فوتو: ۆيدەودان سكرينشوت
اقتوبەدە بالالارعا ارنالعان "شاعالا" شيپاجايىندا جەتىم بالانى سۇلگىمەن ۇرعان تاربيەشى جۇمىستان شىعارىلدى. بۇل تۋرالى "موي گورود" پورتالى حابارلادى.
پورتالدىڭ حابارلاۋىنشا, شيپاجايدىڭ 57 جاستاعى قوبدا ەسىمدى تاربيەشىسى بالالار ءۇيىنىڭ 10 جاسار تاريەلەنۋشىسىن ادامداردىڭ كوزىنشە سۇلگىمەن ۇرعان. ءبىر بالا وسى ءساتتى ۆيدەوعا ءتۇسىرىپ الىپ, ۆيدەونى ونىڭ اتا-اناسى الەۋمەتتىك جەلىدە تاراتىپ جىبەرگەن. ؛
كادرلاردان بالالاردىڭ ەدەندە وتىرعانىن, اق حالاتتى ايەلدىڭ ءبىر بالانى سۇلگىمەن ۇرعانىن كورۋگە بولادى. بالا ايقايلاسا دا ايەل ونى بىرنەشە رەت ۇرادى. العان سوققىدان بالا باسىن ۇستاپ جىلايدى. كادردان ء"بىزدى تاپىشكەمەن دە ۇرادى" دەگەن داۋىس ەستىلەدى.
ۆيدەو جاريالانعاننان كەيىن پوليسيا مەن پروكۋرورلار بالالار شيپاجايىنا بارىپ, وقيعا بويىنشا قىلمىستىق كودەكستىڭ 140-بابى 2-بولىگى ("كامەلەتكە تولماعان ادامدى تاربيەلەۋ جونىندەگى مىندەتتەردى ورىنداماۋ") بويىنشا سوتقا دەيىنگى تەرگەۋ باستاپ, ساراپتاما تاعايىنداعان.
مۇعالىمنىڭ 20 جىلدىق تاجىريبەسى بار ەكەنى انىقتالدى. ونىڭ سوزىنشە, بالا ونى اشۋلاندىرعان سوڭ سۇلگىمەن ۇرا باستاعان.
اقتوبە قالاسىنىڭ الماتى اۋداندىق پوليسيا ءبولىمى جۇرگىزگەن سوتقا دەيىنگى تەرگەۋ ەكى جاقتىڭ تاتۋلاسۋىمەن اياقتالىپ, قىلمىستىق ءىس جۇرگىزۋ توقتاتىلدى.
بالاعا قول جۇمساعان تاربيەشى مەن جانىندا بولعان تاربيەشى ەڭبەك كودەكسىنىڭ 52-بابى, 14-تارماعى بويىنشا جۇمىستان شىعارىلدى. ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر