قر مەملەكەتتىك حاتشىسى سەمەيدەگى اباي اتىنداعى مۋزەيگە بارىپ قايتتى

قر مەملەكەتتىك حاتشىسى قىرىمبەك كوشەرباەۆ باستاپ كەلگەن ابايدىڭ 175 جىلدىق مەرەيتويىن دايىنداۋ جانە وتكىزۋ جونىندەگى مەملەكەتتىك كوميسسيا مۇشەلەرى اباي اتىنداعى تاريحي-مادەني جانە ادەبي-مەموريالدىق مۋزەي-قورىعىنا اتباسىن بۇردى.

مۋزەي ديرەكتورى تۇردىقۇل شانباي قوناقتاردى جەرگىلىكتى مادەني مۇرامەن تانىستىرىپ, ەكسكۋرسيا جاسادى. سونداي-اق ول مۇندا جۇرگىزىلگەن قايتا جوندەۋ جۇمىستارىنىڭ ناتيجەسىن دە كورسەتتى.

مۇندا جازۋشىنىڭ بالالىق شاعى مەن شىعارماشىلىعىنان سىر شەرتەتىن بىرەگەي جادىگەرلەر ساقتالعان. سونىمەن قاتار ۇلى اقىننىڭ مۋزىكالىق اسپاپتارى دا كورمە زالىنان ويىپ تۇرىپ ورىن العان. ۇلى ويشىلدىڭ 175 جىلدىق مەرەيتويىنا وراي مۋزەيدىڭ زالدارىنا قايتا جوندەۋ جۇمىستارى جۇرگىزىلىپ, نىساننىڭ اينالاسى اباتتاندىرىلدى. مۋزەيدە زاماناۋي تەحنولوگيالار قولدانىلادى. وعان سەمەي تۇرعىندارى جوعارى باعا بەرەتىنى ءسوزسىز.

&ndash؛ ۇلى اقىننىڭ 175 جىلدىق مەرەيتويىنا وراي قۇرىلىس-جوندەۋ جۇمىستارى جۇرگىزىلدى. بۇل اتقارىلعان شارۋانىڭ ءبىر پاراسى عانا. ماعان ءبىزدىڭ مۋزەيدى كورسەتۋ ۇلكەن قۋانىش. اباي قۇنانباي &ndash؛ قازاقتىڭ ۇلى اقىنى, قازاق جازبا ادەبيەتىنىڭ نەگىزىن قالاۋشى. ءبىزدىڭ جەرلەسىمىزدىڭ ەرەكشەلىگى سول, ونىڭ كەلبەتىن بارلىق قىرىنان كورسەتۋگە بولادى, - دەدى مۋزەي ديرەكتورى تۇردىقۇل شانباي. ؛ ؛

مۋزەي قىزمەتكەرلەرى قايتا جاڭارتىلعان مەدرەسە عيماراتىندا ؛ ەكسكۋرسيا جاساتىپ, سول زامانداعى وقۋ سىنىپتارىنىڭ قانداي بولعانىن كورسەتتى.

ەستەرىڭىزگە سالا كەتەيىك, قازاق جازبا ادەبيەتىنىڭ نەگىزىن قالاۋشى, ۇلى اقىننىڭ 95 جىلدىعىنا وراي 1940 جىلى 16 جەلتوقساندا اباي اتىنداعى ادەبي-مەموريالدىق مۋزەيى اشىلدى.