16 قىركۇيەك, 2020 الەۋمەت

"؛ۇيرەنىپ ءجۇر"؛. سپورت ورتالىعى ديرەكتورىنىڭ قازاقشا تۇسىنبەگەنىنە پىكىر ءبىلدىرىلدى (ۆيدەو)

ۆيدەودان سكرينشوت

نۇر-سۇلتان قالاسىنداعى بريفينگتەردىڭ بىرىندە سپيكەر مەملەكەتتىك تىلدە قويىلعان سۇراقتى ورىس تىلىنە اۋدارعاننان كەيىن عانا تۇسىنگەنى بەينەلەنگەن ۆيدەو الەۋمەتتىك جەلىدە قىزۋ تالقىلانىپ جاتىر. ۆيدەوداعى ادامنىڭ دەنە شىنىقتىرۋ جانە سپورت بويىنشا رەسپۋبليكالىق وقۋ-ادىستەمەلىك جانە تالداۋ ورتالىعى رەسپۋبليكالىق مەملەكەتتىك قازىنالىق كاسىپورنىنىڭ ديرەكتورى ابزال مىحىباەۆ ەكەنى بەلگىلى بولدى. ال ۆيدەو ورتالىق كوممۋنيكاسيالار قىزمەتىندە "قازاقستانداعى بۇقارالىق سپورتتى دامىتۋ" تاقىرىبىمەن 15 قىركۇيەكتە وتكەن بريفينگتە تۇسىرىلگەن. قامشى ءتىلشىسى وقۋ-ادىستەمەلىك ورتالىققا حابارلاسىپ, وقيعاعا بايلانىستى تۇسىنىك الۋعا تىرىستى.

دەنە شىنىقتىرۋ جانە سپورت بويىنشا رەسپۋبليكالىق وقۋ-ادىستەمەلىك جانە تالداۋ ورتالىعىنىڭ سايتى ؛تولىقتاي ورىس تىلىندە جۇرگىزىلەدى. ءتىل اۋىستىراتىن تۇستا قازاق ءتىلىن تاڭداۋ باتىرماسى جوق.

ورتالىقتىڭ facebook ؛جانە instagram ؛جەلىلەرىندەگى اقپاراتتىڭ باسىم كوپشىلىگى ورىس تىلىندە جاريالانعان.

قامشى ءتىلشىسىنىڭ قوڭىراۋىنا ديرەكتوردىڭ ورىنباسارى نۇربولات بەكسۇلتانوۆ جاۋاپ بەرىپ, ورتالىق باسشىسى ابزال مىحىباەۆ جينالىستا بولعاندىقتان, تەلەفون تۇتقاسىنا جاقىنداي المايتىنىن جەتكىزدى.

نۇربولات بەكسۇلتانوۆ ورتالىق ديرەكتورىنىڭ مەملەكەتتىك تىلگە شورقاق ەكەنىن جاسىرمادى. الايدا ونىڭ سوزىنشە, ابزال مىحىباەۆ قازاقشا سويلەي الماعانىمەن, تۇسىنەدى. تەك تىكەلەي ەفيردەگى بريفينگكە العاش رەت شىققاندىقتان ابدىراپ, ويىن جيناقتاي الماي قالعان.

 ؛

&ndash؛ ابزال تۇڭعاتارۇلى ءپرينسيپتى تۇردە قازاقشا سويلەمەيتىن ادام ەمەس. تەك وسكەن ورتاسى ورىس ءتىلدى بولعاندىقتان, ويىن قازاقشا جەتكىزۋگە قينالادى. ءبىراق تىرىسادى. ءقازىر ۇيرەنىپ ءجۇر. جۇمىستا بارلىعىمىزعا قازاقشا سويلەۋىمىزدى, سول ارقىلى ءتىلدى تەزىرەك مەڭگەرۋگە كومەكتەسۋىمىزدى سۇرايدى, &ndash؛ دەدى نۇربولات بەكسۇلتانوۆ.

 ؛

ديرەكتور ورىنباسارى ورتالىقتىڭ الەۋمەتتىك جەلىدەگى پاراقشالارىندا مەملەكەتتىك تىلدەگى اقپاراتتىڭ ازدىعىن كەيبىر بولىمدەردە وزگە ۇلت وكىلدەرى ىستەيتىنىن, ولاردىڭ اقپاراتتى ورىس تىلىندە بەرەتىنىن ايتىپ, ونى اۋدارۋعا اۋدارماشى جوقتىعىمەن ءتۇسىندىردى.

&ndash؛ الەۋمەتتىك جەلىلەردەگى پاراقشالارعا جاريالاناتىن اقپارات ءتۇرلى بولىمدەردەن كەلىپ تۇسەدى. ولاردىڭ اراسىندا قازاقشا دا, ورىسشا دا بار. ورىسشا اقپارات بەرەتىن بولىمدەردە نەگىزىنەن وزگە ۇلت وكىلدەرى ىستەيدى. ال ورىسشا اقپاراتتى قازاقشاعا, قازاقشانى ورىسشاعا اۋداراتىن اۋدارماشى ؛بىزدە جوق. كەيدە جەكە اۋدارماشىلارعا جۇگىنىپ جاتامىز. ءبىراق ۇنەمى جۇگىنۋدىڭ مۇمكىندىگى بولا بەرمەيدى. ال سايتتىڭ قازاق تىلىندەگى نۇسقاسى بار. تەك ءقازىر جەتىلدىرىلۋ ۇستىندە. كەيبىر قاتە اۋدارىلعان سوزدەردى دۇرىستاپ, جۋىق ارالىقتا قايتا ىسكە قوسامىز. سول كەزدە سايت قوس تىلدە بىردەي اقپارات تاراتاتىن بولادى, &ndash؛ دەدى ول.

قامشى ءتىلشىسى "ورتالىقتا نەگىزىنىن جۇمىس بارىسىندا قاي تىلگە باسىمدىق بەرىلەدى" دەپ سۇراعانىندا نۇربولات بەكسۇلتانوۆ مەكەمەدە جۇمىس ءتىلىنىڭ قازاق ءتىلى ەكەنىن ايتتى.

ونىڭ سوزىنشە, ورتالىق پەن مينيسترلىك اراسىنداعى حات الماسۋ تەك قانا قازاق تىلىندە جۇرەدى. ءىس قاعازداردىڭ بارلىعى قازاق تىلىندە. "بىزدەن بۇيرىقتى ورىسشا شىعارۋ سۇرالسا, بەرە المايمىز. ويتكەنى بۇيرىقتىڭ ورىسشا نۇسقاسى جوق, جاسالماعان" دەگەن ول ورتالىقتا مەملەكەتتىك تىلگە شورقاق قىزمەتكەرلەرمەن قاتار, ورىسشا شالا بىلەتىن ماماندار دا بار ەكەنىن اتاپ ءوتتى.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر