getty
"تۇركيا جۇمادا رەسەيدە جاسالعان اۋە قورعانىس جۇيەسىن سىناپ, زىمىرانداردى قولداندى" دەپ مالىمدەدى امەريكا قۇراما شتاتتارىنىڭ رەسمي وكىلى. نيۋ-يورك تايمستىڭ اقپاراتىنشا, بۇل ارەكەت ترامپ اكىمشىلىگىمەن كەلىسىمدى بۇزىپ, كونگرەسستىڭ تۇركياعا سانكسيالار سالۋ ءقاۋپىن توندىرەدى.
تۇرىك اسكەريلەرى قارا تەڭىزدەگى سينوپ پروۆينسياسىندا "s-400" دەپ اتالاتىن اۋە قورعانىس جۇيەسىن سىناقتان وتكىزدى, مۇنى "a haber" تەلەديدارى الدىمەن حابارلادى جانە كەيىنىرەك ءاتى-جونىن ايتپاۋدى وتىنگەن اقش شەنەۋنىگى راستادى. رەيتەرس تاراتشان بەينەروليكتە اق ءتۇتىن ءىزى اسپاندا قالقىپ جۇرگەنى كورىنگەن.
تۇركيا ۇكىمەتى تاراپىنان سىناقتىڭ باستالعانى تۋرالى رەسمي راستاۋ بولعان جوق. ءبىراق بۇل جاڭالىقتى تەرىستەمەدى دە. تۇركيا زىمىرانداردى سينوپقا قاراي جىلجىتقانى بايقالعان جانە جاقىن ارادا بىرنەشە سىناق وتكىزۋ ءۇشىن جاعالاۋ ماڭىنداعى اۋە كەڭىستىگى مەن سۋلاردى شەكتەيتىن حابارلامالار جاسالعان.
تۇركيا پرەزيدەنتى رەجەپ تايىپ ەردوعان وتكەن جىلى رەسەيدەن جەتىلدىرىلگەن "s-400" جۇيەسىن ساتىپ العان. دەگەنمەن بۇل ارەكەت تۇركيانىڭ ناتو-داعى وداقتاستارى مەن اقش-تىڭ شامىنا تيگەن. بۇل جۇيە امەريكالىق "f-35" جاسىرىن بومبالاۋشى ۇشاقتارىنا جانە باتىستىڭ باسقا دامىعان قارۋ-جاراعىنا قارسى تۇرۋعا باعىتتالعان. باتىستىق اسكەري شەنەۋنىكتەر "تۇركيانىڭ زىمىراندى قولدانۋى جاقىن ماڭداعى ناتو ۇشاقتارىنا ءقاۋىپ توندىرەدى" دەپ شاعىمدانۋدا.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر