09 قىركۇيەك, 2020 news
فوتو: اشىق دەرەككوز
تارباعاتاي اۋدانىنداعى بۇرىنعى اۋرۋحانا عيماراتىنا كۇردەلى جوندەۋ جۇمىستارى جۇرگىزىلەدى. باستى ماقسات - وسىدان 9 جىل بۇرىن وسى جەردەن باسپانا العان تۇرعىنداردىڭ جايلى ورىندا ءومىر ءسۇرۋى.
اۋدانداعى تۇرعىن ءۇي ماسەلەسى 2011 جىلى «؛ەرەكشە»؛ تاسەلىمەن شەشىلگەن. ءسويتىپ, اۋرۋحانا عيماراتى جوندەلىپ, تۇرعىن ءۇي كەزەگىندە تۇرعان ادامدارعا باسپانا رەتىندە بەرىلگەن.
بۇگىندە بۇل عيماراتتا 14 كوپبالالى وتباسى تۇرادى. عيمارات بولسا, جوندەۋدى تالاپ ەتەدى. شقو اكىمى دانيال احمەتوۆ تارباعاتاي اۋدانىنا ؛ جۇمىس ساپارى بارىسىندا وسى تۇرعىن ءۇيدىڭ يەلەرىمەن كەزدەستى. باسقوسۋ بارىسىندا ايماق باسشىسى وبلىستىق بيۋدجەت ەسەبىنەن قاراجات ءبولىنىپ, مۇندا جوندەۋ جۇمىستارى جۇرگىزىلىپ, اۋلا اباتتاندىرىلىپ, بارلىق كوممۋنيكاسيالىق جەلىلەر جاڭارتىلاتىنىن اتاپ ءوتتى. وسى باعىتتاعى جۇمىستاردى تارباعاتاي اۋدانىنىڭ جاڭا اكىمى اسحات يسمايلوۆ باقىلاۋدا ۇستايتىن بولادى.
بۇل كوپقاباتتى تۇرعىن ءۇيدىڭ يەلەرى اباتتاندىرۋ جۇمىستارىنا بىرگە قولعابىس ەتەتىندەرىن ايتىپ, ايماق باسشىسىنا العىستارىن ءبىلدىردى.
«؛كوپبالالى وتباسىلار جەكە قاراجاتتارى ەسەبىنەن مۇنداي كۇردەلى جوندەۋ جۇمىستارىن جۇرگىزە المايدى. سوندىقتان ءبىز الداعى ۋاقىتتا ولاردىڭ تۇرعىن ۇيلەرى قايتا قالپىنا كەلتىرىلەتىنىنە قۋانىشتىمىز. جوندەۋ جۇمىستارى اياقتالعان سوڭ وسى اۋلادا مەرەكە ۇيىمداستىرامىز»؛, - دەدى دانيال احمەتوۆ.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر