رامزان قادىروۆ ارمەنيا مەن ءازىربايجان اراسىنداعى قانتوگىستى توقتاتۋعا شاقىردى

شەشەنستان باسشىسى رامزان قادىروۆ ءوزىنىڭ telegram-ارناسىندا تاۋلى قاراباحتاعى قاقتىعىس تۋرالى ايتىپ, تاراپتاردى قانتوگىستى توقتاتۋعا شاقىردى.

&ndash؛ بۇگىن تاۋلى قاراباح, ءازىربايجان جانە ارمەنيادان ۇرەيلى جاڭالىقتار قايتا كەلىپ جاتىر. وسى ۇزاققا سوزىلعان قاقتىعىسقا قاتىسقان بارلىق تاراپتار ءبىر-بىرىن ؛ ايىپتاپ جاتىر. قارۋدىڭ بارلىق تۇرلەرىنەن وق اتىلدى جانە سونىڭ سالدارىنان بەيبىت تۇرعىندار قۇربان بولدى

كاۆكاز &ndash؛ ەجەلگى مادەنيەتى بار كوپتەگەن حالىقتار ءومىر سۇرەتىن تەرريتوريا. ولاردىڭ بارلىعىن تۋىستىق, تاريحي جانە مادەني تامىرلار بىرىكتىرەدى. سوندىقتان كەز-كەلگەن كاۆكازدىق ءۇشىن كورشىنىڭ باقىتسىزدىعى جات ەمەس, بۇل وعان تىكەلەي قاتىستى. بارلىق اۋىرتپالىققا قاراماستان, ءبىزدىڭ, كاۆكازدىقتاردىڭ ادەت-عۇرپىن ۇستاۋ كەرەك. ءبىزدىڭ اكەلەرىمىز بەن اتالارىمىز ءارقاشان داستۇرلەرىمىزگە سۇيەنىپ, قۇرمەت, تەڭدىك, باۋىرمالدىق, نامىس, باتىلدىق زاڭدارىنا باسىمدىق بەردى, &ndash؛ دەدى قادىروۆ.

ول باۋىرلاس ءازىربايجان مەن ارميان حالىقتارىن قاقتىعىستى اقىل مەن ادامگەرشىلىكتى تۇسىنۋدەن الشاقتاتىپ جاتقان ماعىناسىز قانتوگىستى توقتاتۋعا شاقىردى. ؛

تاۋلى قاراباقتاعى جاعدايعا رەسەي پرەزيدەنتىنىڭ ءباسپاسوز حاتشىسى دميتريي پەسكوۆ تا تۇسىنىكتەمە بەردى.

&ndash؛ ءبىز ۇرىس قيمىلدارى دەرەۋ توقتاتىلىپ, قاقتىعىستى شەشۋ پروسەسى, سونداي-اق قازىرگى شيەلەنىستىڭ سالدارى ساياسي جانە ديپلوماتيالىق ارناعا اۋىسۋى كەرەك دەپ سانايمىز, - دەدى كرەمل وكىلى.

پەسكوۆ اتاپ وتكەندەي, قازىرگى كەزدە "كىمنىڭ دۇرىس, كىمنىڭ بۇرىس ەكەندىگىمەن اينالىسپاي", سوعىس قيمىلدارىن توقتاتۋ ماڭىزدى.

تاۋلى قاراباح &ndash؛ ءازىربايجان مەن ارمەنيا اراسىنداعى 30 جىلعا سوزىلعان داۋلى تەرريتوريا. مۇنداعى ۇرىس قيمىلدارى 27 قىركۇيەكتە باستالدى. قاقتىعىستىڭ ءورشىپ كەتكەنى ءۇشىن تاراپتار ءبىر-بىرىن ايىپتادى.

ازىربايجاننىڭ مالىمدەمەسىنە سايكەس, ارمەنيادا 550-دەن استام ادام قازا تاپتى جانە جاراقات الدى. ؛ ؛