كوپتەن كورىنبەي كەتكەن ايتىسكەر اقىن رينات زايتوۆ بىرنەشە اپتادان بەرى الەۋمەتتىك جەلىدە بەلسەندى. youtube ارناسىندا بىرنەشە باعدارلاما شىعاراتىنىن ايتقان ول بۇگىندە العاشقى تۇسىرىلىمدەرىن جاريالاپ تا ۇلگەردى. اقىن قامشى تىلشىسىنە كورىنبەي كەتۋىنىڭ سەبەبى, جاڭا جوباسى, "nurotan" پارتياسىنىڭ قاتارىنا قانداي جاعدايدا كىرۋگە ءازىر ەكەنى جونىندە ايتىپ بەردى.

رينات زايتوۆ سۇحباتتارعا كەلىسپەي, كوزدەن تاسا جۇرگەننىڭ سەبەبىن باستاپ جاتقان جاڭا جوباعا بايلانىستى شارۋانىڭ قاۋىرت بولۋىمەن ءتۇسىندىردى.

&ndash؛ جوبانى ازىرلەۋ اياسىندا كوپ جۇمىس ىستەۋ كەرەك بولدى. ونىڭ يدەياسى, دايىندىق كەزەڭى, تۇسىرىلىمدەر تاعىسىن تاعى دەگەندەي. جوبانى ىسكە اسىرۋ ءۇشىن كىشىگىرىم قارجى كەرەك. سونى ىزدەۋ جولىندا جۇردىك. مۇنىڭ ءبارى ەڭبەك, ءبارى جۇمىس. سوسىن "ايداعانىڭ بەس ەشكى, ىسقىرىعىڭ جەر جارادى" دەگەندەي كورىنگەن جەرگە بارىپ "مەن بۇيتكەلى جاتىرمىن" دەپ ايتا بەرگەندى قۇپ كورمەدىم. سۇحبات بەرمەي كەتۋىم جۋرناليستەردىڭ ديماش جايلى قايتا-قايتا سۇرايتىنىمەن بايلانىستى. ول وتكەن, كەتكەن, جابىق تاقىرىپ قوي. ونى قايتا-قايتا قازبالاعاننان نە پايدا؟! ول تاقىرىپ ماعان ءقازىر قىزىق ەمەس, ؛&ndash؛ ؛ دەيدى ول.

ايتىسكەردىڭ ايتۋىنشا, youtube جوبالاردى قولعا الىپ جاتقانداعى ماقسات ؛&ndash؛ قازاققا تالىم-تاربيە بەرەتىن, وي سالاتىن دۇنيەلەر ۇسىنۋ. باعدارلامالارىندا ۇلتارازدىقتى تۋدىراتىن, ەل ىشىنە ىرىتكى سالاتىن اڭگىمەلەرگە جول بەرىلمەيدى. باسقاسىنىڭ ءبارىن ايتۋعا ءازىر.

سونداي-اق اقىن سوڭعى سۇحباتتارىنىڭ بىرىندە "ەگەر شاقىرسا, nurotan پارتياسىنا دا بارۋعا دايىنمىن" دەگەن سوزىنە تۇسىنىك بەردى.

 ؛

&ndash؛ ەگەر ەلدىڭ ءسوزىن سويلەۋگە مۇمكىندىك بەرەتىن جەر بولسا, مەن نۇروتان-عا بارۋعا ءازىرمىن. ماعان ءوز ويىمدى ايتاتىن جەر بولسا, بولدى. بەلگىلى ءبىر پارتيا بەلگىلى ءبىر ساياسات ۇستانادى دەگەنگە سەنبەيمىن. بىزدەگى پارتيالاردىڭ ءبارى تەك ءبىر باعىت ۇستانادى. بۇل جەردەگى باستى ماسەلە &ndash؛ سول پارتيالاردىڭ ىشىندەگى ادامداردىڭ وزگەرۋىندە. مىنە, سولار وزگەرۋى كەرەك, ؛&ndash؛ دەپ اتاپ ءوتتى اقىن.

 ؛

زايتوۆ بيلىك پارتياسىنا وتكەن جاعدايدا اۋزى بۋىلىپ قالمايتىنىن, پارتياعا ەلدىك مۇددە ءۇشىن عانا ءباراتىنىن, ؛مانساپ اتاۋلىعا قىزىقپايتىنىن جەتكىزدى. ؛

 ؛

&ndash؛ اۋزىم بۋىلمايدى. ارى كەتسە شىعارىپ جىبەرەر (پارتيادان &ndash؛ رەد.). پارتياعا "كرەسلو" ءۇشىن بارمايمىن. مەن بيلىككە قىزىقسام, باياعىدا ءبىر جەرگە وتىرىپ الاتىن ەدىم, ونداي مۇمكىندىك بولمادى دەپ ايتپايمىن, ؛&ndash؛ ؛ دەيدى ول.

