28 قىركۇيەك, 2020 سۇحبات

رينات زايتوۆ: ميتينگتە ديالوگ بولمايدى (ۆيدەو)

فوتو: kyn.kz

بەلگىلى ايتىسكەر اقىن رينات زايتوۆ ەلدە حالىق پەن بيلىك اراسىنا ەكى جاققا دا دۇرىس تۇسىنىكتەمە بەرەتىن دانەكەر قاجەت دەگەن پىكىردە. بۇل تۋرالى ول جۋرناليست ؛نارتاي ارالبايۇلىمەن الەۋمەتتىك جەلىدە وتكەن تىكەلەي ەفير بارىسىندا ايتتى. ؛

ول ءوز سوزىندە ەلدە تاعى دا كارانتين قايتالاناتىن بولسا, بيلىك حالىققا تۇسىندىرمە جۇمىستارىن جۇرگىزۋى قاجەت ەكەنىن اتاپ ءوتتى.

&ndash؛ قازاقستاندا وتكەن جولعى كارانتين قايتادان قايتالاناتىن بولسا, حالىق پەن بيلىك اراسىندا ەكى جاققا دا دۇرىس تۇسىنىكتەمە بەرەتىن دانەكەر قاجەت. بىزدە ءقازىر ەشكىم تۇسىندىرمە جۇمىستارىن جۇرگىزىپ جاتقان جوق. ەشتەڭە تۇسىنبەگەن حالىق الاڭعا شىعادى. ال, الاڭعا شىققان حالىقتى پوليسيا ۇستاپ اكەتىپ جاتىر. ودان نە شىعادى؟ ديالوگ شىعادى ما؟! سوندىقتان قازىرگى تاڭدا ەلدىڭ تىنىشتىعىن, شەكارانىڭ بۇتىندىگىن ويلاعان جىگىتتەر بارىنشا جان-جاقتان دابىل قاعىپ ۇكىمەتپەن ديالوگ قۇرىپ, پارلامەنتكە بارۋ كەرەك. ميتينگتە ديالوگ بولمايدى, &ndash؛ دەدى زايتوۆ.

ونىڭ ايتۋىنشا, ەلدە پارلامەنت رەسمي تۇردە عانا بار. ول كوزى كورگەلى ادىلەتتى سايلاۋدىڭ بولماعاننىن اتاپ ءوتتى.

سونداي-اق اقىن پارتياسىنىڭ باعدارلاماسى دايىن ەكەنىن دە ايتتى.

&ndash؛ ماعان 20 مىڭ ادام جيناۋ قيىن ەمەس. پارتيانىڭ باعدارلاماسى دايىن تۇر. ءبىراق ءقازىر پارتيانى تىركەيتىن سايلاۋ كوميسسياسى جوق. مەن ارەكەت جاساعانىممەن ونى تىركەمەيتىنىن بىلەمىن. سول ءۇشىن ادامداردى اۋرەگە سالعىم كەلمەيدى. ەگەر مۇمكىندىك بەرسە, ماعان دايىن پارتيانىڭ ارتىنان بارعان دۇرىس شىعار سايلاۋعا. سوندا ارتىمنان ەرگەن ادامداردى دالادا قالدىرمايمىن. بىلتىر باقىلاۋشىلاردى قاماعان كەزدە ادامداردى الىپ شىعا الماي قالدىق, &ndash؛ دەيدى ايتىسكەر.

سۇحباتتىڭ تولىق نۇسقاسىن تومەندەگى ۆيدەودان كورە الاسىز

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر