وقۋشىلاردى قۋانتتى

"جەردە ءبىر جەتىم جىلاسا, كوكتە پەرىشتە مۇڭايادى" دەيدى دانا حالقىمىز. مۇقتاجدىڭ باسىنداعى جاعدايدى سۇراپ ءبىلىپ, قاجەتىن وتەۋ ءاربىر سانالى ازاماتتىڭ بۇلجىماس مىندەتى. وسى قاعيدانى جاقسى بىلەتىن مەيىرىمدى جاندار جاڭاشارۋا اۋىلدىق ورتا مەكتەبىنە باراتىن وقۋشىلارعا دەمەۋشىلىك كورسەتىپ, قاجەتتى قۇرال-جابدىقتار مەن كورنەكىلىكتەر اپەردى.

قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ تاپسىرماسىمەن قولعا الىنعان رەسپۋبليكالىق "مەكتەپكە جول" اكسياسىنا بەلسەنە قاتىسىپ جۇرگەن ەڭبەكشىقازاق اۋدانىنىڭ قۇرمەتتى ازاماتى, وبلىستىق ءماسليحات دەپۋتاتى جانگەلدى وسان ەل يگىلىگى جولىندا ايانباي ەڭبەك ەتىپ جۇرگەن جاننىڭ ءبىرى.

اۋدانداعى ءبىلىم سالاسىنىڭ دامۋىنا, وقۋشىلاردىڭ قاشىقتان وقۋ كەزىندە ءبىلىم نارىمەن سۋسىنداۋىنا قولداۋ كورسەتۋدەن تانباعان ول بيىل 1-سىنىپقا كەلگەن 11 بۇلدىرشىنگە مەكتەپ قۇرال-جابدىقتارىن, كوپبالالى, از قامتىلعان, تولىق ەمەس 6 وتباسىنا نوۋتبۋك اپەرىپ, covid-19 ىندەتىنىڭ تارالۋىنىڭ الدىن الۋعا قاجەتتى دەزينفەكسيالىق قۇرىلعىنى مەكتەپكە سىيعا تارتتى. قولىنداعىسىن يگىلىكتى ىسكە, قايىرىمدىلىققا جۇمساپ, مۇقتاج جانداردان كومەگىن اياماي تىن قۇرمانجانوۆتار اۋلەتى دە الەۋمەتتىك جاعدايى تومەن 14 وتباسىنىڭ بالالارىنا 11 دانا lenovو پلانشەتىن جانە 3 دانا samsung پلانشەتىن تارتۋ ەتتى. ودان بولەك, قاليجان الپىسباەۆ, ادىلبەك ورىنباەۆ, ساكەن تاۋبالديەۆ, نۇرگۇل سەيكۋموۆا, ەرلان راقىمجانوۆ, داۋرەن كەنجەبەكوۆ, ماقسات رىسباقوۆ, سەرىك اتەجانوۆ سىندى اۋىل ازاماتتارى «؛مەكتەپكە جول»؛ اكسياسى اياسىندا ىزگىلىكتى ىسكە ۇيىتقى بولىپ, وقۋشىلاردىڭ لايىقتى ءبىلىم الۋىنا جاردەمدەسىپ وتىر.

كومەك كورسەتكەن بارلىق ازاماتقا مەكتەپ ۇجىمى اتىنان العىس بىلدىرەمىز! جاساعان جاقسىلىقتارىڭىزدىڭ قارىمى ەسەلەپ قايتسىن دەيمىز!