فوتو: جەكە مۇراعاتتان الىندى
بولات نازارباەۆتىڭ «؛ساليقالى ۇرپاق»؛ قوعامدىق قورىنىڭ دەمەۋشىلىگىمەن ماقتاارالداعى سۋ تاسقىنى كەزىندە زارداپ شەككەن 20 وتباسى باسپانالى بولدى. تۇركىستان وبلىسى ماقتاارال اۋدانى مىرزاكەنت ەلدى مەكەنىندەگى جاڭا ىقشاماۋداندا ورنالاسقان ۇيلەردىڭ كىلتى جاڭا قوجايىندارىنا تەگىن تابىستالدى.
2020 جىلدىڭ 2 مامىرىندا بولعان تابيعي اپاتتان كەيىن دەرەۋ بولات نازارباەۆ قورى زارداپ شەككەن اۋىل تۇرعىندارىنا جاڭا ءۇي سالۋعا قاراجات ءبولدى.
بولىنگەن قاراجاتتىڭ كومەگىمەن جەرگىلىكتى «؛نۇر ەل»؛ جانە «؛تنەي-قۇرىلىس»؛ كومپانيالارى قۇرىلىستى باستاپ كەتتى. جۇمىسشىلار ۇيلەردى تولىعىمەن جوسپارلاۋ جانە قۇرىلىس ستاندارتتارىنا سايكەس سالدى. ءتورت بولمەلى ۇيلەر كوپبالالى وتباسىلارىنا ارنايى جوسپارلانىپ, تۇرعىزىلدى. ءبىر ءۇيدىڭ جالپى اۋدانى 100 شارشى مەتر. بۇگىندە بارلىق ءۇيدىڭ قۇرىلىسى تولىق اياقتالىپ, ينجەنەرلىك جانە كولىكتىك ينفراقۇرىلىم نىساندارىنا قوسىلعان. ءار ءۇيدىڭ الدىنا اسفالت جول توسەلىپ, سونداي-اق كارىز, گاز, سۋ قۇبىرلارى جانە ەلەكتر, ينتەرنەت جەلىلەرى تارتىلعان.
جاڭا باسپانالاردىڭ كىلتىن تابىستاۋ راسىمىندە قوعامدىق قور باسشىسى قاسىم قاسابەكوۆ قونىستانۋشىلاردى قۇتتىقتاپ, جاڭا ۇيدە باق-بەرەكە مەن قۋانىش كوپ بولسىن دەپ تىلەدى.
باسپانالى بولعاندار, ءوز كەزەگىندە قوعامدىق قور وكىلدەرىنە جاڭا ءۇي مەن كورسەتىلگەن كومەكتەرى ءۇشىن العىسىن جەتكىزدى.
«؛ساليقالى ۇرپاق»؛ قورىنا وسى كەزگە دەيىن بىزگە كومەك بەرىپ, جاڭا ءۇي سالىپ بەرگەندەرى ءۇشىن العىس ايتامىن»؛, - دەدى مىرزاكەنت ەلدى مەكەنىنىڭ تۇرعىنى شارا مومبەكوۆا.
سونداي-اق اۋىلدىقتار باسپانانىڭ ساپاسى مەن بولمەلەردىڭ كەڭدىگىن اتاپ ءوتتى.
«؛قۋانىشىمىزدا شەك جوق. سونداي كەڭ, ساۋلەلى بولمەلەر. گاز, سۋ, جارىق ؛ - بار قاجەتتىلىك تە ىشىندە. ءبىزدىڭ وتباسىمىزدى وسىنداي قۋانىشقا كەنەلتكەن قورعا ۇلكەن العىسىمىزدى ايتامىز»؛, - دەپ ماقتاارال تۇرعىنى بايان مولدابەكوۆا اعىنان جارىلدى.
ايتا كەتەيىك, بۇعان دەيىن «؛ساليقالى ۇرپاق»؛ قورىنان اۋداندى قايتا قالپىنا كەلتىرۋ جۇمىستارىنا 200 ميلليون تەڭگە اۋدارىلدى, سونداي-اق 20 توننا گۋمانيتارلىق كومەك جىبەرىلدى. ماقتاارال اۋدانى بويىنشا الەۋمەتتىك از قامتىلعان وتباسىلاردان شىققان 20 بالا جازعى دەمالىس لاگەرىنە جىبەرىلدى.
«؛ساليقالى ۇرپاق»؛ قوعامدىق قورى ءوز جۇمىسىن 2016 جىلدىڭ ساۋىرىنەن باستادى. قور بىرنەشە باعىتتا جۇمىس ىستەيدى. الماتى قالاسىنداعى جانە وبلىسىنداعى الەۋمەتتىك از قامتىلعان وتباسىلار مەن مۇگەدەكتەرگە قارجىلاي قولداۋ كورسەتەدى جانە اي سايىن ازىق-تۇلىكپەن قامتاماسىز ەتىپ وتىرادى. بۇگىندە 130-دان استام وتباسى قور قامقورلىعىندا.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر