16 قىركۇيەك, 2020 news

توقاەۆ جاڭا تاعايىندالعان توتەنشە جاعدايلار ءمينيسترىن قابىلدادى

فوتو: akorda.kz

پرەزيدەنت قاسىم-جومارت توقاەۆ توتەنشە جاعدايلار ءمينيسترى يۋريي ءيليندى قابىلدادى. بۇل تۋرالى اقوردا حابارلادى.

پرەزيدەنتكە قايتا قۇرىلعان مينيسترلىكتىڭ قۇرىلىمى, باسقا مەملەكەتتىك ورگانداردان ونەركاسىپ قاۋىپسىزدىگى سالاسىنداعى كەيبىر فۋنكسيالاردى, مەملەكەتتىك ماتەريالدىق قوردى بەرۋ ۇدەرىسى, سونداي-اق, ىشكى ىستەر مينيسترلىگىنىڭ قۇرامىنا كىرگەن اسكەري بولىمشەلەردى اۋىستىرۋ جۇمىستارى تۋرالى باياندالدى.

يۋريي يلين پرەزيدەنت قاسىم-جومارت توقاەۆقا بيىلعى قازاقستان رەسپۋبليكاسىنداعى توتەنشە جاعدايلاردىڭ الدىن الۋ جانە جويۋ مەملەكەتتىك قىزمەتىنىڭ 25 جىلدىعى قارساڭىندا, اتالعان قۇرىلىمدى قايتا قالپىنا كەلتىرگەنى ءۇشىن مەكەمە قىزمەتكەرلەرىنىڭ اتىنان العىس ءبىلدىردى.

مەملەكەت باسشىسىنا وسى جىلدىڭ 8 ايىنداعى توتەنشە جاعدايلاردىڭ, تابيعي جانە تەحنوگەندىك اپاتتاردىڭ, سونداي-اق, وسىنداي جاعدايلاردا قازا بولعاندار سانىنىڭ ازايعانى تۋرالى دا اقپارات بەرىلدى.

كەزدەسۋ قورىتىندىسى بويىنشا مەملەكەت باسشىسى قاسىم-جومارت توقاەۆ جىلىتۋ ماۋسىمىمەن جانە قىسقا دايىندىق جۇمىستارىن جۇرگىزۋ, ءتۇرلى توتەنشە جاعدايلاردى ازايتۋ, قار بۇرقاسىندارىنا ازىرلىك, سونداي-اق, كوكتەمگى تاسقىندار مەن ەلدى مەكەندەردى سۋ باسۋ ءقاۋپىنىڭ الدىن الۋ ماسەلەلەرى بويىنشا ءبىرقاتار ناقتى تاپسىرما بەردى.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر