فوتو: اشىق دەرەككوز
نۇر-سۇلتان قالاسى جانە قاراعاندى, شىعىس قازاقستان, پاۆلودار, اقمولا, الماتى وبلىستارىندا كارانتين رەجيمى كۇشەيتىلەدى. بۇل تۋرالى وبلىستاردىڭ باس سانيتار دارىگەرلەرى مالىمدەدى.
نۇر-سۇلتان قالاسىنىڭ باس سانيتار دارىگەرى جاننا پراليەۆا كارانتيندى كۇشەيتۋگە قاتىستى قاۋلى شىعاردى.
ول ادامدار كوپ بولاتىن ۋاقىتتاردا اۆتوبۋس سانىن ۇلعايتىپ, قوعامدىق كولىكتە بارلىق ەسىكتى اشۋدى تاپسىردى. جەكسەنبىدە اۆتوبۋستار جۇرمەيدى, جۇمىس كۇندەرى تاڭعى 6.00-دەن 23.00-گە دەيىن قاتىنايدى.
ەلوردانىڭ باس سانيتار دارىگەرى 65 جاستان اسقان تۇرعىندارعا كىتاپحانا, تەاتر جانە مۋزەيلەرگە بارۋعا تىيىم سالدى. ؛تەاترلارعا سپەكتاكلدەرگە باراتىندار سانى ءبىر ۋاقىتتا 50 ادامنان اسپاۋعا ءتيىس. ؛
ال قاراعاندى وبلىسىنىڭ باس مەملەكەتتىك سانيتار دارىگەرى ؛يۋريي زالىگين 19 قازاننان باستاپ كارانتين كۇشەيتىلەتىنىن حابارلادى.
"19 قازان ساعات 00:00-دەن باستاپ وبلىس اۋماعىندا سانيتار بەكەتتەرى قويىلادى" دەلىنگەن حابارلامادا.
ول كارانتين رەجيمىنىڭ كۇشەيتىلۋى كورشى وڭىرلەردە كوروناۆيرۋس ينفەكسياسىن جۇقتىرعاندار سانىنىڭ ارتۋىمەن بايلانىستى ەكەنىن اتاپ ءوتتى.
سونداي-اق 65 جاستان اسقان تۇرعىندارعا مۇمكىندىگىنشە ۇيدە وتىرۋ قاجەت. مەملەكەتتىك ورگاندار مەن ۇيىمدار جەتەكشىلەرىنە قىزمەتكەرلەردىڭ 50 پروسەنتىن قاشىقتان جۇمىس ىستەۋگە كوشىرۋ ۇسىنىلدى (30-دان استام قىزمەتكەر بولسا).
ونەركاسىپتىك كاسىپورىندار, اۆتوۆوكزالدار مەن اۆتوستانسيالاردا سمارت بەينەباقىلاۋى بار تەپلوۆيزەرلەر بولۋى كەرەك ەكەنى ايتىلدى.
شىعىس قازاقستان وبلىسىندا 17 قازان - 31 قازان ارالىعىندا كارانتين كۇشەيتىلەدى.
بۇل تۋرالى ءوڭىردىڭ باس مەملەكەتتىك سانيتار دارىگەرىنىڭ ورىنباسارى گۋليايم تاعاەۆا مالىمدەدى.
قاۋلىعا سايكەس, ادام كوپ جينالاتىن, وتباسىلىق شارالاردى وتكىزۋگە, اۋداندار مەن وبلىس ىشىندەگى قالالار اراسىنداعى اۆتوبۋستار قاتىناۋىنا سالىنعان تىيىم ساقتالادى.
پاۆلودار وبلىسىندا كارانتين شارالارى 18 قازاننان باستاپ كۇشەيتىلەدى. بۇل تۋرالى وبلىسىنىڭ باس مەملەكەتتىك سانيتار دارىگەرى مالىمدەدى.
قاۋلىعا سايكەس:
- قۇجاتتا عيمارات ىشىندەگى قوعامدىق تاماقتانۋ ورىندارىنا (اشىق اۋادا قىزمەت كورسەتۋدى قوسپاعاندا) ساعات 08.00-دەن 22.00-گە دەيىن جۇمىس ىستەۋگە رۇقسات بەرىلەدى. بۇل رەتتە, نىساننىڭ تولىمدىلىعى 30 ورىننان اسپاۋى, الەۋمەتتىك ارا قاشىقتىق جانە ۇستەلدەر اراسىنداعى 2 مەتر قاشىقتىق, ءبىر ۇستەل باسىنا 4-6 ادامنان وتىرعىزۋ تالاپتارى ساقتالۋى ءتيىس.
- ۇجىمدىق, سالتاناتتى, وتباسىلىق, جانە باسقا دا ءىس-شارالارعا تىيىم سالىنادى.
- ازىق-تۇلىك دۇكەندەرىنىڭ جۇمىس ۋاقىتى ساعات 22.00-گە دەيىن عانا رۇقسات بەرىلەدى.
