04 قىركۇيەك, 2020 news
فوتو: شقو اقپارات ورتالىعى
قر پرەمەر-مينيسترى جۇمىس ساپارى بارىسىندا تاياۋ كۇندەرى حالىقارالىق ستاندارتتارعا سايكەس جابدىقتالاتىن جەڭىل اتلەتيكا مانەجىنە بارىپ قايتتى.
ولگا رىپاكوۆا اتىنداعى جەڭىل اتلەتيكا مانەجىندە جاقىندا قوسىمشا كورپۋس سالىنادى. وندا سپورتشىلارعا جارىستارعا دايىندالۋ ءۇشىن بارلىق جاعداي جاسالادى. ؛
جاتتىعۋ جاسايتىن زونا ايماق باسشىسى دانيال احمەتوۆتىڭ تاپسىرماسىمەن سالىنۋدا. ايتا كەتەيىك, وبلىس اكىمى ۇنەمى شىعىس قازاقستان وبلىسىنداعى عانا ەمەس, ەلىمىزدەگى جەڭىل اتلەتيكا سالاسىنىڭ دامۋىنا قولداۋ بىلدىرۋدە.
پرەمەر مينيستر اتالمىش زونانىڭ پرەزەنتاسياسىمەن تانىستى. زونادا 8 جولاق بولادى. مۇندا قىس مەزگىلىندە دە 100 مەترگە دەيىنگى قاشىقتىققا جۇگىرۋ بويىنشا دايىندالۋعا جاعداي جاسالماق. بۇدان بولەك, ۇزىندىققا جانە بيىكتىككە سەكىرۋ, سونداي-اق لاقتىرۋ سپورتى بويىنشا ازىرلەنۋگە ارنالعان سەكتورلار قاراستىرىلعان. وليمپيادا چەمپيونى ولگا رىپاكوۆانىڭ ايتۋىنشا, وسكەمەندەگى جەڭىل اتلەكتيكا مانەجىنە باس سۇققان ەۋروپادان كەلگەن جاتتىقتىرۋشى-كەڭەسشى مۇنداي نىساننىڭ بىردە ءبىر انالوگى جوق ەكەنىن ايتقان. ؛
كوپ جاعدايدا جارىس كەزىندە مانەجدەردى قۇرادى. ال كەيىننەن سايىس بىتكەن سوڭ جيناپ تاستايدى. ءبىزدىڭ جاعدايدا, جاڭا كورپۋستىڭ مانەجىندە تاعى ءبىر قوسىمشا جاتتىعۋ زالى مەن مەديسينا ماماندارىنا ارنالعان كابينەتتەر بار. بۇل سپورتشىلاردىڭ مۇندا جاتتىعىپ قانا قويماي, وڭالتۋدان وتۋگە مۇمكىندىكتەرى دە بار ەكەنىن بىلدىرەدى.
بۇدان بولەك, مانەجدە ارنايى لاقتىرۋ الاڭى اشىلادى دەپ كۇتىلۋدە. قازىرگى ۋاقىتتا بۇل قازاقستانداعى جارىس وتكىزەتىن جانە جاتتىعۋ جاساۋعا ارنالعان, سونداي-اق ستاسيونارلىق كومەك بەرەتىن جالعىز مەكەمە. تاياۋ شەتەلدەردەن مۇنداي حالىقارالىق ستاندارتتارعا سايكەس تولىق جابدىقتالعان سپورتتىق كەشەندى تابۋ مۇمكىن ەمەس.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر