قورعانىس ءمينيسترىنىڭ ەكى ورىنباسارى تاعايىندالدى

پرەزيدەنت قاسىم-جومارت توقاەۆ قورعانىس ءمينيسترىنىڭ ەكى ورىنباسارىن تاعايىنداۋ تۋرالى بۇيرىققا قول قويدى. بۇل تۋرالى akorda.kz سايتى حابارلادى.

پرەزيەدەنت وكىمىمەن دارىن تۇياقوۆ پەن مۇحامەدجان تالاسوۆ قازاقستان رەسپۋبليكاسى قورعانىس ءمينيسترىنىڭ ورىنباسارلارى بولىپ تاعايىندالدى. ؛

 ؛

دارىن تۇياقوۆ 1969 جىلى الماتى وبلىسى الاكول اۋدانى ءۇشارال اۋىلىندا دۇنيەگە كەلگەن.

ەڭبەك جولىن 1990 جىلى اۋە قورعانىسى راديوتەحنيكالىق اسكەرلەرىنىڭ جەكە راديولوكاسيالىق روتاسى كومانديرىنىڭ ورىنباسارى بولىپ باستاعان. قورعانىس مينيسترلىگىندە, ادىلەت مينيسترلىگىندە, الماتىداعى كوممەرسيالىق قۇرىلىمداردا جانە "قازاقتەلەكوم" اق-دا جۇمىس ىستەدى, "قازاقتەلەكوم" اق باس ديرەكتورى ؛&ndash؛ شتاب باستىعى قىزمەتتەرىن اتقاردى.

2018 جىلى اقپارات جانە كوممۋنيكاسيالار ۆيسە-مينيسترى بولىپ تاعايىندالدى.

2019 جىلدان باستاپ ول سيفرلىق دامۋ, قورعانىس جانە اەروعارىش ونەركاسىبى ۆيسە-مينيسترى قىزمەتىن اتقاردى.

ال مۇحامەدجان تالاسوۆ 1967 جىلى قىزىلوردا وبلىسىندا دۇنيەگە كەلگەن.

ول ءوزىنىڭ ەڭبەك جولىن قارۋلى ارميانىڭ كەو-دا تەحنيكالىق قاداعالاۋ جانە جوندەۋ ينجەنەرى رەتىندە باستادى. ول سونىمەن قاتار باس ينجەنەر ؛&ndash؛ باستىقتىڭ ورىنباسارى, كەك باستىعى بولىپ جۇمىس ىستەدى (1992-2001). 2004-2007 جىلدارى ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگى قارجى-ەكونوميكالىق باسقارماسى باستىعىنىڭ ورىنباسارى, باستىعى لاۋازىمدارىن اتقاردى. 2010-2013 جىلدارى ول قارۋلى كۇشتەردىڭ ماتەريالدىق-تەحنيكالىق قامتاماسىز ەتۋ ءبولىمىنىڭ باستىعى بولىپ جۇمىس ىستەدى. 2013-2017 جىلدار ارالىعىندا باس شتاب باستىعىنىڭ ورىنباسارى بولىپ جۇمىس ىستەدى. 2019 جىلدان باستاپ ول ۇجىمدىق قاۋىپسىزدىك تۋرالى شارت ۇيىمىنىڭ بىرىككەن شتابىنىڭ باستىعى قىزمەتىن اتقاردى.