"؛nur otan"؛-دا ەلىمىزدىڭ باتىس وڭىرلەرىن دامىتۋ تۋرالى ايتىلدى

«؛nur otan»؛ پارتياسى قازاقستاندىقتاردى ءاربىر ءوڭىردى, قالا مەن اۋداندى 5 جىلعا دامىتۋدىڭ نەگىزگى باسىمدىقتارىمەن تانىستىرۋدى جالعاستىرۋدا. primaries.kz سايتىندا 216 سايلاۋالدى باعدارلامانىڭ جوبالارى ۇسىنىلدى, ولاردى حالىقتىڭ پىكىرىن ەسكەرە وتىرىپ پىسىقتاۋدى جوسپارلاپ وتىر.
ماسەلەن, اقتوبە وبلىسىنىڭ سايلاۋالدى باعدارلاماسىنىڭ جوباسىندا جىل سايىن كەمىندە 20 مىڭ جاڭا جۇمىس ورنىن قۇرۋ جانە 2025 جىلعا قاراي ورتاشا جالاقىنى كەمىندە 200 مىڭ تەڭگەگە دەيىن ارتتىرۋ مىندەتى قويىلىپ وتىر. جىل سايىن كەمىندە مىڭ ادامدى قايتا دايارلاۋ, كەمىندە ەكى مىڭ ادامدى قىسقا مەرزىمدى وقىتۋ جانە شەتەلدىك جۇمىس كۇشىنە كۆوتانى قىسقارتۋ جۇرگىزىلەتىن بولادى.
وبلىس حالقىنىڭ 29%-ى اۋىلدىق جەرلەردە تۇراتىنىن ەسكەرە وتىرىپ, وڭىردە ەكى جىلىجاي كەشەنىن, ەكى ءسۇت-تاۋار فەرماسىن, قۇس فابريكاسىن سالۋدى جانە ءىرى قارا مال باسىن ۇلعايتۋدى جوسپارلاپ وتىر. اۋىل شارۋاشىلىعىنىڭ ءداستۇرلى ەمەس تۇرلەرىن &ndash؛ ارا شارۋاشىلىعىن, مارال شارۋاشىلىعىن, جيدەك داقىلدارىن ءوسىرۋدى دامىتۋعا ەرەكشە نازار اۋدارىلاتىن بولادى.
وڭىردىڭ ترانزيتتىك الەۋەتىن دامىتۋ ءۇشىن وبلىستىق ماڭىزى بار اۆتوجولداردى, سونداي-اق اۋداندىق ماڭىزى بار 2350 كم جولداردى سالۋ جانە قايتا جوندەۋ جوسپارلانۋدا. بۇل شارالار 2025 جىلعا قاراي جاقسى جانە قاناعاتتانارلىق جاعدايداعى جەرگىلىكتى ماڭىزى بار جولداردىڭ ۇلەسىن 56-دان 85%-عا دەيىن ارتتىرۋعا مۇمكىندىك بەرەدى.
پارتيا قورشاعان ورتاعا اۋىرتپالىقتى ازايتۋ ماقساتىندا اقتوبە حروم قوسىلىستارى زاۋىتىنىڭ تەحنولوگيالىق جابدىقتارىنىڭ شاڭ جانە گاز تازارتۋ قوندىرعىلارىن قايتا قۇرۋ جانە 2021 جىلى 9 قتق پوليگونىن سالۋ مىندەتىن قويىپ وتىر.
وڭىردە ءالى كۇنگە دەيىن ءۇش اۋىسىمدى مەكتەپتەر جۇمىس ىستەيدى. ءبىلىم بەرۋ ساپاسىن ارتتىرۋ ءۇشىن 16 جاڭا مەكتەپ سالىنادى. جالپى 1 جاستان 6 جاسقا دەيىنگى بالالاردى مەكتەپكە دەيىنگى مەكەمەلەرمەن قامتۋدى 2025 جىلعا قاراي 86%-عا دەيىن جەتكىزۋ جوسپارلانۋدا.
"كەدەرگىسىز كەلەشەك" پارتيالىق جوباسى اياسىندا 2021 جىلى مۇمكىندىگى شەكتەۋلى جاندارعا ارنالعان 150 ورىندىق وڭالتۋ ورتالىعىن جانە 2022 جىلى سپورت كەشەنىن سالۋ جوسپارلانۋدا.
باتىس قازاقستان وبلىسىنىڭ سايلاۋالدى باعدارلاماسى جوباسىنىڭ دەرەكتەرى بويىنشا وڭىردە قازىرگى زامانعى تەحنولوگيالاردى ەنگىزۋ جانە ءوندىرىستىڭ جاڭا تۇرلەرىن يگەرۋ ەسەبىنەن دامىعان اگروونەركاسىپتىك كەشەندى قۇرۋ جونىندەگى جۇمىس جالعاسادى.
پارتيا ءسۇت كەشەنىن, 27 بورداقىلاۋ الاڭىن سالۋدى, سۋارمالى جەر كولەمىن 56 مىڭ گەكتاردان 85,0 مىڭ گەكتارعا دەيىن كەڭەيتۋدى ۇسىنادى. بۇل شارالار شامامەن 10 مىڭ شارۋانى كەشەندى قولداۋمەن قامتۋعا مۇمكىندىك بەرەدى.
سونداي-اق, پارتيا كوروناۆيرۋستىق پاندەميادان زارداپ شەككەن ەكونوميكالىق سەكتورلاردىڭ ىسكەرلىك بەلسەندىلىگىن قالپىنا كەلتىرۋگە كومەكتەسۋگە نيەتتى.
وڭىردە جىل سايىن "قاراپايىم زاتتار ەكونوميكاسى", "بجك-2025", "ەڭبەك" جانە ت.ب. باعدارلامالارى بويىنشا كەمىندە 7 مىڭ جاس جۇمىسقا ورنالاساتىن بولادى.
سونىمەن قاتار, 800 شاقىرىمنان استام جولدى جوندەۋ جوسپارلانۋدا, 59 اۋىل ورتالىقتاندىرىلعان سۋمەن قامتاماسىز ەتىلەدى, 73 ەلدىمەكەندە سۋمەن جابدىقتاۋدىڭ كەشەندى بلوك-مودۋلدەرى ورناتىلادى. جىل سايىن وڭىردە 480 مىڭ شارشى مەتر تۇرعىن ءۇيدى ىسكە قوسۋ جوسپارلانىپ وتىر, سۇرىپتاۋ جەلىلەرى بار 2 قتق پوليگونى ىسكە قوسىلادى.
بۇگىنگى كۇنى وبلىس تۇرعىندارىن تولعاندىراتىن ماڭىزدى ماسەلەلەردىڭ ءبىرى - گازعا جوعارى تاريف (حالىق ءۇشىن 17,24 تەڭگە/م3). ءتاريفتى تومەندەتۋ ماقساتىندا "nur otan" پارتياسى ورىنبور گوز-نەن الىناتىن تابيعي گازدىڭ قۇنىن تومەندەتۋ بويىنشا قر جانە رف ۇكىمەتتەرى دەڭگەيىندە كەلىسسوزدەر جۇرگىزۋ مىندەتىن قويىپ وتىر. سونداي-اق, حالىق پەن كاسىپكەرلەر اراسىندا ءتاريفتى سارالاۋ ماسەلەسى قارالادى.
دەنساۋلىق ساقتاۋ سالاسىنداعى قىزمەتتەردىڭ ساپاسىن ارتتىرۋ ءۇشىن پارتيا 2 ەمحانا, اۋرۋحانالارعا 3 كورپۋس سالۋدى جوسپارلاپ وتىر. ءبىلىم بەرۋ ساپاسى مەن قولجەتىمدىلىگىن قامتاماسىز ەتۋ ماقساتىندا پارتيا مۇشەلەرى 21 جالپى ءبىلىم بەرەتىن مەكتەپ سالۋ, سونداي-اق مەكتەپتەر مەن بالاباقشالاردى بەينەباقىلاۋ جۇيەلەرىمەن 100% جابدىقتاۋ بويىنشا مىندەتتەر قويىپ وتىر.
ماڭعىستاۋ وبلىسىنىڭ سايلاۋالدى باعدارلاماسىنىڭ جوباسىندا ءوڭىردىڭ دامۋ رەزەرۆتەرىنىڭ ءبىرى اقتاۋ, قۇرىق تەڭىز پورتتارى جانە "اقتاۋ تەڭىز پورتى" اەا, سونداي-اق, اقتاۋ جانە جاڭاوزەن قالالارىنداعى يندۋستريالىق ايماقتار بولىپ تابىلادى. پارتيا مۇناي ءوندىرۋ كولەمىن ساقتاۋدى قامتاماسىز ەتۋگە, شەتەلدىك ينۆەستيسيالاردى تارتۋعا جانە "اقتاۋ تەڭىز پورتى" اەا-دا ينجەنەرلىك ينفراقۇرىلىمدى قۇرۋدى اياقتاۋعا ىقپال ەتەتىن بولادى.
تۇرعىن ۇيمەن قامتاماسىز ەتۋ دەڭگەيىن ارتتىرۋ ءۇشىن قالالاردا 48 كوپپاتەرلى ءۇي جانە وبلىس اۋداندارىندا 89 ءۇي سالىنادى. پارتيا اقتاۋ قالاسىنداعى جاڭا ونكولوگيالىق ديسپانسەردىڭ جانە جاڭاوزەن قالاسىنداعى قالالىق اۋرۋحانانىڭ تەراپەۆتىك كورپۋسىنىڭ قۇرىلىسىن اياقتاۋعا, اۋىلدىق ەلدىمەكەندەردە 7 وتباسىلىق-دارىگەرلىك امبۋلاتوريا قۇرىلىسىن اياقتاۋعا قول جەتكىزەتىن بولادى.
3 اۋىسىمدىق وقىتۋدى جويۋ ءۇشىن قالالار مەن اۋدانداردا 20 جاڭا مەكتەپ, جۇمىس ىستەپ تۇرعان مەكتەپتەرگە جاپسارلاس قۇرىلىستار سالۋ, ۇيدە قاشىقتىقتان وقىتۋ جۇرگىزۋ ءۇشىن از قامتىلعان وتباسىلاردان شىققان بالالاردى كەزەڭ-كەزەڭىمەن كومپيۋتەرلىك تەحنيكامەن قامتاماسىز ەتۋ جوسپارلانۋدا.

اتىراۋ وبلىسىندا 5 جىل ىشىندە 103 مىڭ جاڭا جۇمىس ورنى اشىلادى. جاڭا بيزنەس-يدەيالاردى ىسكە اسىرۋ ءۇشىن 141 جوباعا وتەۋسىز گرانتتار بەرىلەتىن بولادى.
وڭىر تۇرعىندارىن تولعاندىراتىن ەكولوگيا ماسەلەلەرى بەلسەندى تۇردە شەشىلەتىن بولادى. مىسالى, مۇناي-گاز كاسىپورىندارىندا اتموسفەرالىق اۋانى ونلاين-رەجيمدە باقىلاۋ جۇيەسى ورناتىلادى.
سونداي-اق, 3,5 ملن شارشى مەتر تۇرعىن ءۇي سالۋ, 300 كم-گە جۋىق اۆتوموبيل جولدارىن جوندەۋ, 63,5 كم سۋ قۇبىرى جەلىلەرىن سالۋ, قۇرمانعازى اۋدانى اقكول اۋىلىنداعى سۋ تازارتۋ عيماراتىن قايتا جاڭارتۋ جوسپارلانۋدا.
ساپالى بىلىمگە قولجەتىمدىلىكتى قامتاماسىز ەتۋ ماقساتىندا 9 جاڭا مەكتەپ جانە 56 بالاباقشا سالىنادى. وڭىردە ونەر مەكتەبى, مۋزىكا مەكتەبى جانە وقۋشىلار سارايى اشىلادى.
جاستاردى جان-جاقتى قولداۋ ءۇشىن وڭىردە جىل سايىن كەمىندە 5 مىڭ جاستى جۇمىسقا ورنالاستىرۋ جوسپارلانۋدا. پارتيا 6 ستۋدەنتتىك جاتاقحانا سالۋ مىندەتىن قويىپ وتىر.