15 قىركۇيەك, 2020 news

قىتاي يلون ماسكقا باسەكەلەس بولاتىن جىلجىمالى عارىش ايلاعىن سالىپ جاتىر

سۋرەتتە: سارى تەڭىزدەگى جىلجىمالى پلاتفورمادان قىتايلىق زىمىراننىڭ كوتەرىلۋى

قىتاي تىنىق مۇحيتىنان زىمىران ۇشىرا الاتىن جۇزبەلى عارىش ايلاعىن سالىپ جاتىر.

قىتايدىڭ شاندۋن پروۆينسياسىنداعى حاييان قالاسىنىڭ جاعالاۋىنداعى "شىعىس اەروعارىشتىق پورتىندا" شاعىن زىمىرانداردى سالۋ جانە ولارعا قىزمەت كورسەتۋ باستالادى.

"مۇنى قىتايداعى "china aerospace science and technology corp (casc)" دەپ اتالاتىن ەڭ ءىرى قورعانىس مەردىگەرى جاسايدى" دەپ حابارلايدى universe today.

"جاقىن ۋاقىتتا تەڭىزدە ورنالاسقان ۇشىرۋ قوندىرعىلارى الدەقايدا ءجيى بولادى دەپ كۇتىلۋدە" دەلىنگەن جاڭالىقتار سايتىندا.

شىعىس اەروعارىشتىق پورتى جەڭىل كولىكتەرمەن قاتار, شاعىن زىمىرانداردى, جەر سەرىكتەرىن جانە باسقا عارىشتىق تەحنولوگيالاردى ۇشىرۋمەن اينالىسادى.

وتكەن اپتادا casc شەڭبەرىندەگى قىتايدىڭ كولىك قۇرالدارىن ىسكە قوسۋ تەحنولوگياسىنىڭ جەتەكشىسى ۆان سياودزيۋن پورتتىڭ قۇرىلىسىندا "ايتارلىقتاي ىلگەرىلەۋشىلىك" بولىپ جاتقانىن ايتتى.

بەيجىڭ جەرسەرىكتەردى قاشان ۇشىراتىنى ازىرگە بەلگىسىز. قۇرىلىس اياقتالعاننان كەيىن پورت قىتايدىڭ زىمىرانداردى ۇشىراتىن بەسىنشى الاڭى اتانادى.

تەڭىزدەن ۇشىرۋ ؛&ndash؛ عارىشتىق تەحنولوگيانىڭ كەلەسى قادامى.

ولار وربيتاعا جەتۋ ءۇشىن از وتىندى قاجەت ەتەدى, دەمەك, بۇل تەحنولوگيا ەكۆاتورعا جاقىنىراق ورنالاستىرۋ مۇمكىندىگى سياقتى ارتىقشىلىقتارعا يە.

اقش-تىڭ spacex زىمىران كومپانياسى شۋىل تۋرالى شاعىمدار ەستىمەس ءۇشىن الداعى "starship" عارىش كەمەسىن قالقىمالى جاستىقشالاردان ۇشىرۋعا ءۇمىتتى ەكەنىن مالىمدەدى.

قىتاي وتكەن جىلى ءوزىنىڭ العاشقى تەڭىز ۇشىرىلىمىن اياقتاپ, عارىشقا بەس كوممەرسيالىق جەر سەرىگىن جانە تاعى ەكى ەكسپەريمەنتتىك تەحنولوگيانى جىبەردى.

7 قاراشا كۇنى قىتايلىق باق بەيجىڭنىڭ قايتا پايدالانۋعا بولاتىن تاجىريبەلىك زىمىرانداردى ءساتتى ۇشىرىپ, قايتادان قوندىرعانىن حابارلاپ, قىتايدىڭ عارىشتى يگەرۋىندەگى ماڭىزدى جەتىستىككە قول جەتكىزگەنىن جاريالاعان بولاتىن. ؛

ىلمەك سوزدەر: قىتاي ماسك

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر