15 قىركۇيەك, 2020 بارلىق ايماقتار
كورنەكى سۋرەت
مەملەكەت باسشىسى قاسىم-جومارت توقاەۆ ءوزىنىڭ قازاقستان حالقىنا جولداۋىندا 2021 جىلدىڭ وزىندە ءبىرىڭعاي جيناقتاۋشى زەينەتاقى قورىنىڭ 700 مىڭ سالىمشىسى ءوز جيناعىنىڭ ءبىر بولىگىن تۇرعىن ءۇي الۋعا, ەمدەلۋگە نەمەسە باسقارۋشى كومپانيالاردىڭ يەلىگىنە بەرۋگە پايدالانا الۋى مىندەتىن قويدى. ەل پرەزيدەنتى اتاپ وتكەندەي, بۇل ماسەلە اسىرەسە, ءدال ءقازىر ەرەكشە ماڭىزدى. ويتكەنى, ازاماتتاردىڭ «؛الەۋمەتتىك ءال-اۋقاتى, ەڭ الدىمەن, باسپانا ماسەلەسىنە تىكەلەي بايلانىستى»؛.
سونىمەن قاتار, سالىق كودەكسىنە سايكەس قازاقستاندىقتاردىڭ زەينەتاقى جيناقتارىنىڭ مەرزىمىنەن بۇرىن الىنعان بولىگىنە 10 پايىزدىق تابىس سالىعى سالىناتىن بولادى.
وسىعان بايلانىستى, پارتيالىق كۋراتور, پارلامەنت ماجىلىسىندەگى «؛nur otan»؛ پارتياسى فراكسياسىنىڭ مۇشەسى ارتۋر پلاتونوۆ زەينەتاقى جيناقتارىن مەرزىمىنەن بۇرىن الۋ كەزىندە 10 پايىزدىق سالىق سالۋدى الىپ تاستاۋ بويىنشا زاڭناماعا وزگەرىستەر ەنگىزۋدى ۇسىندى.
«؛nur otan»؛ پارتياسى مەملەكەت باسشىسىنىڭ باستاماسى, ەڭ الدىمەن, حالىقتى الەۋمەتتىك قولداۋعا باعىتتالعان, سوندىقتان زەينەتاقى جيناقتارىنىڭ ءبىر بولىگىن پايدالانۋ كەزىندە ەرەكشە جاعدايلار قاراستىرۋ قاجەت دەپ ەسەپتەيدى.
«؛ازاماتتاردىڭ زەينەتاقى جيناقتارىن الۋ كەزىندە سالىق تۇرىندە ۇستاۋعا جوسپارلانعان قاراجات مەملەكەتتىڭ بارلىق ەكونوميكالىق ماسەلەلەرىن شەشپەيدى, ءبىراق تۇرعىن ءۇي ماسەلەسىن شەشۋدە, مۇقتاج ازاماتتاردى ەمدەۋدە ايتارلىقتاي كومەك بولا الادى»؛, - دەدى ارتۋر پلاتونوۆ.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر