فوتو: ۆيدەودان الىنعان
قىرعىزستانداعى وش قالالىق كەڭەسىنىڭ سپيكەرى, "مەكەنىم قىرعىزستان" ساياسي پارتياسىنان جوعارعى كەڭەس دەپۋتاتتىعىنا كانديدات جاپار ورمونوۆتى ورتالىق الاڭعا جينالعان توپ سوققىنىڭ استىنا الدى. بۇل تۋرالى turmush.kg حابارلادى. ؛
قاتىسۋشىلاردىڭ ءبىر بولىگى ج.ورمونوۆتى بىردەن باس سالىپ, ۇرىپ-سوعىپ جاتتى. ال ونى قولداۋشىلار اگرەسسيۆتى كوپشىلىكتىڭ اراسىنان شىعارىپ الۋعا تىرىستى. نارازى توپ ارتىنان تاس لاقتىرىپ, قۋدالاي باستادى. ؛ ؛
ميتينگكە قاتىسۋشىلار قالا اكىمى قىزمەتىنە مەليس مىرزاكماتوۆتى تاعايىنداۋ تۋرالى ۇسىنىستارىن ايتىپ جاتىر. ازاماتتاردىڭ ايتۋىنشا, ول ءقازىر قازاقستاندا.
قىرعىزستاننىڭ قوعام قايراتكەرى تولوگون كەلدىباەۆتىڭ ايتۋىنشا, بولىپ جاتقان جاعدايعا قازىرگى ۇكىمەتتىڭ ءوزى كىنالى. ول ەلدەگى جاعدايدى 180 گرادۋسقا بۇرىپ جىبەرەتىن جانە ودان ءارى دامۋ جولىنا تۇسە الاتىن جاستاردى باسشىلىققا شاقىرۋ كەرەكتىگىن ايتتى.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر