بانكتىڭ قارا تىزىمىنەن قالاي شىعۋعا بولادى؟

نەسيە تاريحى تۋرالى اقپارات قانشا ۋاقىتتا جاڭارادى؟

نەسيە تاريحى تۋرالى اقپارات ءبىرىنشى كرەديتتىك بيۋرودا 10 جىل بويى ساقتالادى. 10 جىلدان كەيىن دە نەسيە تاريحى بيۋرو ارحيۆىندە تىركەۋدە تۇرادى, ءبىراق قۇنىن جوعالتادى. ياعني, ول جەردە نەسيەنىڭ نەشە ۋاقىت تولەنبەگەنى, قارىز سوماسى جازىلمايدى. ال تولەنىپ جاتقان كرەديتكە بايلانىستى نەسيە تاريحىنا قاندايدا ءبىر وزگەرىس ەنسە, اقپارات 15 كۇندە جاڭارادى.

بۇل سۇراق كوپتى تولعاندىراتىنى بەلگىلى. الايدا جامان كرەديت تاريحىن تولىقتاي جوندەۋ, تازارتۋ, جويۋ مۇمكىن ەمەس. جامان كرەديت تاريحىن تەك جاقسارتۋعا عانا مۇمكىندىك بار.

ول ءۇشىن الدىمەن بار بولعان جاعدايدا پروبلەمالىق كرەديتتەردى جابۋ قاجەت. بۇل ءسىزدىڭ جاعدايىڭىزدى اناعۇرلىم جاقسارتادى. ويتكەنى پروبلەمالىق قارىزى بار بولا تۇرا, جاڭا نەسيە الۋ مۇمكىن ەمەس دەسە دە بولادى. ؛

تاعى ءبىر امال &ndash؛ ميكروقارىز, كرەديتتىك كارتا نەمەسە از سوماعا كرەديت راسىمدەپ, ونى ۋاقىتىلى جابۋ. وسىلاي بىرنەشە رەت جاسالعان جاعدايدا كليەنتتىڭ بانك الدىنداعى رەپۋتاسياسى جاقسارادى.

ۇشىنشى جول ؛&ndash؛ دەپوزيت اشۋ, ونى ۇدايى تولتىرىپ تۇرۋ. بۇل فاكتوردىڭ كرەديت تاريحىنا ەش قاتىسى جوق بولعانىمەن, پايداسى بار. كرەديتكە ءوتىنىم بەرەردە, بانك كليەنتتىڭ اكتيۆىندە تۇراقتى تۇردە تولتىرىلىپ تۇرعان دەپوزيتتىڭ بارىن نازارعا الادى. بۇل بانك ءۇشىن كليەنتتىڭ تولەم جاساۋعا قابىلەتتى ەكەنىن بىلدىرەتىن بەلگى بولۋى مۇمكىن.

نەسيە تاريحى بۇزىلعاندارعا كرەديت مۇلدە بەرىلمەي مە؟

نەسيە تاريحى بۇزىلعان ازاماتتارعا كرەديت بەرەتىن بانك بار دەپ 100 پايىز سەنىممەن ايتۋ قيىن. ءبىراق كرەديت ۇيىمدارى ءار ادامنىڭ ءوتىنىمىن جەكە قاراستىراتىنىن ەسكەرگەن ءجون. سوندىقتان تانىسىڭىزعا نەسيە تاريحى قۇرتىلعانى ءۇشىن ؛ قارىز بەرمەگەن بانك سىزگە دە "جوق" دەيدى دەۋ قاتە. ەگەر نەسيە بويىنشا تولەنبەگەن كۇندەر كوپ بولماسا, بانك مۇندايعا كوز جۇما قاراۋى مۇمكىن. كرەديت تاريحىن باعالايتىن كريتەرييلەر ءار بانكتە ءارتۇرلى ەكەنىن ەسكەرسەك, ءبىر بانك ءۇشىن ورەسكەل بولىپ كورىنگەن كەشىگۋ, كەلەسى بانك ءۇشىن ايتارلىقتاي ماڭىزدى بولماۋى مۇمكىن.

دەرەككوز: ؛bankchart.kz