فوتو: azh.kz
اتىراۋ وبلىستىق دەنساۋلىق ساقتاۋ باسقارماسىنىڭ باستىعى نۇرلىبەك قابدىقاپاروۆ قاتاڭ سوگىس العاننان كەيىن, ءوز ەركىمەن قىزمەتتەن كەتۋدى ۇيعاردى. بۇل تۋرالى ؛azh.kz حابارلادى. ؛
وبلىس اكىمى ءباسپاسوز قىزمەتىنىڭ مالىمەتىنە سۇيەنسەك, نۇرلىبەك قابدىقاپاروۆقا قىزمەتتىك مىندەتىن ءتيىستى اتقارماعانى ءۇشىن بىرنەشە سەبەپتەرمەن قاتاڭ سوگىس جاريالانعان.
"ولاردىڭ ىشىندە covid-19-عا قارسى كۇرەس بويىنشا ەپيدەمياعا قارسى ءىس-شارالاردى جۇزەگە اسىرۋداعى, ينفەكسيا جۇقتىرعان مەديسينا قىزمەتكەرلەرىنە الەۋمەتتىك جەڭىلدىكتەر ۇيىمداستىرۋداعى, سونداي-اق توتەنشە جاعداي كەزىندە ءوڭىردىڭ مەديسينا مەكەمەلەرىن جەكە قورعانىش قۇرالدارىمەن قامتاماسىز ەتۋدەگى كەمشىلىكتەر بار. ول بۇل ماسەلەلەر بويىنشا تۇسىنىكتەمە جازىپ, كەيىن ءوز ەركىمەن قىزمەتىنەن كەتۋ تۋرالى ءوتىنىش بەردى" دەلىنگەن حابارلامادا.
قازىر وبلىستىق دەنساۋلىق ساقتاۋ باسقارماسى باسشىسىنىڭ مىندەتىن ۋاقىتشا اتقارۋشى بولىپ اسحان بايدۋۆاليەۆ تاعايىندالدى.
ا.بايدۋۆاليەۆ 1972 جىلى وڭتۇستىك قازاقستان وبلىسىندا دۇنيەگە كەلگەن. الماتى وبلىسىنداعى قاراساي اۋداندىق اۋرۋحاناسىن, الماتى وبلىسىنىڭ دەنساۋلىق ساقتاۋ باسقارماسىن باسقارىپ, كەيىن اسفەندياروۆ اتىنداعى قازاق ۇلتتىق مەديسينالىق ۋنيۆەرسيتەتىنىڭ قوسىمشا كاسىپتىك ءبىلىم بەرۋ ورتالىعىندا باسشىلىق ەتتى. ودان كەيىن شىمكەنت قالاسىنىڭ دەنساۋلىق ساقتاۋ باسقارماسىنىڭ باسشىسى بولىپ جۇمىس ىستەدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر