covid-19. دەنساۋمين قايتىس بولعان مەديسينا قىزمەتكەرلەرىنىڭ تۋىستارى اقشالاي وتەماقى العانىن حابارلادى

covid-19-عا قارسى كۇرەستە قازا تاپقان بارلىق 182 مەديسينا قىزمەتكەرىنىڭ تۋىستارى مەملەكەتتىك الەۋمەتتىك ساقتاندىرۋ قورىنان (بۇدان ءارى-ماسق) 10 ملن تەڭگە مولشەرىندە ءبىرجولعى ءتولەم الدى. بۇدان باسقا, covid-19-بەن كۇرەسۋگە تارتىلعان 5,3 مىڭنان استام مەديسينا قىزمەتكەرى كوروناۆيرۋس ينفەكسياسى مەن  ؛ۆيرۋستىق پنەۆمونيانى جۇقتىرۋىنا بايلانىستى ءماسق-دان ءبىرجولعى الەۋمەتتىك تولەم الدى. بۇل تۋرالى دەنساۋلىق ساقتاۋ مينيسترلىگى حابارلادى.

بۇدان بۇرىن حابارلانعانداي, جوعارىدا اتالعان تولەم تولەنەتىن مەديسينا قىزمەتكەرلەرىن وڭىرلەردىڭ جانە رەسپۋبليكالىق ماڭىزى بار قالالاردىڭ دەنساۋلىق ساقتاۋ باسقارمالارى جانىنداعى ارنايى كوميسسيالار اۋىرعان مەديسينا قىزمەتكەرلەرىن تەكسەرۋ ناتيجەلەرى نەگىزىندە انىقتايدى. وتىنىمدەردى جيناقتاۋدى قر دەنساۋلىق ساقتاۋ مينيسترلىگى جۇزەگە اسىرادى, ودان كەيىن وتىنىمدەر ەلەكتروندىق ءىس ماكەتتەرىن قالىپتاستىرۋ ءۇشىن «؛ازاماتتارعا ارنالعان ۇكىمەت»؛ مەملەكەتتىك كورپوراسياسى»؛ كەاق-قا بەرىلەدى, سودان سوڭ تولەم تاعايىنداۋ ءۇشىن ءماسق-عا جىبەرىلەدى.

12 قازان ساعات 18.00-دەگى جاعداي بويىنشا ءماسق covid-19 نەمەسە ۆيرۋستىق پنەۆمونيا جۇقتىرعان 5 334 مەديسينا قىزمەتكەرىنىڭ ءوتىنىشى بويىنشا جانە اۋرۋدىڭ سالدارىنان قايتىس بولعان 182 مەديسينا قىزمەتكەرىنە قاتىستى اقشالاي قاراجاتتى تاعايىنداۋ مەن تولەۋدى جۇزەگە اسىردى.وسىلايشا, تولەمدەردى covid-19-بەن كۇرەستە قايتىس بولعان بارلىق مەديسينا قىزمەتكەرلەرىنىڭ تۋىستارى الدى.

وڭىرلەر بولىنىسىندە مەديسينا قىزمەتكەرلەرىنە covid-19 نەمەسە ۆيرۋستىق پنەۆمونيانى جۇقتىرۋ جاعدايىنا تولەمدەردىڭ ەڭ كوپ سانى نۇر-سۇلتان (1027) جانە الماتى (560) قالالارى جانە شىعىس قازاقستان (480), اتىراۋ (465) جانە قاراعاندى (409) وبلىستارى بويىنشا جۇرگىزىلدى.

ەستەرىڭىزگە سالا كەتەيىك, قر ەڭبەك جانە حالىقتى الەۋمەتتىك قورعاۋ ءمينيسترى مەن قر دەنساۋلىق ساقتاۋ ءمينيسترىنىڭ 9 ساۋىردەگى «؛دەنساۋلىق ساقتاۋ ۇيىمدارىنىڭ covid-19 كوروناۆيرۋستىق ينفەكسياسىنا قارسى كۇرەس جونىندەگى ەپيدەمياعا قارسى ءىس-شارالارعا تارتىلعان قىزمەتكەرلەرى اتالعان ينفەكسيانى جۇقتىرعان نەمەسە ودان قايتىس بولعان جاعدايدا ولارعا ءبىرجولعى الەۋمەتتىك تولەمدى جۇزەگە اسىرۋ قاعيدالارىن بەكىتۋ تۋرالى»؛ بىرلەسكەن بۇيرىعىنا اعىمداعى جىلدىڭ 22 ءشىلدەسىندە ەنگىزىلگەن وزگەرىستەرگە سايكەس, جوعارىدا كورسەتىلگەن تولەم:

&ndash؛ كوروناۆيرۋستىق ينفەكسيا نەمەسە ۆيرۋستىق پنەۆمونيا جۇقتىرعان مەديسينا قىزمەتكەرلەرىنە &ndash؛ 2 ملن تەڭگە؛

&ndash؛ covid-19 كوروناۆيرۋستىق ينفەكسياسىن جۇقتىرعاننان,  ؛ۆيرۋستىق پنەۆمونيامەن اۋىرىپ قايتىس بولعان جاعدايدا ولاردىڭ وتباسىنا &ndash؛ 10 ملن تەڭگە كولەمىندە تولەنەدى.