12 قىركۇيەك, 2020 news

پرايمەريزگە ۇمىتكەرلەر پارتيالاستارىمەن كەزدەسۋلەر وتكىزىپ, باعدارلامالارىن ۇسىنۋدا

فوتو: اشىق دەرەككوز

پرايمەريزگە ۇمىتكەرلەر پارتيالاستارىمەن ونلاين جانە بەتپە-بەت كەزدەسۋلەر وتكىزىپ, بەلسەندى تۇردە ءوز باعدارلامالارىن ۇسىنۋدا. بۇل تۋرالى نۇر وتان پارتياسىنىڭ حاتشىسى الىبەك الدەنەي الەۋمەتتىك جەلىدەگى پاراقشاسىندا جازدى.

"پرايمەريزدىڭ ۇگىت-ناسيحات كەزەڭى ءوتىپ جاتقانىنا بەس كۇن بولدى. الدىن الا تالقىلاپ, ۇسىنىستار ەنگىزۋ ءۇشىن وڭىرلەردىڭ سايلاۋالدى باعدارلامالارىن قامتىعان 216 جوبا جاريالاندى. ۇمىتكەرلەر پارتيالاستارىمەن ونلاين جانە بەتپە-بەت كەزدەسۋلەر وتكىزىپ, بەلسەندى تۇردە ءوز باعدارلامالارىن ۇسىنۋدا. مۇنىڭ ءبارى ەل ازاماتتارىنىڭ اراسىندا ەرەكشە قىزىعۋشىلىق تۋدىرىپ جاتقانى بايقالادى. ءبىرى ۇمىتكەرلەرگە ساتتىلىك تىلەپ, قولداۋ ءبىلدىرىپ جاتسا, ەندى ءبىرى كۇماندانىپ, سىن ايتۋدا.

مۇنداي بەلسەندىلىك قۇپتايتىنداي جاعداي. ساياساتتىڭ نەگىزى &ndash؛ مامىلەگەرلىك. ءتۇرلى وي-پىكىرلەردىڭ تارتىستى باسەكەسىندە عانا كەلەلى وي, كەمەل يدەيالار تۋىندايدى. مۇنى ساياساتتىڭ, دەموكراتيانىڭ شىنايى قاعيداسى دەر ەدىم.

ەندى پرايمەريزگە قاتىستى تۋىنداپ جاتقان ءبىرقاتار ساۋالدارعا جاۋاپ بەرىپ وتسەم دەيمىن.

بىرىنشى. پرايمەريز &ndash؛ پارتيانىڭ ىشكى جۇمىسى جانە ول «؛nur otan»؛ پارتياسىنىڭ ىشكى قۇجاتتارىنا نەگىزدەلگەن. ەلىمىزدەگى كەز كەلگەن ساياسي پارتيا وسى سەكىلدى پرايمەريز وتكىزۋگە قۇقىلى.
قازىرگى تاڭدا پرايمەريز وتكىزۋ ءتارتىبى قازاقستاندىق زاڭنامادا ارنايى بەكىتىلمەگەن. جالپى, بۇل &ndash؛ كەڭ تارالعان حالىقارالىق تاجىريبە. ايتالىق, كانادادا, فرانسيادا, يتاليادا, وڭتۇستىك كورەيادا, مەكسيكادا, يرلانديادا پارتيالار پرايمەريز وتكىزۋدىڭ مەحانيزمىن, قاعيدالارى مەن ءادىس-تاسىلىن ىشكى قۇجاتتار نەگىزىندە وزدەرى ازىرلەيدى.

پرايمەريزدى قارجىلاندىرۋ ماسەلەسىنە تاعى دا توقتالا كەتەيىن. بارلىق ۇيىمداستىرۋ شىعىندارىنا پارتيانىڭ ءوز قاراجاتى جۇمسالادى, ونىڭ ىشىندە مۇشەلىك جارنادان تۇسكەن. ال ۇمىتكەرلەر ۇگىت-ناسيحات جۇمىستارىن ءوز قارجىسىنا ۇيىمداستىرادى.

ەكىنشى. بۇگىندە «؛nur otan»؛ پارتياسى ەلىمىز بويىنشا 835 مىڭنان استام ادامدى بىرىكتىرىپ وتىر. پارتيا اشىق تا جاريالى باسەكەدە ناعىز جوعارى دەڭگەيلى كانديداتتاردى ىرىكتەپ الۋعا مۇددەلى. ءبىز پارتيالاستارىمىز ءۇشىن پرايمەريزگە قاتىستى بارلىق راسىمدەردىڭ تۇسىنىكتى ءارى قولجەتىمدى بولعانىن قالايمىز. ەڭ باستىسى, قاتىسۋشىلاردىڭ ءبارىنىڭ مۇمكىندىگى تەڭ بولۋى ءتيىس.

وسى ورايدا, پارتيانىڭ جارعىسى مەن ماقسات-مىندەتتەرىنە نەگىزدەلىپ پرايمەريز وتكىزۋدىڭ ارنايى ەرەجەلەرى ازىرلەنگەن بولاتىن. ول ايماقتىق اكتيۆتەردە جان-جاقتى تالقىلاۋلاردان ءوتىپ, پارتيانىڭ ساياسي كەڭەسىندە داۋىس بەرۋ ارقىلى بەكىتىلدى.

ۇشىنشى. پاندەمياعا بايلانىستى پرايمەريزدە ەلەكتروندى داۋىس بەرۋ ءتارتىبى ەنگىزىلدى. بارلىق تاۋەكەلدەردى سارالاي كەلە پارتيا قۇقىقتىق جانە تەحنيكالىق ماسەلەلەردى وڭتايلاندىردى. بانكتەگىدەي جسن مەن تەلەفون نومىرىنە بايلانىستىرا وتىرىپ سمس حابارلاما الۋ ارقىلى تەكسەرۋ جۇيەسى ەنگىزىلدى.

