«شۇعىلا» قورىنىڭ شۇعىلالى ءىسى

الماتى وبلىسى الاكول اۋداندىق ورتالىق اۋرۋحاناسىنا "شۇعىلا" قايىرىمدىلىق قورى ؛كوروناۆيرۋستى ەمدەۋگە وتە قاجەتتى كيسلورودتى كونسەنترات قۇرالىن تابىستادى.

«؛قايىرىمدىلىق &ndash؛ قايىرلى ءىس»؛ دەگەن قازاقتىڭ اتالى ءسوزىنىڭ استارىندا ۇلكەن ماعىنا جاتىر. سەبەبى جۇرەگى ۇلان-عايىر دالاسىنداي كەڭ ۇلتىمىزدىڭ بۇل ىزگى مىنەزىنە تامسانبايتىندار كەمدە-كەم.

قازىرگى پاندەميانىڭ اۋىر سالماعىنا دا قاراماستان ەلىمىزدىڭ تالاي ازاماتتارى ءبىر جەڭنەن قول, ءبىر جاعادان باس شىعارىپ, حالىقتىڭ قامىنا قاراي ادىمداۋعا تىرىسىپ جاتىر. سولاردىڭ قاتارىندا «؛شۇعىلا»؛ قايىرىمدىلىق قورى دا بار. شىنى كەرەك, قازىرگى مەزەتتە ەشكىمگە دە وڭاي سوعىپ وتىرعان وق. الايدا بارلىق قيىنشىلىقتارعا تويتارىس بەرۋدە ەلىنىڭ جانىنان تابىلۋعا ۇمتىلعان قوردىڭ ساۋاپتى ىستەرىنە جۇر ءدان ريزا.

جۋىردا عانا اۋداندىق ورتالىق اۋرۋحاناعا اتالعان قوردىڭ اتىنان كوروناۆيرۋستى ەمدەۋگە وتە قاجەتتى كيسلورودتى كونسەنترات قۇرالى تابىستالعان بولاتىن. بۇل قانشاما ادامنىڭ ومىرىنە دەگەن ءۇمىت وتى دەپ بىلەمىز.

ەلىمىزدەگى توتەنشە جاعدايعا بايلانىستى تۇرعىنداردىڭ تابىس كوزىنىڭ قىسقارعانى راس. وسى ورايدا از قامتىلعان, كوپبالالى وتباسىلارىنا تۇسكەن سالماقتى جەڭىلدەتۋگە قالا كاسىپكەرلەرى دە قوماقتى ۇلەس قوسىپ كەلەدى. «؛جومارت بەرگەنىن ايتپاس, ەر ايتقانىنان قايتپاس»؛ دەگەندەي, جۇرتقا جاساعان جاقسىلىعىن جاريالاۋماۋدى ءجون سانايتىن ابزال ازاماتتار قانشاما كومەك جاسادى. حالىق قاجەتتىلىگىنە وراي بۇل ىزگىلىكتى شارا ءالى دە ۇيىمداستىرىلىپ كەلەدى. ورتالىق اۋرۋحانا ۇجىمىنىڭ اق حالاتتىلارى «؛شۇعىلا»؛ قورىنىڭ بۇل شۋاقتى ىسىنە العىستارىن ءبىلدىرىپ, قيىن دا جاۋاپتى ىستە قولعابىس ەتكەندەرى ءۇشىن راحمەتتەرىن جەتكىزەدى.