30 قىركۇيەك, 2020 news

قازاقستانعا 5g قاشان قوسىلادى؟ مينيستر جاۋاپ بەردى

فوتو: profit.kz

سيفرلىق دامۋ, يننوۆاسيالار جانە اەروعارىش ونەركاسىبى ءمينيسترى باعدات مۋسين حالىق اراسىندا ينتەرنەتتەن قورقاتىندار بار ەكەنىن ايتتى. بۇل تۋرالى ول پرەمەر-مينيستر اسقار ءماميننىڭ توراعالىعىمەن وتكەن ۇكىمەتتىڭ سەلەكتورلىق وتىرىسىندا حابارلادى.

&ndash؛ حالىق اراسىندا راديوفوبتىق قورقۋ بار. بۇل دەگەنىمىز بىزگە تولىققاندى ينتەرنەتتى جەتكىزۋگە كەدەرگى جاسايدى. ؛مىسالى, family village كەشەنىندە 2-3 تۇرعىننىڭ ارىزى بويىنشا بازالىق ستانسيا الىنىپ, ينتەرنەتكە قولجەتىمدىلىك توقتاتىلدى. ودان كەيىن بايلانىس وپەراتورى قايتادان بازالىق ستانسيانى ورناتۋعا ءماجبۇر بولدى. ءبىراق بۇگىنگى تاڭدا ينتەرنەت گاز, ەلەكتر ەنەرگياسى, سۋ ءبىرىنشى قاجەتتىلىككە اينالعانىن بىلەمىز. سول سەبەپتى ءبىز ءبىراز زاڭنامالىق وزگەرىستەردى ەنگىزۋدى ۇسىنامىز. ءولار: ؛بىرىنشى, كوندومينيۋمدەرگە بايلانىس وبەكتىلەرىن الىپ تاستاۋعا تىيىم سالۋ. ەكىنشى, جاڭا ۇيلەردى پايدالانۋعا بەرۋ الدىندا مىندەتتى تۇردە وپتيكا جەلىسىمەن قامتاماسىز ەتۋ. ءۇشىنشى, ينتەرنەتتىڭ جىلدامدىعى تۋرالى تالاپتاردى ورىنداۋ. ءتورتىنشى, وپتيكالىق ترانسميسسياعا كىشى وپەراتورلارعا تەڭ قولجەتىمدىكتى قامتاماسىز ەتۋ. جالپى مەملەكەتتىك ورگاننىڭ ءرولىن كۇشەيتەتىن بولامىز, دەدى &ndash؛ باعدات مۋسين.

مينيستر 5g ۇيالى بايلانىس ستاندارتى ەلگە قاشان ەنگىزىلەتىنىن اتاپ ايتتى.

&ndash؛ 5g ۇيالى بايلانىس ستاندارتىن ەنگىزۋ بويىنشا وپەراتورلارمەن بىرىگىپ, نۇر-سۇلتان, الماتى, شىمكەنت قالالارىندا 11 سىناق جۇرگىزىلدى. كەرەك جەلىلىك دياپوزونداردى دا بوساتتىق. ءارى قاراي وپەراتورلارعا تاراتۋ مەحانيزمى قاراستىرىلادى. نۇر-سۇلتان, الماتى, شىمكەنت قالالارىندا 5g جەلىلەرى 2022 جىلى ىسكە قوسىلادى. ال وبلىستىق ورتالىقتاردا 2025 جىلعا جوسپارلانىپ وتىر, &ndash؛ دەدى مينيستر.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر