توقاەۆ: كارانتين تالاپتارىن بىرتىندەپ جەڭىلدەتۋ ماڭىزدى

مەملەكەت باسشىسى قاسىم-جومارت توقاەۆ پرەمەر-مينيستر اسقار ءماميندى قابىلدادى, دەپ حابارلادى اقوردا.

مامين بيىلعى قاڭتار-تامىز ايلارى ارالىعىنداعى ەلىمىزدىڭ الەۋمەتتىك-ەكونوميكالىق دامۋ قورىتىندىلارى تۋرالى ەسەپ بەردى.

ونىڭ ايتۋىنشا, ؛ ؛8 ايدا قايتا وڭدەۋ ونەركاسىبىندەگى ءوسىم 3,3%-عا, ونىڭ ىشىندە ماشينا جاساۋ &ndash؛ 16,3%-عا, ؛ كولىك قۇراستىرۋ &ndash؛ 51,8%-عا, سونداي-اق فارماسەۆتيكا &ndash؛34,1%-عا, جەڭىل ونەركاسىپ &ndash؛ 11%-عا, حيميا ونەركاسىبى &ndash؛ 3,1%-عا جانە دايىن مەتال ونىمدەرىن شىعارۋ &ndash؛ 18,8%-عا وسكەن.

2020 جىلى يندۋستريالاندىرۋ كارتاسى اياسىندا, جالپى سوماسى 996 ملرد تەڭگە بولاتىن 206 جوبانى ىسكە قوسۋ جوسپارلانعان. بۇل ءوندىرىس كولەمىن 1,3 ترلن تەڭگەگە, ەكسپورتتى 325 ملرد تەڭگەگە ارتتىرۋعا جانە 19 مىڭعا جۋىق جاڭا جۇمىس ورىندارىن اشۋعا مۇمكىندىك بەرەدى.

قۇرىلىس كولەمى &ndash؛ 6,5%-عا, تۇرعىن ءۇيدى پايدالانۋعا بەرۋ &ndash؛ 6,4%-عا نەمەسە 8,1 ملن شارشى مەترگە ارتتى. جىل باسىنان بەرى 71 مىڭ جاڭا ءۇي سالىندى, بۇل وتكەن جىلمەن سالىستىرعاندا 8,6%-عا ارتىق.

اۋىل شارۋاشىلىعىنداعى تۇراقتى ءوسىم 4,9% قۇرادى, ازىق-تۇلىك ءوندىرىسىنىڭ كولەمى 3,6%-عا ارتتى.

اسقار مامين قابىلدانعان شارالار ناتيجەسىندە الەۋمەتتىك ماڭىزدى تاۋارلار باعاسىنىنىڭ ارتۋىن 4,4% دەڭگەيىندە ۇستاپ تۇرۋعا مۇمكىندىك بەردى, بۇل وتكەن جىلدىڭ كورسەتكىشتەرىمەن سالىستىرعاندا ەكى ەسە (8,7%) تومەن ەكەنىن اتاپ ايتتى.

جىل باسىنان بەرى مەملەكەتتىك باعدارلامالار اياسىندا 874 مىڭ ادام جۇمىسپەن قامتىلعان, وتكەن جىلمەن سالىستىرعاندا بۇل كورسەتكىش 82,1%-دان اسادى.

مەملەكەت باسشىسى كەزدەسۋدە تۇرعىنداردى جۇمىسپەن قامتۋ, كاسىپكەرلىك سۋبەكتىلەرىنە قولداۋ كورسەتۋ, ءوندىرىس ۇدەرىستەرىنە جاڭا تەحنولوگيالار ەنگىزۋ, ەپيدەميولوگيالىق جاعدايدى تۇراقتاندىرۋ مەن كارانتين تالاپتارىن بىرتىندەپ جەڭىلدەتۋ ماڭىزدى ەكەنىن اتاپ ءوتتى.