مەملەكەت باسشىسىنا ءوڭىردىڭ الەۋمەتتىك-ەكونوميكالىق دامۋى, سونىمەن قاتار, پرەزيدەنتتىڭ قازاقستان حالقىنا جولداۋىندا قويىلعان مىندەتتەردى جۇزەگە اسىرۋ جوسپارى تانىستىرىلدى.
كەزدەسۋدە تۇرعىنداردى جۇمىسپەن قامتۋ ماسەلەلەرىنە باسا نازار اۋدارىلدى. ايماقتا جاڭادان 26,7 جۇمىس ورنى اشىلعان. داعدارىسقا قارسى ءىس-شارالار مەن مەملەكەتتىك جانە ايماقتىق ءارتۇرلى باعدارلامالار اياسىندا 1370 جوبانى ىسكە اسىرۋعا 142 ميلليارد تەڭگە باعىتتالدى. وسى جوبالاردى جۇزەگە اسىرۋ ارقىلى وبلىس تۇرعىندارىن تازا اۋىز سۋمەن قامتاماسىز ەتۋ ۇلەسى 72%-دان 77,1% -عا, گازبەن قامتۋ 74,2%-دان 85,9%-عا ارتادى.
قاسىم-جومارت توقاەۆقا قورداي اۋدانىنداعى احۋال تۋرالى دا باياندالدى. وبلىس اكىمى بەردىبەك ساپارباەۆتىڭ ايتۋىنشا, قازىرگى ۋاقىتتا جاعداي تۇراقتى. بيىل اۋداندا تۇرعىن ءۇي جانە جول قۇرىلىسى, ءبىلىم بەرۋ, مەديسينا, مادەنيەت جانە سپورت سالاسىندا جالپى سوماسى 31,7 ميلليارد تەڭگەگە 336 جوبا ىسكە اسىرىلعان.
تۇرعىن ۇيلەر مەن كوممەرسيالىق نىسانداردى قايتا قالپىنا كەلتىرۋ ماسەلەلەرى قاتاڭ باقىلاۋدا. قايىرىمدىلىق قورلارىمەن 311 ميلليون تەڭگە جينالىپ, 41 تۇرعىن جانە 13 كوممەرسيالىق نىسان قالپىنا كەلتىرىلگەن. سونىمەن قاتار قاتتى زارداپ شەكپەگەن 103 نىسانعا جوندەۋ جۇمىستارى وتكىزىلگەن. ؛
پرەزيدەنتتىڭ تاپسىرماسىنا سايكەس, كوروناۆيرۋستىڭ بولۋى ىقتيمال ەكىنشى تولقىنىنا دايىندىق جۇمىستارى ءجۇرىپ جاتىر. اۋرۋحانالارداعى توسەك-ورىن كولەمى 2530 ورىنعا ارتقان. پاندەميامەن كۇرەسكە 8,1 ميلليارد تەڭگە ءبولىنىپ, دارى-دارمەكتەردىڭ ەكى ايعا جەتكىلىكتى قورى جاساقتالعان.
پىكىر قالدىرۋ
پىكىر