اقتاۋعا ۇشقان جولاۋشى جولدا شىمكەنتكە بارۋىم كەرەك دەپ ۇشاقتان سەكىرمەك بولعان

الماتى-اقتاۋ اۋەرەيسىنىڭ جولاۋشىسى بورتتا شۋ شىعارىپ, ەسىكتى اشۋعا ارەكەتتەنگەن, دەپ حابارلادى zakon.kz ؛ سايتى.

باسىلىم مالىمەتىنشە, جولاۋشى ؛flyarystan كس 7175 رەيسىمەن الماتى-اقتاۋ باعىتى بويىنشا ۇشىپ بارا جاتقاندا شۋ شىعارعان.

"وزگە جولاۋشىلار مەن ەكيپاج مۇشەلەرىمەن ەرەگىسىپ, بوعاۋىز ءسوز ايتىپ, جولاۋشىلاردى يتەرىپ, كەيبىرىنە قوقان-لوقى كورسەتكەن. ؛بورتسەرىكتەردىڭ ماسكا تاعىپ, ورنىنا وتىرۋدى سۇراعانىنا قۇلاق اسپاعان. ؛الماتى-اقتاۋ باعىتىنا بيلەت العانىنا قاراماستان, شىمكەنتكە بارۋى كەرەكتىگىن ايتىپ, ۇشاقتىڭ ەسىگىن اشۋعا ارەكەتتەنگەن. ؛بورتسەرىكتەر نۇسقاۋلىق بويىنشا, ءتارتىپسىز جولاۋشىنى توقتاتپاق بولىپ, كوندىگۋ كيىمىن كيگىزۋگە تىرىسقان. وسى ساتتە جولاۋشى باعىنعىسى كەلمەي, بورتسەرىكتەردىڭ ءبىرىن بۋىندىرعان. قايتا جولاۋشىلار كومەككە كەلىپ, ەكيپاج مۇشەسىنە اراشا ءتۇسىپ, ايەلدى بۇزاقىدان قۇتقارىپ قالعان" دەلىنگەن اقپاراتتىق حابارلامادى.

ۇشاق اقتاۋ اۋەجايىنا قونعاننان كەيىن شۋ شىعارعان جولاۋشى پوليسياعا تاپسىرىلدى.

وقيعا 24 قىركۇيەكتە بولعان. الايدا اۋەكومپانيا بۇل تۋرالى ەندى مالىمدەپ وتىر.

كەيىن انىقتالعانداي, شۋ شىعارعان جولاۋشى ماس بولعان. وعان قاتىستى ۇشاقتا الكوگولدىك سۋسىن ىشكەنى, ۇساق بۇزاقىلىق جاساعانى, اۋە كەمەسى ەرەجەسىن بۇزعانى ءۇشىن حاتتاما تولتىرىلعان. ايىپكەر, جولاۋشىلار مەن ەكيپاج مۇشەلەرىنەن كەشىرىم سۇرامادى.

ارتىنشا, ؛flyarystan كومپانياسى بورتسەرىكتى بۇزاقىدان اراشالاپ قالعان جولاۋشىلار ؛&ndash؛ نۇرلان بوحانوۆ پەن ماناس تۇرابەكوۆكە اۋەكومپانيا قىزمەتتەرى مەن بيلەتتەرىن ساتىپ الۋعا مۇمكىندىك بەرەتىن ۆاۋچەر تابىس ەتكەن.