15 قىركۇيەك, 2020 بارلىق ايماقتار

ەمحاناعا تىركەۋ ناۋقانى جايلى نە ءبىلۋ كەرەك؟

كورنەكى سۋرەت

قازاقستاندا ەمحانا تاڭداۋ ناۋقانى باستالدى. 15 قىركۇيەكتە باستالاتىن ءداستۇرلى ناۋقان ەكى ايعا سوزىلادى. بۇل تۋرالى "الەۋمەتتىك مەديسينالىق ساقتاندىرۋ قورى" كەاق الماتى قالالىق فيليالى حابارلادى.

فيليال مالىمەتىنشە, تىركەۋ وتكەن جىلدان باستاپ egov ەلەكتروندىق ۇكىمەت پورتالى ارقىلى جۇرگىزىلىپ كەلەدى. تىركەلۋ ءۇشىن ەلەكتروندىق سيفرلىق قولتاڭبا قاجەت.

&ndash؛ تىركەۋ پروسەسىنىڭ اۆتوماتتاندىرىلۋى ازاماتتاردى ەمحاناعا "سىرتتاي" تىركەۋ فاكتىلەرىنىڭ الدىن الۋعا كومەكتەسەدى. سونىمەن قاتار, ەركىن تاڭداۋ ءپرينسيپى بويىنشا ازامات ءوزى تۇرىپ جاتقان ءبىر اكىمشىلىك بىرلىك اۋماعىنداعى ەمدەۋ مەكەمەسىنىڭ بىرىنە تىركەلە الادى. وبلىستىق جانە رەسپۋبليكالىق ماڭىزى بار قالالاردا ءبىر اۋدان ىشىندەگى ەمحانانى تاڭداۋعا بولادى, &ndash؛ دەدى تىلەۋحان ابىلداەۆ.

ونىڭ ايتۋىنشا, بۇگىنگى تاڭدا الماتى قالاسىندا كەپىلدەندىرىلگەن تەگىن مەديسينالىق كومەك پاكەتى مەن مەديسينالىق ساقتاندىرۋ پاكەتى شەڭبەرىندە 74 ەمحانا قىزمەت كورسەتەدى. ونىڭ جارتىسىنا جۋىعى &ndash؛ جەكەمەنشىك.

&ndash؛ تىركەۋ ناۋقانى بارىسىندا تەك مەملەكەتتىك قانا ەمەس, جەكەمەنشىك ەمدەۋ ۇيىمدارىنا دا تىركەلۋگە بولادى. تەك تاڭداپ الىنعان كلينيكا مەديسينالىق ساقتاندىرۋ قورىمەن كەلىسىمشارت بەكىتكەن بولۋى شارت. جەتكىزۋشى كومپانيالاردىڭ تولىق تىزىمىمەن قوردىڭ fms.kz سايتى ارقىلى تانىسۋعا بولادى, &ndash؛ دەدى فيليال باسشىسى.

سونىمەن قاتار, ءبىرقاتار ساناتتار بۇرىنعىشا ەمحانانىڭ تىركەۋ ءبولىمى ارقىلى تىركەلە الادى. ولار:

  • زەينەتكەرلەر مەن مۇگەدەكتەر
  • ستۋدەنتتەر
  • بالالاردىڭ زاڭدى وكىلدەرى مەن بالالىق شاقتان مۇگەدەك تۇرعىنداردىڭ قامقورشىلارى  ؛
  • شەتەلدە تۋعان بالالار
  • تۇرمەدە جازاسىن وتەپ جاتقاندار (سول جەردەگى ەمدەۋ مەكەمەسىنە)
  • اسكەري بورىشىن وتەپ جاتقاندار
  • بوبەكتەر, بالالار مەن قارتتار ۇيلەرىنىڭ تۇرعىندارى
  • رەسمي سەنىمحات ارقىلى تىركەلەتىندەر

بيىلعى ناۋقان كەزىندە باسقا ەمحاناعا تىركەلگەن تۇرعىندار تاڭداعان ەمحانا قىزمەتىن 2021 جىلدىڭ 1-قاڭتارىنان باستاپ پايدالانا الادى. ياعني, جىلدىڭ سوڭىنا دەيىن بۇرىنعى ەمحاناعا قارالادى.

ىلمەك سوزدەر: ەمحاناعا تىركەلۋ

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر