قازاقستاندا 25 وقۋ ورنى ليسەنزياسىنان ايىرىلدى

بىلىم جانە عىلىم مينيسترلىگى 25 جوعارى وقۋ ورنىنىڭ 60 ليسەنزياسىن قايتارىپ الدى. بۇل تۋرالى مينيسترلىكتىڭ رەسمي سايتىندا جاريالاندى.

بىلىم جانە عىلىم سالاسىنداعى ساپانى قامتاماسىز ەتۋ كوميتەتى 25 جوعارى وقۋ ورنىنىڭ كادرلاردى دايىنداۋ باعىتتارى بويىنشا  ؛ليسەنزيالارعا 60 قوسىمشاسىن قايتارىپ الدى. ولاردىڭ باسىم بولىگى كوميتەتتىڭ تەكسەرىسىنەن كەيىن قايتارىلدى.

نەگىزىنەن بۇل جوو-لار "پەداگوگيكالىق عىلىمدار", "ونەر", "گۋمانيتارلىق عىلىمدار", "جاراتىلىستانۋ عىلىمدارى", "تەحنيكا عىلىمدارى", "قىزمەت كورسەتۋ" جانە "الەۋمەتتىك جۇمىس", "الەۋمەتتىك عىلىمدار" باعىتتارى بويىنشا كادرلار دايارلاۋدى جۇزەگە اسىرعان.

جۇرگىزىلگەن تەكسەرۋ ناتيجەلەرى بويىنشا جوو-لار نورماتيۆتىك قۇقىقتىق اكتىلەردى ساقتاماعانى انىقتالدى. ولقىلىقتارعا نەگىزىنەن تالاپكەرلەردى قابىلداۋ, پروفەسسور-وقىتۋشىلار قۇرامىنىڭ (پوق) بىلىكتىلىگىن ارتتىرۋ, پروفەسسور-وقىتۋشىلار قۇرامىن كونكۋرس ارقىلى الماستىرۋ, پروفەسسور-وقىتۋشىلار قۇرامىنىڭ وقۋ جۇكتەمەسىن جوسپارلاۋ, ءبىلىم الۋشىلاردى قورىتىندى اتتەستاتتاۋ, ديپلوم بلانكىلەرىن ەسەپكە الۋ جانە ت.ب. بويىنشا جول بەرىلگەن.

&ndash؛ پرەزيدەنتتىڭ تاپسىرماسى بويىنشا جۇمىستى ەكى باعىتتا جۇرگىزىپ جاتىرمىز. بىرىنشىدەن, ءالسىز ۋنيۆەرسيتەتتەردى تولىقتاي جابۋ, ەكىنشىدەن, بۇل جاعدايدا ۋنيۆەرسيتەتتەردى ساپاسى تومەن, جابدىقتارى جەتىسپەيتىن جانە ت.ب. ماماندىقتارى بويىنشا ليسەنزياسىنان ايىرۋ. مىسالى, بازاسى جوق جانە ماماندى دايىنداۋ بويىنشا تالاپقا ساي ساپانى قامتاماسىز ەتە المايتىن پەداگوگيكالىق جوعارى وقۋ ورنى ينجەنەرلەردى وقىتىپ شىعارعان كەزدە نەمەسە تەحنيكالىق ۋنيۆەرسيتەت مۋزىكانتتاردى دايىنداعان جاعدايدا. ءيا, بۇل جوعارى وقۋ ورىندارى ءۇشىن وتە اۋىر پروسەسس, جوعارى وقۋ ورىندارى قوماقتى كىرىستەر مەن ستۋدەنتتەردى جوعالتادى, ءبىراق ءبىز ءۇشىن ساپانى قامتاماسىز ەتۋ ماڭىزدى, ؛دەپ ءتۇسىندىردى ءبىلىم جانە عىلىم ۆيسە-مينيسترى ميراس داۋلەنوۆ.

بيىل ءبىلىم بەرۋ قىزمەتىنە قويىلاتىن بىلىكتىلىك تالاپتارى كۇشەيتىلدى, سونداي-اق مەملەكەتتىك جالپىعا مىندەتتى ءبىلىم بەرۋ ستاندارتى مەن قىزمەتتىڭ ۇلگىلىك قاعيدالارى جاڭارتىلعانىن ەستەرىڭىزگە سالامىز.