14 قىركۇيەك, 2020 news

قاراعاندى ​​قالاسى اكىمىنىڭ ورىنباسارى 107 ميلليون تەڭگەنى جىمقىردى دەپ ايىپتالۋدا

فوتو: اشىق دەرەككوز

قاراعاندى ​​قالاسى اكىمىنىڭ ورىنباسارى جاقسىلىق شالابەكوۆ 107 ميلليون تەڭگە بيۋدجەت قاراجاتىن جىمقىردى دەگەن كۇدىكپەن ەكى ايعا قاماۋعا الىندى. بۇل تۋرالى vlast.kz ؛تىلشىسى حابارلادى. ؛

قاراعاندى ​​وبلىسى پروكۋراتۋراسىنىڭ حابارلاۋىنشا, "نۇرلى جەر" باعدارلاماسى بويىنشا ءۇي سالۋعا 107 ميلليون تەڭگە بولىنگەن.

پروكۋراتۋرانىڭ رەسمي مالىمدەمەسىندە "جاقسىلىق شالابەكوۆ قازاقستان رەسپۋبليكاسىنىڭ قىلمىستىق كودەكسىنىڭ 189-بابىنىڭ 4-بولىگىندە كورسەتىلگەندەي, ءبىر توپپەن ءسوز بايلاسىپ, قىلمىستىق قۇقىق بۇزۋشىلىق جاساعانى ءۇشىن ايىپتالادى. ياعني, كۇدىكتى 2018 جىلى "نۇرلى جەر" مەملەكەتتىك باعدارلاماسى بويىنشا قاراعاندى ​​قالاسىندا ءىرى پانەلدى تۇرعىن ۇيلەر سالۋعا بولىنگەن بيۋدجەتتىك قاراجاتتى جىمقىرىپ, قىلمىستىق قۇقىق بۇزۋشىلىق جاساۋى مۇمكىن" دەلىنگەن.

سوتتىڭ ماقۇلداۋىمەن اكىم ورىنباسارى ەكى ايعا قاماۋعا الىنعان. تەرگەۋ ءىسى وبلىستىق پروكۋراتۋرا باسشىلىعىنىڭ ەرەكشە باقىلاۋىندا.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر