قىرعىزستان پرەزيدەنتى وتستاۆكاعا كەتتى

قىرعىزستان پرەزيدەنتى سوورونباي جەەنبەكوۆ بۇگىن ەلدەگى قازىرگى قوعامدىق-ساياسي جاعدايعا بايلانىستى قىرعىز حالقىنا ۇندەۋ جاساپ, وتستاۆكاعا كەتەتىنىن مالىمدەدى. بۇل تۋرالى 24.kg سايتى حابارلادى. ؛

ونىڭ ايتۋىنشا, ەلدەگى, اتاپ ايتقاندا بىشكەكتەگى جاعداي شيەلەنىستى بولىپ قالا بەرەدى.

&ndash؛ كەشە جوگوركۋ كەڭەش ۇكىمەتتىڭ قۇرامىن بەكىتتى, مەن ءتيىستى تاعايىنداۋلار تۋرالى قىرعىز رەسپۋبليكاسى پرەزيدەنتىنىڭ جارلىقتارىنا قول قويدىم. ءبىراق بۇل شيەلەنىستى جەڭىلدەتە المادى. وكىنىشكە قاراي, اگرەسسيا باسىلماي كەلەدى, مەنىڭ تەز ارادا وتستاۆكاعا كەتۋىمدى تالاپ ەتۋ جالعاسىپ جاتىر. ؛مەن ەشكىمدى ارانداتۋشىلىققا بوي الدىرماۋعا شاقىرامىن. مەن ءۇشىن قىرعىزستانداعى بەيبىتشىلىك, ەلدىڭ تۇتاستىعى, حالقىمىزدىڭ بىرلىگى جانە قوعامداعى تىنىشتىق بارىنەن بۇرىن تۇرادى. مەن ءۇشىن ءار جەرلەسىمنىڭ ومىرىنەن قىمبات ەشتەڭە جوق. ؛مەن بيلىككە جابىسىپ تۇرعان جوقپىن. مەن قىرعىزستان تاريحىندا ءوز ازاماتتارىنا قان توگىپ, وق اتقان پرەزيدەنت رەتىندە قالعىم كەلمەيدى. سوندىقتان مەن جۇمىستان كەتۋگە شەشىم قابىلدادىم, &ndash؛ دەدى سوورونباي جەەنبەكوۆ.

سوورونباي جەەنبەكوۆ دجاپاروۆتى جانە باسقا ساياساتكەرلەردى ەل استاناسىنان ءوز جاقتاستارىن الىپ كەتۋگە جانە بىشكەكتىكتەرگە بەيبىت ءومىردى قايتارۋعا شاقىردى.

سوورونباي جەەنبەكوۆ قىرعىزستان رەسپۋبليكاسىنىڭ پرەزيدەنتى بولىپ ؛2017 جىلى سايلانعان بولاتىن. ؛