- فيتنەس-ورتالىقتاردىڭ, جاتتىعۋ زالدارى مەن سپورتتىق-ساۋىقتىرۋ ورتالىقتارىنىڭ قىزمەتتەرى 30 پايىزدىق تولىمدىلىقپەن ساعات 08.00-دەن 20.00-گە دەيىن جۇرگىزىلەدى.
- ساۋدا ورتالىقتارىنىڭ, ساۋدا ۇيلەرىنىڭ, ساۋدا جەلىلەرىنىڭ جۇمىس ۋاقىتى ساعات 18.00-گە دەيىن عانا بولادى.
ال, 16 قازاننان باستاپ اقمولا وبلىسىندا كارانتين كۇشەيتىلدى.
قاۋلىعا سايكەس: ؛
- 65 جاستان اسقان ازاماتتاردىڭ دالاعا شىعۋىنا شەكتەۋ ەنگىزىلدى؛ تۇنگى ساعات 23:00-دەن تاڭعى 06:00-گە دەيىن كومەندانتتىق ساعات ەنگىزىلدى ء(وڭىردىڭ كوشەلەرىندە جۇرۋ)؛
- دەمالىس كۇندەرى اۆتوبۋستاردىڭ جۇرۋىنە تىيىم سالىندى؛
- تاكسي ەكى ادامنان ارتىق تاسىمالداماۋى ءتيىس؛
- ساياباق, سكۆەرلەردە 3 ادامنان ارتىق توپ بولىپ جۇرۋگە بولمايدى؛
- اۋماعى 1000 شارشى مەتردەن اساتىن ساۋدا ورتالىقتارى, ساۋدا, ويىن-ساۋىق ورتالىقتارى مەن ازىق-تۇلىك ەمەس دۇكەندەردىڭ جۇمىسى شەكتەلەدى. جۇمىس كۇندەرى ساعات 19:00-گە دەيىن اشىق بولسا, دەمالىس جانە مەرەكە كۇندەرى جابىق بولادى؛
- جۇمىس كۇندەرى ازىق-تۇلىك دۇكەندەرى مەن جابىق بازارلاردىڭ جۇمىس ۋاقىتى 17:00 دەيىن شەكتەلەدى. دەمالىس جانە مەرەكە كۇندەرى جۇمىس ىستەمەيدى؛
- ازىق-تۇلىك دۇكەندەرى مەن مەيرامحانالاردىڭ جۇمىس ۋاقىتى ساعات 09:00-دەن 22:00-گە دەيىن بەلگىلەندى؛
- قوعامدىق تاماقتانۋ ورىندارى 30 كەلۋشى نەمەسە سىيىمدىلىعىنىڭ 50 پايىزىن عانا قابىلداۋى تيىس؛
- مەملەكەتتىك ورگاندار قىزمەتكەرلەرىنىڭ 80 پايىزى قاشىقتان جۇمىس ىستەۋگە كوشىرىلەدى؛
- حقو جۇمىس كەستەسى شەكتەلەدى؛
- فيتنەس-ورتالىقتار سىيىمدىلىعىنىڭ 50 پايىزىن عانا قابىلداۋى تيىس؛
- 5-تەن 180-گە دەيىن وقۋشىسى بار مەكتەپتەرگە سىنىپتا بالانىڭ سانىن 15-تەن اسىرماي جۇمىس ىستەۋگە رۇقسات ەتىلەدى؛
- پوشتالار ساعات 14:00 دەيىن عانا جۇمىس ىستەيدى.
الماتى وبلىسىنىڭ باس مەملەكەتتىك سانيتار دارىگەرى ە. سىدىمانوۆ وبلىستا كارانتين شارالارىن كۇشەيتەتىن جاڭا قاۋلىسىن شىعاردى.
قاۋلىعا سايكەس:
- 50 ورىننان جوعارى قوعامدىق تاماقتانۋ ورىندارى (مەيرامحانا, كوفەحانالار, ءدامحانالار, بانكەت زالدارى, اسحانالار, ؛دونەر, بارلار)؛
- بارلىق مەنشىك نىسانىنداعى مەكتەپكە دەيىنگى ۇيىمداردا 15 ادامنان اسپاۋى ءتيىس؛
- ويىن-ساۋىق نىساندارى (تۇنگى كلۋبتار, كاليانحانالار, بارلار, بۋكمەكەرلىك, كورمەلەر, بيليارد, كاراوكە, كۆەستەر, لوتو, كومپيۋتەرلىك كلۋبتار ت.ب)
- قوعامدىق كولىكتەردىڭ تاسىمالداۋ قىزمەتى 10:00-17:00 دەيىن كەستەگە سايكەس, ساعات 6:00-10:00 دەيىن جانە ساعات 17:00-20:00 دەيىن 5 مينۋتتان اسپايتىن رەيسارالىق ينتەرۆالمەن؛
- 65 جاستان اسقان ازاماتتارعا كوشەگە شىعۋعا تىيىم سالىنادى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر