23 قىركۇيەك, 2020 ەكونوميكا

ن.نىعماتۋلين: جاڭا نورمالار تۇرمىستىق زورلىق-زومبىلىقتىڭ الدىن الۋعا باعىتالعان

فوتو: ج.قۇسپانوۆ

بۇگىن ءماجىلىس سپيكەرى نۇرلان ءنىعماتۋليننىڭ توراعالىعىمەن جالپى وتىرىس ءوتتى. وندا ؛ دەپۋتاتتاردىڭ باستاماسىمەن ازىرلەنگەن «؛وتباسىلىق-تۇرمىستىق زورلىق-زومبىلىققا قارسى ءىس-قيمىل تۋرالى»؛ جانە وعان ىلەسپە زاڭ جوبالارى ماقۇلداندى. بۇل تۋرالى ءماجىلىستىڭ ءباسپاسوز قىزمەتى حابارلادى. ؛

قۇجات وتباسىلىق-تۇرمىستىق زورلىق-زومبىلىققا قارسى ءىس-قيمىل جونىندەگى مەملەكەتتىك ساياساتتىڭ قۇقىقتىق, الەۋمەتتىك, ينستيتۋسيونالدىق جانە ۇيىمداستىرۋشىلىق نەگىزدەرىن جەتىلدىرۋ ماقساتىندا دايىندالعان.

زاڭ جوباسىمەن جۇمىس ىستەۋ بارىسىندا دەپۋتاتتار  ؛تۇرمىستىق زورلىق-زومبىلىق سالاسىنداعى ءىس-قيمىل شارالارىنىڭ تۇتاس جۇيەسىن قۇرۋعا باعىتتالعان نورمالاردى ەنگىزىپ, جاۋاپتى ورگانداردىڭ قۇزىرەتتەرىن ناقتىلادى.

وسى زاڭ جوباسىنا وراي ءوز پىكىرىن بىلدىرگەن ءماجىلىس ءتوراعاسى:  ؛

جاسىراتىنى جوق, سوڭعى كەزدە ەلىمىزدە تۇرمىستىق داۋلار كورسەتكىشى ءوسىپ وتىر. شىن مانىندە, كەز-كەلگەن دامىعان ەلدە, ارينە, وعان جول بەرۋگە بولمايدى. سوندىقتان, تىكەلەي, پرەزيدەنتتىڭ تاپسىرماسىنا سايكەس, ءبىزدىڭ دەپۋتاتتار باستاماشى بولىپ, وسى زاڭ جوباسىن ازىرلەدى. وسى قۇجاتتاعى جاڭا نورمالار بۇكىل ەل بولىپ, حالىق بولىپ, قوعام بولىپ وتباسىنداعى جانجالعا قارسى كۇرەسۋگە مۇمكىندىك بەرەدى. بۇل حالقىمىزدىڭ دەنساۋلىعى, ءومىرى جانە بالالارىمىزدىڭ بولاشاعى ءۇشىن وتە ماڭىزدى ماسەلە, وتە ماڭىزدى زاڭ, - دەدى.

ايتا كەتۋ كەرەك, زاڭ جوباسى ارقىلى قۇقىق بۇزۋشىلاردىڭ زورلىق-زومبىلىق جانە اگرەسسيالىق مىنەز-قۇلقىن وزگەرتۋ ءۇشىن پسيحولوگيالىق جاعىنان تۇزەتۋ باعدارلاماسىنان ءوتۋ ارقىلى قۇقىق بۇزۋشىلاردى قايتا الەۋمەتتەندىرۋ جونىندە شارالار ەنگىزۋ كوزدەلەدى. سونداي-اق, قۇقىق بۇزۋشىلارعا قاتىستى قورعاۋ نۇسقاماسىن شىعارۋ كەزىندە پوليسيانىڭ ولاردى باقىلاۋ جونىندەگى قۇزىرەتىن كۇشەيتە وتىرىپ, ۋاكىلەتتى مەملەكەتتىك ورگانداردىڭ قۇزىرەتتەرىن ناقتىلاۋ ۇسىنىلادى.

سونىمەن قاتار, زارداپ شەككەندەردىڭ قۇقىقتارى مەن قاۋىپسىزدىك كەپىلدىكتەرىن بەكىتۋ جانە وسى سالاداعى زاڭنامانىڭ ساقتالۋىن قوعامدىق باقىلاۋ ماسەلەلەرىن رەتتەۋدى قاراستىرادى.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر