10 قىركۇيەك, 2020 الماتى وبلىسى

تالدىقورعاندا 200 وتباسىنا ازىق-تۇلىك تابىستالدى

فوتو: ازىق-تۇلىك تابىستاۋ كەزىندە تۇسىرىلگەن

تالدىقورعانداعى ورتالىق يمان مەشىتىندە تۇرمىسىندا قيىنشىلىعى بار 200 وتباسىنا ءتۇرلى ازىق-تۇلىك تابىس ەتىلدى. قايىرىمدىلىق ؛ شاراسىن ايگىلى اتىمتاي جومارت ؛ قۇرمەت وردەنىنىڭ يەگەرى, باتىر انا ءبيبى-جامال ابدىمالىكقىزىنىڭ ۇرپاقتارى ۇيىمداستىرعان.

ەكىنشى دۇنيەجۇزىلىك سوعىس باستالعان جىلى 2 ناۋرىزدا دۇنيەگە كەلگەن باتىر انا ءوز كىندىگىنەن تاراعان ون بالاعا قوسىپ, جۇزدەگەن جەتكىنشەكتى باۋىرىنا باسىپ, ءوسىرىپ جەتىلدىرگەن. ءبيبى-جامال ابدىمالىكقىزىنىڭ ەسىمى ارىس وقيعاسى كەزىندە جاساعان قايىرىمدىلىعىمەن كوپكە ءمالىم بولدى. تىرىسىندە الەۋمەتتىك جاعدايى تومەن 67 وتباسىعا ءۇي اپەرىپ, قاجىلىق جاساعىسى كەلەتىن 80 ادامنىڭ جول شىعىنىن ءوزى كوتەرگەن ەل اناسى قازاقستان مۇسىلماندارى ءدىني باسقارماسى جىل سايىن ۇيىمداستىراتىن رەسپۋبليكالىق قۇران جارىسىنا قاتىسۋشىلار مەن جۇلدەگەرلەرىنە باعالى سىيلىق ۇلەستىرىپ, قۇران جاتتاۋعا قۇمارتقان جاس ۇرپاقتىڭ قىزىعۋشىلىعىن وياتقانى بەلگىلى. ەل باسىنا كۇن تۋعان قيىن كۇندەردە العاشقىلاردىڭ قاتارىندا كومەك قولىن سوزۋدان تانباعان جامال ابدىمالىكقىزى قىزىلاعاش اۋىلى پەن ماقتاارال اۋداندارىنداعى سۋ تاسقىنى كەزىندە حالىقتىڭ قاسىنان تابىلىپ, دەمەۋ بولدى.

وتكەن ايدىڭ 1 كۇنى كەلمەستىڭ كەمەسىنە ءمىنىپ, باقيعا اتتانعان مارقۇمنىڭ قىرقىنا وراي قازاقستان مۇسىلماندارى ءدىني باسقارماسى رەسپۋبليكالىق دەڭگەيدە قايىرىمدىلىق شارالارىن ۇيىمداستىرىپ, وبلىس ورتالىقتارىندا 300-دەن, نۇر-سۇلتان مەن الماتى قالالارىندا 500-دەن, بارلىعى 6300 وتباسىعا ازىق-تۇلىك تاراتۋ ءىسىن قولعا الۋدا. اتالعان شاراعا ءبيبى-جامال اپانىڭ ۇرپاقتارى دەمەۋشىلىك جاساپ وتىر. وسىعان وراي تالدىقورعان قالاسىنداعى ورتالىق «؛يمان»؛ مەشىتىندە قالاداعى 200 وتباسىنا ازىق-تۇلىك سەبەتىن تاراتىپ, كوپشىلىكتىڭ قۋانىشىن ەسەلەدى. قازىرگىدەي كارانتين شارالارىنا بايلانىستى مەشىت اۋلاسىندا وتكىزىلگەن شارادا ءسوز العان قازاقستان مۇسىلماندارى ءدىني باسقارماسىنىڭ تالدىقورعان وڭىرلىك وكىل يمامى ارداق ورازباەۆ قايىرىمدىلىق شاراسىنىڭ سەبەبىن ءتۇسىندىرىپ ءوتتى.

&ndash؛ پايعامبارىمىزدىڭ (س.ع.س.) «؛مۇمىندەر ءوزارا سۇيىسپەنشىلىكتە, راقىمدىلىقتا جانە جاناشىرلىقتا ءبىر دەنەگە ۇقسايدى. ونىڭ ءبىر اعزاسى اۋىرعاندا, دەنەنىڭ قالعان بولىكتەرى دە ۇيقىسىزدىق پەن دەنە قىزۋىنا ءتۇسىپ قوسارلانادى»؛, &ndash؛ دەگەن ءحاديسى بار ەمەس پە؟! جامال اپا ءدال سونداي جان ەدى, &ndash؛ دەگەن ارداق ءنۇسىپحانۇلى مارقۇمنىڭ جاساعان جاقسىلىعىن تانىستىرىپ ءوتتى. &ndash؛ جۇرتىمىزدا كەلەڭسىزدىك پەن اپاتتى جاعداي ورىن السا ۇيىندە قول قۋسىرىپ قاراپ وتىرا المايتىن. كەيدە اپاتتى ايماققا بالالارىنا ەسكەرتپەي شىعىپ كەتەتىن. سولاردىڭ قاتارىندا جامال اپا ارىس قالاسىنداعى جارىلىستان, قىزىلاعاش پەن ماقتارالداعى سۋ تاسقىنىنان, جامبىل وبلىسىنداعى تابيعي اپاتتان زارداپ شەككەن تۇرعىندارعا العاشقى ۋاقىتتا الەۋمەتتىك كومەگىن ارقالاپ اپارىپ, وتانداستاردىڭ جانىنا تابىلدى. قاتتى زارداپ شەككەندەرگە باسپانا سالىپ بەرۋگە اتسالىسىپ, قارجىلاي كومەگىن ۇلەستىرىپ قايتاتىن. سونداي-اق, اپامىز ەلىمىزدەگى 5 مەشىتتى تۇرعىزىپ, كوپتەگەن مەشىتتىڭ قۇرىلىسىنا قوسىمشا قولعابىس تيگىزدى. شالعايداعى 6 ەلدى مەكەنگە تابيعي گاز قۇبىرى تارتىلۋىن قارجىلاندىرىپ, سول اۋىلدارداعى ونداعان كوشەنىڭ سالىنىپ, اباتتانۋىنا قامقورلىق جاسادى. ءتىپتى, ۇيلەنۋگە جاعدايى كەلمەي جۇرگەن جاستاردىڭ باس قوسۋىنا جاردەمدەسىپ, قۇدالىعى مەن تويىن جاساپ بەرگەنى, تۇرمىسقا قاجەتتى زاتتارىن اپەرگەنى شىندىق. بۇگىنگى كۇنى جامال اپانىڭ اق باتاسىمەن شاڭىراق كوتەرگەن 63 وتباسى اسىل انانىڭ قامقورلىعىن ريزاشىلىقپەن ەسكە الادى. ودان بولەك, بالالار ۇيىنە, مەدرەسە مەن مەكتەپتەرگە, اۋرۋحانالارعا, ناۋقاستار مەن مۇگەدەكتەرگە, مۇقتاج جاندارعا قولىنان كەلگەن كومەگىن اياماعان باتىر انانىڭ رۋحىنا باعىشتالعان ساۋاپتى ىسكە جاراتقان اللا رازى بولسىن!

بيبى-جامال انانىڭ ۇرپاقتارى ەلىمىزدىڭ ءار وبلىسىنان 6300 جانۇياعا ازىق-تۇلىك تاراتىپ, جوق-جىتىك ادامدارعا كومەك كورسەتۋدى ؛ قولعا العان.

ىلمەك سوزدەر: ازىق-تۇلىك

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر