28 قىركۇيەك, 2020 news

ەلوردادا ەسىنەن تانىپ قالعان ازاماتتى توناپ كەتتى

فوتو: zona.media

نۇر-سۇلتاندا ەسىنەن تانعان ادامدى توناپ كەتتى. بۇل تۋرالى polisia.kz حابارلادى. ؛

57 جاستاعى ەر ادامنىڭ ايتۋىنشا, ول قاراساي باتىر كوشەسىنەن تەمىرجول ۆوكزالىنا قاراي ءجۇرىپ, گاراجداردىڭ جانىندا كەنەتتەن ەسىنەن تانىپ قالعان. نە سەبەپتى تالىپ قالعانىن ازامات ەسىنە تۇسىرە المادى.

بىراز ۋاقىتتان كەيىن جابىرلەنۋشى ەسىن جيىپ, قاسىندا بەيتانىس ەكى ەر ادام وتىرعانىن جانە ونىڭ قالتالارىن تەكسەرىپ جاتقانىن كورەدى. "نە ىستەپ جاتسىڭدار؟" دەپ سۇراعانىندا ەكى ادام ەكى جاقتاپ ۇرا باستاعان. ولار قالتاسىنداعى 30 مىڭ تەڭگە مەن ۇساق-تۇيەك زاتتاردى الىپ كەتكەن.

پوليسيا قىزمەتكەرلەرى جەدەل ىزدەستىرۋ بارىسىندا كۇدىكتىلەردى ىزدەپ, 26 جانە 36 جاستاعى قالا تۇرعىندارىن ۇستادى. ولار ءقازىر ؛ۋاقىتشا ۇستاۋ يزولياتورىنا ورنالاستىرىلدى. ۇستالعانداردىڭ بۇرىن سوتتالعانى جانە قىلمىستىق جاۋاپكەرشىلىككە تارتىلعانى انىقتالدى. ايعاقتى زاتتار مەن قاراجات تاركىلەنىپ, يەسىنە قايتارىلدى. ؛

اتالعان دەرەك بويىنشا قىلمىستىق كودەكستىڭ 191-بابى (قاراقشىلىق) بويىنشا سوتقا دەيىنگى تەرگەۋ امالدارى جۇرگىزىلىپ جاتىر. ۇستالعان ادامداردىڭ استانا اۋماعىندا بۇرىن جاسالعان وسىنداي قىلمىستارعا قاتىسى بار-جوعى انىقتالۋدا.

ىلمەك سوزدەر: بۇزاقىلىق

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر