19 قازان, 2020 news
فوتو: qamshy.kz
مەملەكەت باسشىسى ؛قاسىم-جومارت توقاەۆ باس پروكۋرور عيزات نۇرداۋلەتوۆتى قابىلدادى, دەپ حابارلادى اقوردا سايتى.
سايت مالىمەتىنشە, پرەزيدەنت توقاەۆقا پروكۋراتۋرا ورگاندارى قىزمەتىنىڭ باسىم باعىتتارى بويىنشا اتقارىلعان جۇمىستارىنىڭ قورىتىندىلارى تۋرالى ەسەپ بەرىلگەن.
"عيزات نۇرداۋلەتوۆ قازاقستان پرەزيدەنتىنىڭ قىلمىسپەن كۇرەستى كۇشەيتۋ, قۇقىق قورعاۋ جانە وزگە دە ورگانداردىڭ قۇقىقتىق ءتارتىپتى قامتاماسىز ەتۋ قىزمەتىن ۇيلەستىرۋ جونىندە جۇكتەگەن تاپسىرمالارىنىڭ ورىندالۋ بارىسى تۋرالى باياندادى. ونىڭ ايتۋىنشا, وتكەن كەزەڭدە ەلىمىزدە قىلمىس كولەمى ءۇش ەسەگە جۋىق ازايعان. ۇرلىق, قاراقشىلىق شابۋىلدار, توناۋ جانە بۇزاقىلىق قىلمىستارى ەكى ەسە از تىركەلگەن.
قازاقستان پرەزيدەنتىنە زاڭدىلىقتى ساقتاۋدى قاداعالاۋ بارىسىندا پروكۋرورلار سوتقا دەيىنگى تەرگەۋ ءىسى بويىنشا ؛63 تۇلعاعا قاتىستى نەگىزسىز قىلمىستىق قۋدالاۋدىڭ توقتاتىلعانى, سونداي-اق, تەرگەۋ مەرزىمىن توقتاتۋ جانە كەيىنگە شەگەرۋ جونىندەگى 17 مىڭ زاڭسىز قاۋلىنىڭ كۇشىن جويعانى تۋرالى مالىمەت بەرىلدى" دەلىنگەن حابارلامادا.
سونداي-اق مەملەكەت باسشىسىنا بيزنەستى قورعاۋ جانە باقىلاۋشى ورگاندار تاراپىنان كاسىپكەرلىك قىزمەتكە زاڭسىز كەدەرگى كەلتىرۋدىڭ جولىن كەسۋ جۇمىستارى تۋرالى باياندالدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر