ن.نىعماتۋلين: ءاربىر جوو وزدەرى بەرگەن ديپلومىن باعالاي ءبىلۋى كەرەك

نۇر-سۇلتان, 30 قىركۇيەك, ءماجىلىس ءۇيى. ءماجىلىس ءتوراعاسى نۇرلان نىعماتۋلين ءبىلىم بەرۋ ساپاسى ءۇشىن جاۋاپكەرشىلىك جوعارى وقۋ ورىندارىنىڭ وزدەرىنە جۇكتەلەدى, الايدا ءبىلىم بەرۋ قىزمەتىن باقىلاۋ ساقتالاتىن بولادى دەپ ەسەپتەيدى.

بۇگىن جالپى وتىرىستا ءماجىلىس ءبىلىم بەرۋ ماسەلەلەرى بويىنشا دەپۋتاتتىق زاڭ جوبانى ءبىرىنشى وقىلىمدا ماقۇلدادى.

دەپۋتاتتار ازىرلەگەن وزگەرىستەر ءبىلىم بەرۋ پروسەسىن ودان ءارى جەتىلدىرۋگە, ونىڭ ىشىندە ءبىلىم بەرۋ جەتىستىكتەرىنىڭ مونيتورينگىن جۇزەگە اسىرۋعا باعىتتالعان.

وسىعان بايلانىستى ۇسىنىلعان ءبىلىم بەرۋ جەتىستىكتەرىن باقىلاۋدىڭ قازىرگى ءبىلىم جەتىستىكتەرىن سىرتتاي باعالاۋدان ايىرماشىلىعى تۋرالى ماسەلە كوتەرىلدى.

&ndash؛ مەنىڭشە, بۇل سۇراقتى ءالى دە قاراستىرۋ قاجەت. سەبەبى, ءبىلىم سالاسى ول - ەلدىڭ بولاشاعى. سوندىقتان, بۇل سالادا بارلىق جاڭالىقتار ءوز ۋاقىتىندا جەدەل ؛ قولعا ؛ الىنىپ ؛ وتىر. مىسالى, ەكى جىل بۇرىن عانا زاڭ بويىنشا جوعارى وقۋ ورىندارىنا اكادەميالىق جانە ؛ باسقارۋشىلىق ەركىندىك بەرىلدى. سونىمەن بىرگە, كەلەسى جىلدان باستاپ جەكە ديپلوم بەرۋ دە قولعا الىناتىن ؛ ؛ بولادى. وسىنىڭ بارلىعى, وقۋ ورىندارىنىڭ زامانعا ساي, ەركىن, اشىق جانە ساپالى جۇمىس جاساۋى ءۇشىن جاسالىپ وتىرعان قادامدار, - دەدى نۇرلان نىعماتۋلين. ؛

سونىمەن قاتار, ءماجىلىس ءتوراعاسى 2021 جىلدان باستاپ جوعارى وقۋ ورىندارى جەكە ۇلگىدەگى ديپلومداردى بەرە باستايتىنىن ايتىپ, زاڭ جۇزىندە جوعارى وقۋ ورىندارىنا ءبىلىم بەرۋ قىزمەتىندە تولىق دەربەستىك بەرىلگەنىنە توقتالدى.

&ndash؛ ەگەر سولاي بولسا, وندا ءبىلىم ساپاسى ءۇشىن جاۋاپكەرشىلىك جوعارى وقۋ ورىندارىنىڭ وزدەرىنە جۇكتەلەدى, - دەدى ن.نىعماتۋلين.

سونداي-اق, ءماجىلىس ءتوراعاسىنىڭ پىكىرىنشە, جوو-نىڭ دەربەستىگى - بۇل ديپلومدارعا ءمور باسۋ مۇمكىندىگى دەپ ويلاماۋ كەرەك.

وسى رەتتە پالاتا سپيكەرى:

&ndash؛ ءاربىر جوو وزدەرى بەرگەن ديپلومىن باعالاي ءبىلۋى كەرەك. وسىعان بايلانىستى جوعارى وقۋ ورىندارىندا ءبىلىم بەرۋ جەتىستىكتەرىنە مونيتورينگ جۇرگىزۋ قانشالىقتى ورىندى دەگەن سۇراق تۋىندايدى؟ ونىڭ ۇستىنە, بۇل مونيتورينگ قانداي دا ءبىر جوو-نىڭ ءبىلىم بەرۋ باعدارلامالارىنىڭ ساپاسى تۋرالى ەشقانداي تۇسىنىك بەرمەيدى. تاعى ءبىر ايتا كەتەتىن جاعداي, ءبىلىم بەرۋ قىزمەتىن باقىلاۋ كەرەك. ەندى ۋنيۆەرسيتەتتەر باقىلاۋسىز قالۋى مۇمكىن دەگەن جالعان پىكىر قالىپتاسپاۋى كەرەك, - دەدى.

ماجىلىس ءتوراعاسى اتاپ وتكەندەي, مۇنداي باقىلاۋ بار - كاسىپكەرلىك سۋبەكتىلەرى رەتىندە بارلىق جوعارى وقۋ ورىندارىنا باقىلاۋ كاسىپكەرلىك كودەكسكە سايكەس جۇزەگە اسىرىلادى.

نۇرلان ءنىعماتۋليننىڭ ايتۋىنشا, ءبىلىم مينيسترلىگى باس پروكۋراتۋرانىڭ قۇقىقتىق ستاتيستيكا ورتالىعى ارقىلى نارىق سۋبەكتىسى رەتىندە كىرىپ, قاراي الادى. سونىمەن قاتار, بارلىق جوو-لار ءقازىر نارىق سۋبەكتىلەرى بولىپ تابىلادى جانە بىلىكتىلىك تالاپتارىنا, ءبىلىم بەرۋ ستاندارتتارىنا ساي كەلەدى. بۇل ۋاكىلەتتى ورگانعا, ياعني ءبىلىم مينيسترلىگىنە جوعارى وقۋ ورىندارىنىڭ ءبىلىم بەرۋ قىزمەتىن تەرەڭىرەك تالداۋعا جانە ولارعا ءتيىستى باعا بەرۋگە مۇمكىندىك بەرەدى.

وسىعان سايكەس, ءماجىلىس ءتوراعاسى ەكىنشى وقىلىمعا دەيىن ازىرلەۋشىلەرمەن بىرگە جۇمىس توبىنا وسى ماسەلەنى مۇقيات قاراستىرۋدى تاپسىراتىنىن ايتتى. ؛