تۇركىستان قالاسىندا «اۋىل» پارتياسىنىڭ رەسپۋبليكالىق شتابى اشىلدى

تۇركىستان قالاسىندا «؛اۋىل»؛ پارتياسىنىڭ «؛ەل اماناتى»؛ جالپىۇلتتىق ساۋالناما جۇرگىزۋ بويىنشا رەسپۋبليكالىق شتابى اشىلدى. اتالعان شتاب حالىق اراسىندا «؛ەسىكتەن ەسىككە دەيىن»؛ قاعيداتىمەن ساۋالناما تولتىرۋ بويىنشا ءتۇسىندىرۋ جۇمىسىن جۇرگىزىپ, ءداستۇرلى ساۋالناما جۇرگىزۋ بويىنشا ەلىمىزدىڭ بارلىق وڭىرلەرىندەگى ۆولونتەر توپتاردىڭ جۇمىسىن ۇيلەستىرەتىن بولادى.

رەسپۋبليكالىق شتابتا سونداي-اق, رەسپوندەنتتەر تولتىرعان ساۋالنامالارعا مونيتورينگ جاساۋدى جۇزەگە اسىرماق. «؛ەل اماناتى»؛ ەرىكتىلەرى ينتەرنەتكە قوسىلماعان شالعاي اۋىلداردى دا ارالاپ, حالىقتىڭ مۇڭ-مۇقتاجىن ساۋالناماعا قوسادى.

ايتا كەتەيىك, بۇعان دەيىن «؛اۋىل»؛ پارتياسى «؛ەل اماناتى»؛ جالپىۇلتتىق ساۋالناما جۇرگىزۋدى قولعا الىپ, 18 جاستان اسقان بەلسەندى ازاماتتاردان قوعامداعى الەۋمەتتىك-ەكونوميكالىق پروبلەمالاردى جيناقتاۋ جانە ولاردى شەشۋ جولدارىن ايقىنداۋدى ماقسات ەتكەن بولاتىن. ساۋالناما 23 قىركۇيەكتەن بەرى whatsapp جانە telegram قوسىمشالارى مەن facebook, instagram الەۋمەتتىك جەلىلەرى ارقىلى سيفرلىق تۇردە جۇرگىزىلىپ, وعان ءۇش مىڭنان اسا ادام جاۋاپ بەرگەن. وندا اۋىل تۇرعىندارى تاراپىنان جەر, اۋىز سۋ مەن الەۋمەتتىك ماسەلەلەرگە قاتىستى ساۋالدار مەن ۇسىنىستار كوپتەپ تۇسكەن.

«؛بۇل شتابقا رەسپۋبليكادان, وڭىر-وڭىردەن اقپاراتتار كەلىپ تۇسەدى. اقپاراتتاردى قابىلداپ, قورتىندىلاپ, وسى جەردەن ساراپتاماسىن استاناعا ورتالىق اپپاراتقا جىبەرىپ وتىرامىز. ەلەكتروندى ساۋالنامادان بولەك, ءبىز ءداستۇرلى ساۋالناما جۇرگىزبەكشىمىز. ويتكەنى كەيبىر تۇرعىنداردىڭ قولىندا سمارتفوندارى جوق, تەلەفوندارى جوق. سوندىقتان «؛ەل اماناتى»؛ اكسياسىنىڭ ساۋالناماسىن ءداستۇرلى تۇردە جۇرگىزۋدى قولعا الىپ وتىرمىز»؛, - دەيدى «؛ەل اماناتى»؛ جالپىۇلتتىق ساۋالناماسىن جۇرگىزۋ بويىنشا رەسپۋبليكالىق شتابىنىڭ جەتەكشىسى اسىلحان باتىرشاەۆ.

 ؛