 ؛

ونىڭ پىكىرىنشە, ۇلتتى, ەلدى ويلايتىن ازامات, ەلدىڭ ءسوزىن جوعارىعا جەتكىزۋ ءۇشىن كەز كەلگەن امالمەن بيلىككە بارۋى كەرەك.

&ndash؛ ءبىز بارلىعىمىز, ۇلتتى ويلايتىن, ەلدى ويلايتىن ازاماتتار كەز كەلگەن تەسىك ارقىلى بيلىككە ءقازىر بارماساق, قازىرگى تاڭدا ول جاققا بارىپ جاتقان ادامداردىڭ قاراسى قورقىنىشتى. ال ەندى سول جەرگە جەتۋ ءۇشىن ادامداردى كوشەگە الىپ شىقسام, وزگەرىس بولمايدى. سەبەبى جوعارىدا زاڭ بار, ؛&ndash؛ دەدى زايتوۆ.

2019 جىلى پرەزيدەنت سايلاۋىنان كەيىن "زاڭدى جاتتاپ, پارتيا اشۋدىڭ جولدارىن قاراستىرامىن" دەگەن ؛ول قازىرگى كەزدە پارتيا قۇرۋدان ناتيجە شىقپايدى دەگەن پىكىردە.

&ndash؛ پارتيا قۇرۋدىڭ ناتيجەسى بولمايدى. مەن تۇسىندىرۋدەن جالىقتىم. كەز كەلگەن ساياسي قادام جاعدايعا بايلانىستى جاسالادى. مىسالى, ەرتەڭ پارتيا اشۋعا مۇمكىنشىلىك بەرىلسە, نەگە قۇرماسقا؟ ءبىراق ىرىلداسىپ, 47 پارتيا قۇرىپ العانشا, بار پارتيالار مامىلەگە كەلىپ, سونىڭ ىشىنە ۇلت دەپ سويلەيتىن ادامداردى, بىر-بىرىمەن ىرىلداسىپ جۇرگەندەردى كىرگىزۋ كەرەك. مەنىڭ ويىم بىرەۋ عانا ؛&ndash؛ حالىقتىڭ ءسوزىن جوعارى جاققا جەتكىزۋ. قاي جاق ارقىلى جەتەدى ماعان ول قىزىق ەمەس, تەك سونى ايتاتىن مۇمكىندىك بەرسە بولدى. مەن ماسەلەن پرەزيدەنت, پرەمەر-مينيستر حالىقتىڭ اۋىر جاعدايىن كورىپ وتىر دەگەنگە سەنبەيمىن. ولار جۇرگەن جەردە ءبارىن جىلتىراتىپ قويادى عوي. بالكىم, سول ءۇشىن كوپ نارسەنى بىلمەيتىن شىعار. مەن سول ۇمىتپەن ايتقىم كەلەدى. مەنىڭ تاققا, يا بولماسا بيلىككە ۇمتىلعان دىمىم دا جوق. ماعان توقاەۆتىڭ الدىندا 15 مينۋت سويلەۋگە مۇمكىندىك بەرسە بولدى. سوسىن مەن كەتىپ, دومبىرامدى ۇستاپ, تويدىڭ اينالاسىندا بەتاشارىمدى ايتىپ جۇرە بەرەمىن, ؛&ndash؛ دەدى اقىن.

زايتوۆ پارتيا قۇرامىن دەگەن مالىمدەمەسى ەموسيامەن ايتىلماعانىنىن, ال قازىرگى باستامالارى پوپۋليزم ەمەس ەكەنىن اتاپ ءوتتى.

&ndash؛ ءقازىر حالىقتى ءبىر وسەكپەن جىندى قىلىپ جىبەرۋگە بولاتىنىن مەن ءتۇسىنىپ وتىرمىن. ءبىراق مەن ءپوپۋليزمدى قۋالامايمىن. مەن اتا-بابالارىمىز ءتاتۋ-تاتتى ءومىر سۇرگەنى سەكىلدى بىزدە دە سول سياقتى بولسا دەيمىن. ءقازىر اينالاداعىلار بىر-بىرىمەن قاتتى ىرىلداسىپ جاتىر. سولاردى تاتۋلاستىرماسا, ارتى جاقسىلىققا اپارمايدى, ؛&ndash؛ دەپ ءسوزىن تۇيىندەدى رينات زايتوۆ.
ىلمەك سوزدەر: رينات زايتوۆ سۇحبات

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر