30 قىركۇيەك, 2020 news

اقتوبە وبلىسى اكىمىنىڭ ەكس-ورىنباسارى 12 جىلعا سوتتالدى

فوتو: qamshy.kz

بۇگىن, 30 قىركۇيەك كۇنى اقتوبە وبلىسى اكىمىنىڭ بۇرىنعى ورىنباسارى رۋسلان مامۋنوۆ زاڭسىز اقشا العانى ءۇشىن كىنالى دەپ تانىلدى. ول تۋىسى &ndash؛ قوستاناي وبلىسىنىڭ بۇرىنعى اكىمى احمەدبەك احمەتجانوۆتان 1,2 ملن دوللار زاڭسىز اقشا الدى دەپ ايىپتالدى. نۇر-سۇلتان قالاسى قىلمىستىق ىستەر جونىندەگى مامانداندىرىلعان اۋدانارالىق سوتى شەنەۋنىكتى 12 جىلعا باس بوستاندىعىنان ايىرۋ جازاسىن تاعايىندادى. بۇل تۋرالى "ناشا گازەتا" باسىلىمى حابارلادى.

ايىپتاۋ قورىتىندىسى بويىنشا, مامۋنوۆ بۇل اقشانى 2016 جىلى اسا ءىرى مولشەردە پارا العانى ءۇشىن سوتتالعان احمەتجانوۆقا بايلانىستى ۇكىمدى جەڭىلدەتۋ تۋرالى كەلىسىمگە ۋادە بەرگەنى ءۇشىن العان. الايدا مامۋنوۆ قوستاناي وبلىسىنىڭ بۇرىنعى اكىمىنىڭ ايەلى مەن اعاسى بەرگەن اقشاعا نۇر-سۇلتان قالاسىنان 2 بولمەلى پاتەر مەن ەكى lexus كولىگىن ساتىپ العان.

نۇر-سۇلتان قالالىق سوتىنىڭ سۋدياسى ءادىلحان شايحيسلاموۆ مامۋنوۆقا قاتىستى ۇكىمدى وقىدى.

"رۋسلان مامۋنوۆ كىنالى دەپ تانىلىپ, وعان ورتاشا ءقاۋىپسىز كولونيادا 12 جىل باس بوستاندىعىنان ايىرۋ جازاسىن تاعايىندالسىن. سونداي-اق قىلمىستىق جولمەن كەلگەن اقشاعا ساتىپ الىنعان مۇلىكتى, ياعني lexus-nx-200, lexus-lx-570 ماركالى كولىكتەر مەن قالداياقوۆ كوشەسىندەگى 2 بولمەلى پاتەر تاركىلەنەدى" دەلىنگەن ۇكىمدە.

سۋديانىڭ ايتۋىنشا, رۋسلان مامۋنوۆ باستاپقىدا قىلمىستىق كودەكستىڭ ءتورت بابى بويىنشا ايىپتالعان. سوت ۇكىمى ءالى زاڭدى كۇشىنە ەنبەگەندىكتەن, جاريا ەتىلگەن كۇننەن باستاپ 15 كۇن ىشىندە شاعىم جاسالۋى مۇمكىن.

رۋسلان مامۋنوۆ 2019 جىلدىڭ قاراشا ايىندا اقتوبە وبلىسى اكىمىنىڭ ورىنباسارى بولىپ تاعايىندالعان. 2020 جىلدىڭ اقپان ايىنىڭ سوڭىندا الەۋمەتتىك جەلىدە شەنەۋنىكتىڭ ۇستالعانى تۋرالى اقپارات تارادى. ول باستاپقىدا بۇل اقپاراتتى راستاماعان.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر