رەيتەرس
نورۆەگيا بيلىگى تامىز ايىندا ەلدىڭ پارلامەنتىنىڭ ەلەكتروندىق پوشتا جۇيەسىنە كيبەرشابۋىل جاساعانى ءۇشىن رەسەيدى ايىپتادى.
نورۆەگيانىڭ سىرتقى ىستەر ءمينيسترى ينە ەريكسەن سورەيدە مۇنى مەملەكەتتىڭ "ەڭ ماڭىزدى دەموكراتيالىق ينستيتۋتىنا" قاتىستى اۋىر وقيعا دەپ اتادى.
"ۇكىمەتكە قول جەتىمدى اقپاراتقا سۇيەنە وتىرىپ, بۇل ارەكەتتىڭ ارتىندا رەسەي تۇر دەپ باعالايمىز" دەدى ول ەشقانداي دالەل كەلتىرمەي.
ماسكەۋ بۇل مالىمدەمەنى قابىلداماي, ونى "قاساقانا ارانداتۋشىلىق" دەپ اتادى.
سەرەيدە مالىمدەمەسىندە نورۆەگيانىڭ قاۋىپسىزدىك جانە بارلاۋ قىزمەتتەرى "بۇل ماسەلەمەن ۇلتتىق دەڭگەيدە كۇرەسۋ ءۇشىن تىعىز ىنتىماقتاستىقتا" ەكەنىن ايتتى.
بۇعان جاۋاپ رەتىندە رەسەيدىڭ وسلوداعى ەلشىلىگى ەشقانداي دالەلدەر كەلتىرىلمەگەنىن ايتىپ, "قولايسىز" حابارلاندىرۋعا كەلىسپەۋشىلىگىن بىلدىرگەن.
قىركۇيەك ايىندا نورۆەگيا بيلىگى بىرنەشە شەنەۋنىككە تيەسىلى ەلەكتروندىق پوشتا جازبالارى كيبەرشابۋىل كەزىندە بۇزىلعانىن جانە كەيبىر اقپارات جۇكتەلگەنىن مالىمدەدى. ءبىراق بۇزۋ ناتيجەسىندە كەلتىرىلگەن زياننىڭ تولىق مولشەرى جاريا ەتىلمەگەن.
نورۆەگيانىڭ بۇل ايىپتاۋى رەسەيمەن قارىم-قاتىناستارى شيەلەنىسىپ تۇرعان كەزدە پايدا بولدى. ەكى ەل دە اركتيكامەن شەكتەسەدى, ال نورۆەگيا ناتو-نىڭ مۇشەسى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر