5 دانا كيسلورودتى كونسەنتراتور اپپاراتىن تابىستادى

الماتى وبلىسى الاكول اۋداندىق ورتالىق اۋرۋحاناسىنا "شۇعىلا" قايىرىمدىلىق قورى ؛كوروناۆيرۋستى ەمدەۋگە وتە قاجەتتى كيسلورودتى كونسەنترات قۇرالىن تابىستادى.

دۇنيەجۇزىنە دۇربەلەڭ سالعان پاندەميا ەڭ الدىمەن جۇرتقا دەنساۋلىقتىڭ ءقادىرىن جانە ادامزاتتىق ەڭ اسىل قاسيەت «؛قايىرىمدىلىق پەن مەيىرىمدىلىكتى»؛ قايتا ەسىنە تۇسىرگەندەي. سەبەبى كوروناۆيرۋس ىندەتى تارالا باستاعان مەزەتتەن بەرى بارلىق ەل ازاماتتارى بىر-بىرلەرىنە كومەك قولدارىن سوزىپ, قيىندىققا قارسى ءبىر اداماي جۇمىلۋدى ۇيرەنگەن سىڭايلى.

بۇنداي يگىلىكتى ىستەر الاكول اۋدانىندا دا ءوز جالعاسىن تابۋدا. كۇنى بۇگىن دەرتپەن كۇرەستە الدىڭعى شەپتە ءجۇرىپ, بارلىق اۋىرتپالىقتى ءوز مويىندارىنا الىپ وتىرعان اق جەلەڭدى ابزال جاندار مەن سىرقاتتىڭ سامالىن سەزىنىپ وتىرعان حالىققا سەپتەسۋ ماقساتىندا ۇلكەن كومەك كورسەتىلدى.

اتاي كەتسەك, «؛شۇعىلا»؛ قورىنىڭ اتىنان الاكول اۋدانىنىڭ اتپال ازاماتتارىنىڭ ءبىرى رىسكەلدى ايمانبەتوۆ ورتالىق اۋرۋحاناعا 5 دانا كيسلورودتى كونسەنتراتور اپپاراتىن تابىستاپ, اۋرۋعا شالدىققاندارعا كومەگىن كورسەتسىن دەگەن تىلەگىن ءبىلدىردى.

 ؛«؛قايىرىمدىلىق جاساساڭ, قايىرىن ءوزىڭ كورەسىڭ»؛. اتىمتاي ازاماتتاردىڭ بۇل ءىسى كوپكە ۇلگى. ەڭ كەرەمەتى جومارت جانداردىڭ تەكەلىدەگى ىزگى ءىس, يگىلىكتى شارالار مۇنىمەن توقتاپ قالمايتىندىعىن, ءارى قاراي دا جالعاسىن تاباتىندىعىن ايتۋدا.

بىز دە ءوز كەزەگىمىزدە «؛ىرىس»؛ شارۋا قوجالىعى باسشىسىنىڭ ىرىستى ىسىنە ريزاشىلىق ءبىدىرىپ, جاساندى تىنىس الۋ قۇرالدارى تالاي سىرقاتتىڭ اياقتان تىك تۇرىپ كەتۋىنە سەپتىگىن تيگىزە بەرسىن دەيمىز.