30 قىركۇيەك, 2020 news
فوتو: كورنەكى سۋرەت
بۇۇ قاۋىپسىزدىك كەڭەسى ارمەنيا مەن ازەربايجاندى دەرەۋ وق اتۋدى توقتاتىپ, كەلىسسوز جاساۋعا شاقىردى. ؛بۇل تۋرالى جابىق تۇردە وتكەن كەڭەستىڭ قورىتىندىسىندا بۇۇ جانىنداعى نيگەريانىڭ تۇراقتى وكىلى ابدۋ ابارري مالىمدەدى, دەپ حابارلادى ؛ريا نوۆوستي. ؛
"قاۋىپسىزدىك كەڭەسىنىڭ مۇشەلەرى كۇش قولدانعانداردى قاتاڭ تۇردە ايىپتاپ, ادامداردىڭ قايتىس بولۋىنا بايلانىستى وكىنىش ءبىلدىردى" دەلىنگەن ابارري باق-قا وقىعان حابارلامادا. ؛
سونداي-اق ابارري جۋرناليستەرگە قاۋىپسىزدىك كەڭەسى قاقتىعىس ايماعىنداعى جاعدايدى جويۋ ءۇشىن قولىنان كەلگەننىڭ ءبارىن جاسايتىنىن ايتتى.
"بىز جاعدايدى تىنىشتاندىرۋ ءۇشىن قاۋىپسىزدىك كەڭەسىنىڭ مۇشەلەرى رەتىندە قولىمىزدان كەلگەننىڭ ءبارىن جاسايمىز. قاجەت بولسا, ءبىز ەكى وكىلمەن (ارمەنيا مەن ازەربايجان) نيۋ-يوركتە جانە وقيعا ورنىندا ورتاق ءتىل تابۋعا كومەكتەسۋ ءۇشىن سويلەسەمىز" دەدى بۇۇ جانىنداعى نيگەريانىڭ تۇراقتى وكىلى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر