نۇرلان نىعماتۋلين: ءاندى جاندى داۋىستا ايتقان دۇرىس

ماجىلىستىڭ جالپى وتىرىسىندا ؛مادەنيەت جانە سپورت ءمينيسترى اقتوتى رايىمقۇلوۆا مۋزىكالىق شىعارمالاردى ورىنداۋشىلار فونوگرامما قولداناتىنىن كورەرمەنگە حابارلاۋعا مىندەتتى ەكەنىن اتاپ ايتتى.

مينيستر كونسەرت, ويىن-ساۋىق ءىس-شارالارىن وتكىزۋ كەزىندە تۋىندايتىن ءبىرقاتار پروبلەمالار بار ەكەنىن اتاپ ءوتتى.

&ndash؛ ورىنداۋشىلار تاراپىنان كونسەرتتەر وتكىزۋ كەزىندە ادەپسىز مىنەز-قۇلىق كورسەتۋ, ساحنادا ماس كۇيىندە ونەر كورسەتۋ ءۇردىسى , جوسپارلانعان كونسەرتتەردى بۇزۋ, ادەپسىز سوزدەرى بار رەپەرتۋار تاڭداۋ, كورەرمەندەردى حاباردار ەتپەي فونوگراممانى پايدالانۋ فاكتىلەرى بولدى. وسى ورايدا, زاڭ جوباسى اياسىندا ورىنداۋشىلاردىڭ وسىنداي مىنەز-قۇلىق كورسەتۋىنە جول بەرمەۋ ءۇشىن ءبىرقاتار مىندەتتەمەلەردى ەنگىزۋ ارقىلى وسى ماسەلەلەردى رەتتەۋگە تىرىستىق. ولاردىڭ ىشىندە ماڭىزدى نورمالاردىڭ ءبىرى &ndash؛ مۋزىكالىق شىعارمالاردى ورىنداۋشىلاردىڭ فونوگراممالاردى قولدانۋى تۋرالى كورەرمەندى حابارلاۋى. فونوگراممالاردى پايدالانۋ ءتارتىبى زاڭعا تاۋەلدى اكتىدە ايقىندالاتىن بولادى. بارلىق جارنامالىق ونىمدەردە جانە كاسسالار جانىندا مىندەتتى تۇردە فونوگراممانى پايدالانۋ بويىنشا حابارلاما بەرىلەدى. بۇل كورەرمەنگە فونوگراممانى پايدالانۋمەن وتەتىن كونسەرتكە بيلەت ساتىپ الۋ نەمەسە ودان باس تارتۋ تاڭداۋىنا مۇمكىندىك بەرەدى جانە بيلەتتىڭ قۇنىنا دا اسەر ەتەدى, &ndash؛ دەيدى رايىمقۇلوۆا.

پالاتا ءتوراعاسى نۇرلان نىعماتۋلين مادەنيەت جانە سپورت ءمينيسترىنىڭ بۇل ۇسىنىسىنا پىكىر ءبىلدىردى. ؛

&ndash؛ مەنىڭشە, ناعىز ونەر ول &ndash؛ ايتىس. ايتىسقا فونوگراممامەن شىعىپ كورىڭىزشى. وندا ەشقاشان, ەشقانداي فونوگرامما بولمايدى. سول ءۇشىن شىعار, حالقىمىز وسى ايتىستى جاقسى كورەدى. "قيسىق اربا جول بۇزادى" دەپ حالقىمىز ايتقانداي, ونەر ءارقاشان دا تازا بولۋى كەرەك. ءاندى جاندى داۋىستا ايتقان دۇرىس. ال فونوگرامما بولسا, وندا ونى الدىن-الا ەسكەرتۋ قاجەت جانە بيلەتتىڭ باعاسى دا سوعان سايكەس بولۋى ءتيىس. ودان كەيىن حالىق ول كونسەرتكە باراتىنىن نە بارمايتىنىن ءوزى شەشەدى. ارينە, كونسەرت جاندى داۋىستا بولسا انشىگە حالىقتىڭ باعاسى دا, قۇرمەتى دە جوعارى بولادى, &ndash؛ دەپ اتاپ ايتتى ءماجىلىس ءتوراعاسى. ؛