دارىگەر تىلەۋبەردى قۋاندىقوۆ «الماتى قالاسىنىڭ قۇرمەتتى ازاماتى» اتاعىن الدى

24 جىلدىق تاجىريبەسى بار دارىگەر تىلەۋبەردى قۋاندىقوۆ «؛الماتى قالاسىنىڭ قۇرمەتتى ازاماتى»؛ اتاعىن الدى.

الماتىدا قالا كۇنى قارساڭىندا مەگاپوليستىڭ دامۋىنا ەلەۋلى ۇلەس قوسقان ون ازاماتقا «؛الماتى قالاسىنىڭ قۇرمەتتى ازاماتى»؛ اتاعى بەرىلدى. قۇرمەت ماراپاتىنىڭ يەگەرلەرى اراسىندا ءتۇرلى ماماندىق وكىلدەرى, سونىڭ ىشىندە دەنساۋلىق ساقتاۋ سالاسىنىڭ قىزمەتكەرلەرى بار.

قالا تۇرعىنى رەتىندە جاساعان قىزمەتى ءۇشىن ا. ن. سىزعانوۆ اتىنداعى ۇعحو-نىڭ انەستەزيولوگيا جانە رەانيماتولوگيا ءبولىمىنىڭ مەڭگەرۋشىسى, الماتى قالاسى قدسب-نىڭ شتاتتان تىس باس انەستەزيولوگ-رەانيماتو-لوگى, مەديسينا عىلىمدارىنىڭ كانديداتى, جوعارى ساناتتى دارىگەر تىلەۋبەردى قۋاندىقوۆ «؛الماتى قالاسىنىڭ قۇرمەتتى ازاماتى»؛ اتاعىن الدى.

قۋاندىقوۆ تىلەۋبەردى 24 جىلدان استام مەديسينا سالاسىندا جۇمىس ىستەپ كەلەدى. ول 75-تەن استام عىلىمي ەڭبەكتەر جازدى. الەمدەگى ەڭ ۇزدىك جوعارى وقۋ ورىندارىنىڭ ءبىرى دجونس حوپكينس ۋنيۆەرسيتەتىندە (اقش) ءبىلىم العان. ول اعزالاردى ترانسپلانتتاۋ وتاسىندا انەستەزيانىڭ الەمدىك ەڭ جاڭا تەحنولوگياسىن العاشقىلاردىڭ ءبىرى بولىپ قولداندف. قولداندى. باۋىرعا وتا جاساۋ كەزىندە كوكتامىر ىشىنە انەستەزيا جاساۋ ءادىسى بويىنشا پاتەنت الدى.

ق. تىلەۋبەردى قالانىڭ كلينيكالارىندا دا, رەسپۋبليكانىڭ باسقا وڭىرلەرىندە دە اۋىر ناۋقاستارعا كومەك كورسەتەدى جانە كەڭەس بەرەدى. covid-19 پاندەمياسى كەزىندە قۇرىلعان انەستەزيولوگيا جانە رەانيماتولوگيا ورتالىعىنىڭ باسشىسى بولىپ جۇمىس ىستەيدى. وسى ورتالىقتىڭ تاۋلىك بويعى جۇمىسىنىڭ ناتيجەسىندە قالادا كوروناۆيرۋس ينفەكسياسىمەن اۋىرعان ناۋقاستاردىڭ ءولىمى قىسقا مەرزىمدە بىرنەشە ەسەگە ازايدى.

قۋاندىقوۆ تىلەۋبەردى قوعامدىق قىزمەتپەن بەلسەندى اينالىسادى. ول ەۋروپا انەستەزيولوگتار قوعامىنىڭ ربق «؛انەستەزيولوگتار مەن رەانيماتولوگتار فەدەراسياسى»؛ باسقارماسىنىڭ جانە ۇعحو-نىڭ عىلىمي كەڭەسىنىڭ مۇشەسى. ول سونداي-اق قر دەنساۋلىق ساقتاۋ مينيسترلىگىنىڭ تاۋەلسىز ساراپشىسى.

كوپتەگەن ماراپاتتىڭ يەگەرى, سونىڭ ىشىندە «؛قۇرمەت»؛ وردەنى, «؛دەنساۋلىق ساقتاۋ ءىسىنىڭ ۇزدىگى»؛ بەلگىسى, قازاقستانداعى «؛جىل ادامى»؛ بەلگىسى, «؛التىن ادام»؛ سىيلىعى. «؛قازاقستاننىڭ 100 جاڭا ەسىمى»؛ ۇلتتىق بايقاۋىندا جەڭىسكە جەتكەن.

ت.قۋاندىقوۆتى بىلەتىن ارىپتەستەرى مەن باسقا دا ادامدار ونى قالانىڭ دەنساۋلىق ساقتاۋ جۇيەسىنە, ونىڭ ىشىندە ەلدىڭ جانە الەمنىڭ جالپى مەديسيناسىنا قوسقان ۇلەسىنە جوعارى باعا بەردى.

«؛الماتى قالاسىنىڭ انەستەزيولوگتارى مەن رەانيماتولوگتارىنىڭ ىشىندەگى مىقتىسى. مەن الماتى قالاسىنىڭ دەنساۋلىق ساقتاۋ باسقارماسىن 3 جىل باسقاردىم جانە ءبىز ونىمەن بارلىق كۇردەلى جاعدايلار, جەكەلەي العاندا, انالار ءولىمى بويىنشا كوميسسيادا بىرگە قىزمەت ەتتى. مەن دەنساۋلىق ساقتاۋ جۇيەسىندە 40 جىل ىستەدىم, ودان مىقتى كاسىبي ماماندى كورگەن ەمەسپىن.وسىنداي كاسىبي ماماندى قۇرمەتتى ازاماتتار تىزىمىنەن كورگەندە قاتتى قۋاندىم. ول سوعان لايىق ازامات»؛, &mdash؛ دەپ اتاپ ءوتتى قوعامدىق كەڭەستىڭ مۇشەسى جاننات قاسىمجانوۆا.

سونىمەن بىرگە, ول ت. قۋاندىقوۆتىڭ ورگانداردى اۋىستىرۋ بويىنشا ءبىرىنشى توپتىڭ جۇمىسىنا تىكەلەي قاتىسقانىن اتاپ ءوتتى.

كوروناۆيرۋس پاندەمياسى كەزىندە ت. قۋاندىقوۆ الدىڭعى قاتاردا قىزمەت ەتىپ كەلەدى.

«؛ناۋقاستاردى ەمدەۋگە بەلسەندى قاتىستى. covid-19 ورشىگەن كەزدە جانساقتاۋ بولىمىندە جاتقان بارلىق جاعدايى اۋىر ناۋقاستارعا كەڭەس بەردى. ەشقاشان قانداي جاعداي بولماسىن قانداي دا ءبىر سەبەپپەن اۋىر جاعدايداعى ناۋقاستارعا كەڭەس بەرۋدەن باس تارتپاعان ادام. ول رەسپۋبليكامىزدىڭ انەستەزيولوگ جانە رەانيماتولوگتار اراسىندا ۇزدىك مامانداردىڭ بىرى.اكىمدىكتىڭ وسىنداي قۇرمەتكە لايىق ازاماتتى تاپقانى قۋانتادى. الماتىنىڭ قۇرمەتتى ازاماتى رەتىندە ول مىڭداعان ادامنىڭ ءومىرىن قۇتقاردى. ول الماتى قالاسىنىڭ ودان ارعى دامۋىنا دا ۇلكەن ۇلەس قوسادى»؛, &mdash؛ دەپ اتاپ ءوتتى ول.