16 قىركۇيەك, 2020 news

اقش تىنىق مۇحيتقا 11 مىڭ اسكەر جىبەردى, قىتاي سوعىسقا دايىن ەكەنىن مالىمدەدى

getty

امەريكا باتىس تىنىق مۇحيتىنا ۇلكەن اسكەري جاتتىعۋلار جاساۋ ءۇشىن 11 مىڭ سارباز جىبەردى, ال قىتاي سوعىسقا دايىن ەكەنىن ەسكەرتتى. ؛

اقش ارمياسى گۋامدا 10 كۇنگە سوزىلاتىن اسكەري وپەراسيانى باستادى. وعان قۇرلىقتاعى, تەڭىزدەگى جانە اۋەدەگى جاتتىعۋلار كىرەدى.

ۆاشينگتون ەلدىڭ ەڭ ءىرى اسكەري كەمەلەرى مەن 100 ۇشاعىن باتىس تىنىق مۇحيتىنداعى اقش اۋماعىنا جىبەردى.

بىراق بۇل وپەراسيا قىتايدى شامىنا ءتيىپ, بەيجىڭ ءقازىر "سوعىسقا دايىنبىز" دەپ مالىمدەدى.

اقش ءۇندى-تىنىق مۇحيتى ايماعىندا ءوزىنىڭ اسكەري جاتتىعۋلارىن كوبەيتىپ كەلەدى.

اقش-تىڭ تىنىق مۇحيتى فلوتىنىڭ تەڭىز وپەراسيالارىنىڭ ديرەكتورى كونتر-ادميرال مايكل بويلدىڭ ايتۋىنشا, بۇل وپەراسيا اقش اسكەري كۇشتەرىنىڭ ونىمدىلىگىن جاقسارتۋعا مۇمكىندىك بەرەدى.

ال قىتاي كوممۋنيستىك پارتياسىنىڭ ناسيحات باسىلىمى بولىپ ەسەپتەلەتىن global times بەيجىڭدى سوعىسقا دايىندالۋعا شاقىرعان.

ىلمەك سوزدەر: قىتاي اقش

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر