك بەكەتتەگى جول اپاتى: ەكس-پوليسەي 10 جىلعا سوتتالدى

الماتى وبلىسى قاراساي اۋداندىق سوتىنىڭ سۋدياسى ازات ازاماتوۆتى نەلىكتەن 10 جىلعا دەيىن سوتتاعانىن ءتۇسىندىردى.

سۋديانىڭ ايتۋىنشا, ازاماتوۆتىڭ كىناسى تولىعىمەن كۋاگەرلەردىڭ سوزىمەن, ساراپتاما قورىتىندىسىمەن دالەلدەنگەن.

&ndash؛ ؛قر قك 345-بابى 1-بابىنىڭ 4-بولىمىمەن 10 جىلعا دەيىن باس بوستاندىعىنان ايىرۋ جازاسى كوزدەلگەن. ايىپتاۋ اكتىسىندە جازانى اۋىرلاتۋ جاعدايلارى ايتىلمادى. بۇل جاعدايلاردى سوت ءوزى العا تارتا المايدى. سوعان بايلانىستى سوت پروكۋرورعا ايىپتاۋ اكتىسىنە وزگەرىس ەنگىزۋ ءۇشىن قوسىمشا ۋاقىت بەرگەن بولاتىن. جاڭا اكتىدە پوليسيا باسقارماسىنا كەلتىرىلگەن ءىرى كولەمدەگى شىعىن تۋرالى جازىلعان. سۋديا بۇل اۋىرلاتۋ جاعدايلارىن ەسكەرە وتىرىپ ماكسيمالدى 10 جىلعا باس بوستاندىعىنان ايىردى. بۇل اتالعان باپ بويىنشا ەڭ شەكتى جازا, &ndash؛ دەدى سۋديا.

سونداي-اق ازات ازاماتوۆ ءومىر بويى كولىك ايداۋ قۇقىعىنان ايرىلدى. سوت ۇكىمىنىڭ شەشىمى بويىنشا ول ؛جابىرلەنۋشىلەرگە 66 ملن تەڭگە كولەمىندە مورالدىق جانە ماتەريالدىق وتەماقى بەرۋگە مىندەتتەلگەن.

قاراساي اۋداندىق سوتى بۇرىنعى پوليسيا قىزمەتكەرى ازات ازاماتوۆتى قىلمىستىق كودەكستىڭ 345-بابىمەن ايىپتى دەپ تاۋىپ, 10 جىلعا باس بوستاندىعىنان ايىرعان.

قايعىلى جول اپاتى وسى جىلدىڭ 25 مامىرىندا تاڭەرتەڭ بولعان. bmw كولىگىنىڭ ماس جۇرگىزۋشىسى كوكساي شاعىن اۋدانىنداعى بلوكپوستتى بۇزىپ, پاترۋلدىك كولىككە سوعىلعان. كولىكتەگى ەكى پوليسيا قىزمەتكەرى دە مەرت بولدى. ونىڭ ءبىرى جاراس جانعازيەۆ وقيعا ورنىندا قازا تاپسا, ارىپتەسى داستان ءابدىقانوۆ اۋرۋحانادا كوز جۇمعان ەدى.