اقپاراتتىق-كوممۋنيكاسيا تەحنولوگيالارىنا باسىمدىق بەرىلىپ وتىر. پارتيالاستارمەن كەزدەسۋ, دەباتتار كوبىنە ونلاين فورماتتا وتەدى. ساقتىق ءۇشىن كۇندەلىكتى قولعاپ, ماسكا, انتيسەپتيكتەر قولدانىلادى. ءىس-شارالار جەلدەتىلەتىن بولمەلەردە, الەۋمەتتىك ارا-قاشىقتىقتى ساقتاۋ ارقىلى وتۋدە. ەلىمىزدىڭ باس سانيتارلىق دارىگەرىنىڭ ماقۇلداۋىمەن ءتيىستى رەگلامەنت قابىلداندى.

تورتىنشى. پارتياىشىلىك ىرىكتەۋ وتكىزۋ كەزىندە پارتياعا ۇگىت-ناسيحات جۇرگىزۋگە قانداي دا ءبىر باسىمدىق بەرىلىپ, سايلاۋ زاڭناماسىنا قايشى كەلەتىن جايتتار جايلى پىكىرلەر ايتىلۋدا. بۇل قۇقىقتىق جاعىنان جاڭساق پىكىر دەر ەدىم. «؛قازاقستان رەسپۋبليكاسىنداعى سايلاۋ تۋرالى»؛ قر كونستيتۋسيالىق زاڭىندا كورسەتىلگەن نورمالار, ونىڭ ىشىندە باق-تا ۇگىت-ناسيحات جۇرگىزۋگە تەڭدەي قۇقىق بەرەتىن تالاپ مەملەكەت بەكىتكەن سايلاۋ ناۋقانى كەزىندە عانا كۇشىنە ەنەدى. ءارى ونىڭ ءتارتىبى زاڭدا انىق كورسەتىلگەن. بۇل ماسەلە جونىندە قر باس پروكۋرورىنىڭ ورىنباسارى مارات احمەتجانوۆ 8 قىركۇيەكتە ورتالىق كوممۋنيكاسيالار قىزمەتىندە وتكەن بريفينگتە ەگجەي-تەگجەيلى ءتۇسىندىرىپ بەرگەن بولاتىن.

اقپارات قۇرالدارى ساياسي پارتيالاردىڭ قىزمەتى مەن باسقا دا ماسەلەلەر جونىندە ولاردىڭ ساياسي بەلسەندىلىگىنە, تاقىرىپتاردىڭ وزەكتىلىگى مەن ءوز اۋديتورياسىن قىزىقتىراتىن ماسەلەلەرگە قاراي اقپاراتتاندىراتىنى انىق. سول ءۇشىن پارتيالار تەك سايلاۋ كەزىندە ەمەس, بارلىق كەزدە دە تۇراقتى ءارى جۇيەلى جۇمىس ىستەۋى كەرەك.

پرايمەريز وتكىزۋ ارقىلى «؛nur otan»؛ كەڭ اۋقىمدا قوعامدىق ديسكۋسسيا قۇرا ءبىلدى. بۇگىندە بيلىكتىڭ زاڭ شىعارۋشى جانە وكىلەتتى ورگاندارىنىڭ تيىمدىلىگىن ارتتىرۋ ماسەلەسى وتە وزەكتى بولىپ وتىر. بۇل تۇرعىدا ەلىمىزدەگى جەتەكشى ساياسي كۇش رەتىندە «؛nur otan»؛ پارتياسىنىڭ جاڭا كوشباسشىلاردى انىقتاپ, تىڭ يدەيالاردى ۇسىنۋعا مۇمكىندىگى مول ەكەنى ءسوزسىز. پرايمەريزگە قاتىسىپ جاتقان ادامنىڭ سانى وسىعان ناقتى دالەل بولا الادى. كوپتەگەن ازاماتتار وسى ءۇشىن پارتيا قاتارىنا كىردى, ونىڭ ىشىندە باسقا پارتيادان اۋىسقاندارى دا بار.

پرايمەريزدىڭ ۇگىت-ناسيحات كەزەڭى ءالى ءۇش اپتادان استام ۋاقىت وتكىزىلەتىن بولادى. ولار مازمۇندى ءوتىپ, قوعام مەن ناقتى وڭىرلەر بويىنشا وزەكتى ماسەلەلەردى تالقىلاۋعا مۇمكىندىك تۋعىزادى دەگەن سەنىمدەمىن.

سونداي-اق, فەيسبۋك ارقىلى بارشاڭىزدى وڭىرلەردىڭ سايلاۋالدى باعدارلاماسىن قامتىعان 216 جوبا بويىنشا بەلسەندى تۇردە پىكىر بىلدىرۋگە شاقىرامىن (https://primaries.kz/page/programmy-regionov). اتالعان جوبالار ءاربىر اۋدان, قالا, وبلىستىڭ الداعى بەس جىلعا جوسپارلانعان دامۋ باعىتىن ايقىندايدى.

جۇرتشىلىقپەن بەلسەندى كەرى بايلانىس بۇل جوبالاردى جان-جاقتى تولىقتىرۋعا, قوردالانعان ماسەلەلەردى بارىنشا قامتۋعا جانە ۇتىمدى شەشىم قابىلداۋعا مۇمكىندىك بەرەتىنى انىق" دەلىنگەن الەۋمەتتىك جەلىدەگى پاراقشاسىندا.

ىلمەك سوزدەر: پرايمەريز قازاقستان

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر