بايبەك «پرايمەريز» جۇيەسىنە تىركەلدى

«؛nur otan»؛ پارتياسى ءتوراعاسىنىڭ ءبىرىنشى ورىنباسارى باۋىرجان بايبەك 1-3 قازان ارالىعىندا وتەتىن پارتياىشىلىك سايلاۋدا داۋىس بەرۋ ءۇشىن ارنايى ءموبيلدى قوسىمشانى جۇكتەپ, "پرايمەريز" اقپاراتتىق جۇيەسىنە تىركەلدى. بۇل تۋرالى ول ءوزىنىڭ facebook پاراقشاسىندا جازدى. بۇگىنگە دەيىن جۇيەگە 560 مىڭنان استام پارتيا مۇشەسى تىركەلىپ ۇلگەردى.
ب.بايبەكتىڭ ايتۋىنشا, ول ارىپتەستەرىممەن بىرگە پارتياىشىلىك پرايمەريز قاتىسۋشىلارىنىڭ ۇگىت-ناسيحات كەزدەسۋىنە بارعان. ەلوردانىڭ ەسىل اۋدانى بويىنشا 15 كانديدات «؛nur otan»؛ پارتياسىنىڭ ورتالىق اپپاراتى جانىنداعى باستاۋىش ۇيىمدا ءوز سايلاۋالدى باعدارلامالارىمەن تانىستىردى. ول ءىس-شارانىڭ جارىس سيپاتىندا بولعانىمەن, ءوزارا سىيلاستىق اياسىندا وتكەنىن اتاپ ءوتتى.
«؛قاتىسۋشىلاردىڭ ءاربىرىن قولداۋعا تىرىستىم, كەڭەسىمدى بەرىپ, ماسەلەنى ناقتىلاي تۇسەتىن سۇراقتار قويدىم. ۇمىتكەرلەردىڭ وزدەرىن ۇستاۋىن, جۇرت الدىندا ءسوز سويلەۋىن تاماشالاۋ وتە قىزىقتى بولدى. ولاردىڭ بارلىعىندا دەرلىك قىزىقتى دا كرەاتيۆتى بەينەروليكتەرى, وزىندىك «؛ارتىقشىلىقتارى»؛ بار. ءتىپتى كەيىبەرۋلەرىنىڭ ۇگىت باعدارلامالارىمەن qr-كود ارقىلى تانىسۋعا بولادى. قاتىسۋشىلار اراسىندا ءقازىر قىزمەت اتقارىپ جۇرگەن دەپۋتاتتار دا, ساياسي قادامىن جاڭا باستاپ جاتقان جاستار دا بار. سونداي-اق پارتيا قۇرىلعان ساتتەن باستاپ مۇشە بولىپ كەلە جاتقاندار دا, تاياۋدا عانا قاتارىمىزعا قوسىلعاندار دا كەزدەستى»؛, - دەدى باۋىرجان بايبەك.
پارتيا ءتوراعاسىنىڭ ءبىرىنشى ورىنباسارى سونداي-اق, وسىدان بىرنەشە جىل بۇرىن اقش-قا قونىس اۋدارىپ, كەيىننەن ەلگە قايتا ورالعان ازاماتتىڭ بالالار مەن جاسوسپىرىمدەر اراسىندا ەسىرتكىنىڭ تارالۋىنا قارسى كۇرەسى بويىنشا كەلتىرگەن دەرەكتەرى مەن ۇسىنعان ءىس-شارالارى جۇرتشىلىقتىڭ نازارىن اۋدارعانىن ايتتى.
وز باعدارلاماسىندا ەلوردانى زاماناۋي ۋربانيستيكا قاعيداتتارىنا سايكەس دامىتۋ ماسەلەلەرىن وزەك ەتكەن ەڭ جاس كانديداتقا باۋىرجان بايبەك «؛بولاشاق»؛ قاۋىمداستىعى قازاق تىلىنە اۋدارعان «؛باقىتتى قالا»؛ دەگەن جايلى قالالىق ورتا قۇرۋ تۋرالى كىتاپتى سىيلايتىن بولدى.
ونىڭ ايتۋىنشا, جالپى, قاتىسۋشىلار قىزىقتى دا جۇيەلى شەشىمدەردى تالاپ ەتەتىن كۇردەلى ماسەلەلەردى كوتەرە ءبىلدى. ولاردىڭ قاتارىندا ءبىلىم جانە دەنساۋلىق ساقتاۋ, حالىقتىڭ الەۋمەتتىك توپتارىن قولداۋ, بۇقارالىق بالالار سپورتىن دامىتۋ جانە باسقالارى بار. پارتيا ليدەرى ءن.ا. نازارباەۆتىڭ تاپسىرماسى بويىنشا, پرايمەريزدە ايتىلعان بارلىق ۇسىنىستار مەن ەسكەرتۋلەر ءاربىر ءوڭىر, قالا جانە اۋدان بويىنشا ازىرلەنگەن 216 سايلاۋالدى باعدارلامانى پىسىقتاۋ كەزىندە ەسكەرىلەتىن بولادى.
«؛ارينە, كانديداتتار ءار قيلى. ءارقايسىسىنىڭ دايىندىق دەڭگەيلەرى مەن جەكە بەكگراۋندتارى دا ءار ءتۇرلى. ولاردىڭ قايسىسى جەڭىس تۇعىرىنان كورىنەتىنىن سايلاۋشى شەشەدى. مۇندا ءبىر جايتتى انىق ايتا الامىن: وسىناۋ پرايمەريزدەن ءبىرىنشى بولىپ وتكەندەر تەڭدەسسىز ساياسي تاجىريبە جيناقتاپ, ءار ءتۇرلى اۋديتوريالاردا ءسوز سويلەۋ داعدىسىن مەڭگەرەدى, وزدەرىنىڭ مىقتى جانە وسال تۇستارىن اڭعارىپ, تىڭداۋشىلاردى ءوز سوزىنە يلاندىرىپ, ءوز پوزيسياسىن دالەلدەۋ قابىلەتىن ۇشتايتىن بولادى. وسى ورايدا كەزدەسۋگە قاتىسۋشىلاردىڭ ءبىرى ايتقان مىنا ءبىر ءسوز ەرەكشە ەسىمدە قالدى. ول «؛مەن پرايمەريزگە دەپۋتاتتىق توسبەلگى ءۇشىن ەمەس, جۇرتتىڭ ناقتى ماسەلەلەرىن شەشۋدە پارتيالاستارىمدى قولداۋ ءۇشىن قاتىسىپ وتىرمىن»؛ دەدى. ەلباسى ايتقانداي, ءادىل دە تارتىستى باسەكەدە ەڭ لايىقتىلار جەڭىسكە جەتەتىنە سەنىمدىمىن»؛, - دەدى ول.