دەربەس كومپيۋتەرلەر تابىستالدى

جاڭا وقۋ جىلى قاشىقتان وقىتۋ رەجيمىندە باستالدى. ءبىراق, شالعاي اۋىلداردا تۇراتىن كەيبىر وتباسىلاردىڭ ۇيىندە ينتەرنەت تۇرماق كومپيۋتەر دە جوق. وسىعان وراي, وبلىسىمىزدا الەۋمەتتىك از قامتىلعان وتباسىلاردىڭ بالالارىنا قاشىقتان وقۋعا جاعداي جاساۋ ماقساتىندا 55 مىڭنان استام دەربەس كومپيۋتەر ساتىپ الىنادى.

تەحنيكالىق قۇرالداردىڭ العاشقى بولىگى تالدىقورعان قالاسىنداعى پوليتەحنيكالىق كوللەدجىنە جەتكىزىلدى. رەسپۋبليكالىق بيۋدجەتتەن بولىنگەن دەربەس كومپيۋتەرلەردى ارنايى قۇرىلعان كوميسسيا مۇشەلەرى قابىلداپ الدى.

شارا بارىسىندا وبلىستىق ءبىلىم باسقارماسىنىڭ باسشىسى مايگۇل وماروۆا:

&ndash؛ قاشىقتىقتان ءبىلىم الۋ ۋاقىت تالابى. دەسە دە ءبىز از قامتىلعان وتباسىلاردى ويلاۋىمىز كەرەك. سوندىقتان ءبىرىنشى كەزەكتە كومپيۋتەرلەر ءار اۋدان-قالالارداعى از قامتىلعان وتباسىلارعا بەرىلەدى. كومپيۋتەرلەردى كەزەڭ-كەزەڭىمەن جەتكىزۋ جۇمىستارى جالعاسىپ جاتىر. بۇگىن العاشقى بولىگىن الدىق. بۇلدىرشىندەرىمىزگە, بولاشاق ءبىلىمدى جاستارعا بارلىق جاعداي جاسالىپ جاتقانىنا شىن جۇرەكتەن قۋانىشتىمىز! قاجەتتى تەحنيكا بارلىق اۋدان-قالالارعا بەرىلەتىن بولادى, &ndash؛ دەدى.

كومپيۋتەر, نوۋتبۋك جانە پلانشەت سياقتى قاجەتتى تەحنيكالار ساتىپ الۋعا رەسپۋبليكالىق بيۋدجەتتەن 8,6 ملرد. تەڭگەدەن استام قارجى بولىنگەن. ايتا كەتەيىك بۇل تەحنيكالار وتاندىق «؛اتەكا»؛ كومپانياسىنان الىندى. بۇل كومپتەرلەردىڭ ەرەكشەلىگى &ndash؛ «؛wi-fi»؛ اداپتەرلەرى بار. ياعني, ەندى وقۋشالارعا ينتەرنەت تاپشى ەمەس. تەحنيكالىق قۇرالداردىڭ العاشقى بولىگى اقسۋ, قاراتال اۋداندارى مەن تالدىقورعان قالاسىنىڭ وقۋشىلارىنا بەرىلدى. الداعى اپتادا تەحنيكالىق قۇرىلعىلاردىڭ تاعى ءبىر بولىگى كەلەدى دەپ جوسپارلانۋدا.