"؛قارجى قايدا كەتتى؟"؛. دەپۋتات ءبىلىم مينيسترلىگىنىڭ جۇمىسىن تەكسەرۋ كەرەكتىگىن ايتتى

پارلامەنت ءماجىلىسىنىڭ دەپۋتاتى دانيا ەسپاەۆا ءبىلىم جانە عىلىم مينيسترلىگىنىڭ قارجىلىق قىزمەتىن تەكسەرۋ, قاشىقتان وقىتۋدى ۇيىمداستىرۋعا بولىنگەن قارجىنىڭ جۇمسالۋىن تەكسەرۋ ماسەلەسىن كوتەردى. بۇل تۋرالى ءول ؛ماجىلىستىڭ جالپى وتىرىسىندا ايتتى.

&ndash؛ ؛جازدا ءبىلىم ءمينيسترى ايماعامبەتوۆ جاڭا وقۋ جىلىندا قاشىقتان ءبىلىم بەرۋ جاعىنان قيىندىق بولمايدى دەپ سەندىرگەن. الايدا "اقجول" فراكسياسىنىڭ دەپۋتاتتارى وڭىرلەردى ارالاپ شىققاننان كەيىن شىلدە ايىندا مينيسترگە تاعى ۇندەۋ جولداپ, جاعدايدىڭ تۇزەلمەگەنىن جەتكىزگەن. كوپبالالى وتباسىلاردىڭ بالالارى ءبىر سمارتفونعا تالاسىپ, ساباق وقىپ ءجۇر. شالعاي جاتقان ەلدى مەكەندەر بىلاي تۇرسىن, تامىز ايىندا قاسكەلەڭ قالاسىنىڭ اتا-انالارى ينتەرنەتتىڭ جوقتىعىنا شاعىمدانعان. ولار الماتى قالاسىنان نەبارى 24 شاقىرىم شالعاي جەردە تۇرادى. جاڭا وقۋ جىلى باستالعان بويدا الەۋمەتتىك جەلىلەردە وسى ىسپەتتى پروبلەمالار كوبەيىپ كەتتى. سوندا مەملەكەتتەن بولىنگەن قارجى قايدا كەتتى؟. 2016 جىلدان بەرى ءبىلىم بەرۋ سالاسىنا رەسپۋبليكالىق بيۋدجەتتەن شامامەن 28 ميلليارد تەڭگەگە ترانسفەرتتەر ءبولىندى. سونىڭ ىشىندە 6 152 مەكتەپكە مۋلتيمەديالىق قۇرال-جابدىقتاردى ساتىپ الۋعا ؛&ndash؛ 12 ميلليارد تەڭگە, 7 160 مەكتەپتى جوعارى جىلدامدىقتى ينتەرنەتپەن قامتاماسىز ەتۋگە &ndash؛ 16,5 ميلليارد تەڭگە, بۇدان بولەك, سيفرلىق ءبىلىم بەرۋ رەسۋرستارىنا قوسىلۋ ءۇشىن قىرۋار قارجى جۇمسالدى, &ndash؛ دەيدى پارلامەنت ءماجىلىسىنىڭ دەپۋتاتى.

دەپۋتات مينيسترلىكتىڭ دۇنيەجۇزىلىك بانكتەن قارىز العانىن دا, ول قارجىعا قالا مەن اۋىل مەكتەپتەرىنىڭ دەيگەيىن تەڭەستىرۋ كوزدەلگەنىن, الايدا جۇمىستىڭ باستالماعانىن اتاپ ءوتتى.

&ndash؛ 2017 جىلى ءبىلىم جانە عىلىم مينيسترلىگىنىڭ باستاماسىمەن بانكتەن 67,5 ميلليون تەڭگە قارىزعا الىنعان بولاتىن. جوبانىڭ اتاۋى &ndash؛ "ورتا ءبىلىمدى جاڭعىرتۋ". ال نەگىزگى ماقساتى &ndash؛ قالا مەن اۋىل مەكتەپتەرىنىڭ ءبىلىم بەرۋ دەڭگەيىن تەڭەستىرۋ. وسىلايشا, 5 مىڭ مەكتەپتى مۋلتيمەديالىق قۇرال-جابدىقتارمەن قامتاماسىز ەتۋگە شەشىم قابىلداندى. اۋىل مەكتەپتەرىنىڭ بارلىعىنا كومپيۋتەرلەر مەن كەڭسە تەحنيكاسى جەتكىزىلەدى دەگەن جوسپار بولعان. ال, ەڭ باستىسى, ينتەرنەت جىلدامدىعى باياۋ مەكتەپتەرگە قوسىمشا سىمسىز بايلانىس قۇرالدارىن ورناتۋ كوزدەلگەن.

قولدا بار مالىمەتكە سايكەس, وسى جوبانىڭ بىردە-بىر باعىتى بويىنشا كونكۋرس جاريالانعان جوق. ال كومپيۋتەرلەر مەن ينتەرنەت قۇرالدارىن ساتىپ الۋعا قاتىستى تەحنيكالىق تاپسىرما دا ازىرلەنبەپتى. سوعان قاراماستان, قازاقستان ءۇش جىل بويى قارىزدى رەزەرۆتەۋ ءۇشىن كوميسسيانى تولەپ كەلەدى. ول شامامەن 160 مىڭ دوللار. سەبەبى ءبىلىم جانە عىلىم مينيسترلىگى ءتيىستى جۇمىستى باستاعان جوق.

دۇنيەجۇزىلىك بانكتەن الىنعان قارجى يگەرىلمەسە دە, شىلدە ايىندا ءبىلىم جانە عىلىم مينيسترلىگى ۇكىمەتتەن قوسىمشا 74,2 ميلليارد تەڭگە سۇراعان. وسى قارجىعا مەكتەپتەردى ونلاين ساباقتارعا قاجەتتى سيفرلىق تەحنولوگيالارمەن قامتاماسىز ەتۋ جوسپارلانعان.