24 قىركۇيەك, 2020 news

قوستاناي تۇرعىنىنىڭ تاعى ءبىر داۋلى ۆيدەوسى شىقتى

فوتو: ۆيدەودان سكرينشوت

جۋىردا ۋكراينالىق youtube-ارناعا بەرگەن سۇحباتتا قازاق حالقىن قورلايتىن, ۇلتارازدىقتى تۋدىراتىن سوزدەر ايتقان ۆيدەوسى شىققان ؛قوستاناي وبلىسىنىڭ تۇرعىنى ؛كيريلل بوجكونىڭ تاعى ءبىر ۆيدەوسى تاراپ جاتىر. قوستانايلىق ازامات بۇل جولى "قازاقستان حالقىنىڭ 99,9 پايىزى قازاقستانعا رەسەي اسكەرىنىڭ كىرگەنىن قالايدى" دەپ ايتقان.
 ؛
باس-اياعى جوق ءبىر جارىم مينۋتتىق ۆيدەودان كيريلل بوجكونىڭ الدەكىمگە سۇحبات بەرىپ وتىرعانىن كورۋگە بولادى.
 ؛
"مەن, مەن عانا ەمەس, قازاقستان حالقىنىڭ 99,9 پايىزى, ونىڭ ىشىندە قازاقتار دا بار رەسەي اسكەرىن قۇشاق جايا قارسى الۋعا ءازىر. ءبىراق ولار كەلمەيدى. ءبىز رەسەيگە كەرەك ەمەسپىز" دەگەن ول ءوزىنىڭ يمپەرياشىل ادام ەكەنىن, كەڭەس وداعى سەكىلدى يمپەريانىڭ قۇرىلۋىن جاقتايتىنىن ايتادى. ۆيدەو بوجكونىڭ "بۇل ؛&ndash؛ ورىستاردىڭ كۇشىن بىرىكتىرەدى" دەگەن جەرىنەن اياقتالادى.
 ؛
بۇعان دەيىن ؛كيريلل بوجكو قازاق حالقى مەن ءتىلىن قورلايتىن سوزدەردى ماس كۇيدە ايتقانىن جەتكىزىپ, كەشىرىم سۇراعان.
 ؛
الەۋمەتتىك جەلىدە كەيبىر زاڭگەرلەر قوستانايلىق ازاماتتىڭ سوزىندە قىلمىستىق قۇرام بار ەكەنىن اتاپ ءوتىپ, ول كەشىرىم سۇراپ قۇتىلىپ كەتپەي, ؛قىلمىستىق كودەكستىڭ 174-بابى (الەۋمەتتىك, ۇلتتىق, رۋلىق, ناسىلدىك, تەكتىك-توپتىق نەمەسە ءدىني ارازدىقتى قوزدىرۋ) بويىنشا جاۋاپقا تارتىلۋعا ءتيىس" دەپ جازعان.
 ؛

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر