ميتينگ ەل ماسەلەسىن شەشە الا ما؟ ساراپشىلار پىكىرى

قازاقستاندا سوڭعى ۋاقىتتا بەيبىت شەرۋگە شىعاتىن قوعام بەلسەندىلەرى كوبەيدى. بەيبىت شەرۋدىڭ كوبى ءتارتىپ ساقشىلارىنىڭ الاڭعا شىققان نارازى حالىقتى ۇستاپ اكەتىپ, اباقتىعا قاماۋىمەن اياقتالادى. جالپى ميتينگ ەلدەگى قوردالانعان ماسەلەلەردى شەشە الا ما؟ شەرۋگە شىققاندار نەنى ەسكەرۋى كەرەك؟ "قامشى" ءتىلشىسى وسى تۋرالى ساراپشىلار پىكىرىن سۇراپ ءبىلدى.

ساياساتتانۋشى دوس كوشىمنىڭ ايتۋىنشا, قوعام بەلسەندىلەرى سوڭعى ۋاقىتتا ميتينگتى "موداعا" اينالدىرعان.

&ndash؛ ءبىز 90 جىلدارى ميتينگتى ساياسي ءتاسىل ەسەبىندە, بەلگىلى ءبىر قوعامدىق ماسەلەنى قويعان ۋاقىتتاردا سونى كورسەتۋ ءۇشىن, حالىقتى سوعان جۇمىلدىرۋ ءۇشىن پايدالاندىق. مەنىڭ ويىمشا سوڭعى ۋاقىتتا ميتينگتى "موداعا" اينالدىردى. ميتينگكە شىققان ازاماتتار 3-15 كۇن اباقتىعا وتىرعاننان كەيىن وزدەرىن "باتىر" سانايتىن سياقتى. مەن ءوز باسىم بۇل باعىتتى مۇلدەم قولدامايمىن. 15 نەمەسە 5 كۇن قاماۋدا وتىرۋ "باتىرلىق" ەمەس. بيلىكتى وزگەرتۋدىڭ سان ءتۇرلى جولدارى بار. ءبىز سونىڭ ءبارىن پايدالانبايمىز. ونى پايدالانۋدىڭ ورنىنا تەك قانا الاڭعا, كوشەگە شىعامىز. ءبىز دە الماتىنىڭ كوشەلەرىندە ءبىر ەمەس 2 ساعات جۇردىك. ءبىراق ونى باتىرلىق دەپ نەگىزگى ءتاسىل ەتىپ الۋعا بولمايدى. بۇل تەك حالىقتىڭ اشۋ-ىزاسىن كورسەتۋ. مەن ەڭ سوڭعى رەت 1 مامىردا بولعان ەرەۋىلدى تەلەديداردان كوردىم. سول شەرۋدە بەلسەندىلەردىڭ ءبىرى "استانانىڭ اتاۋىن نۇر-سۇلتان دەپ وزگەرتپەيمىز", "شال قۇرىسىن", "اتوم ەلەكتر ستانسياسىن سالدىرمايمىز" دەگەن تالاپ قويدى. ءيا, مۇنىڭ ءبارىن ايتۋعا مۇمكىندىك بەرۋ كەرەك. ءبىراق ميتينگىگە شىققان بەلسەندىلەر قازىرگىدەي بىرنەشە باعىتتى ەمەس, ءبىر عانا باعىتتى ۇستانىپ, تالاپ قويۋى قاجەت, &ndash؛ ؛دەيدى دوس كوشىم.

ول ءوز سوزىندە بەلسەندىلەر شاراسىزداقتان, باسقا دەڭگەيدە وزدەرىنىڭ ماقساتتارىنا جەتۋ جولىن كورمەسە ميتينگكە شىعاتىنىن اتاپ ءوتتى.

&ndash؛ 90-شى جىلدارى ميتينگكە شىققاندار ۇستالدى, سوتتالدى. ءبىراق ءبىز مۇنى ەشۋاقىتتا باتىرلىق نەمەسە ساياسي تۇتقىندىق دەپ قابىلداعان جوقپىز. ءقازىر ءسال وزگەرىس بار. ءيا, مەن بۇنى ءتاسىل رەتىندە مويىندايمىن, بۇل باعىتتى قولدايمىن. ءبىراق حالىق تەك قارسىلىق باعىتىندا قالىپ قويا ما دەپ قورقامىن. ءبىز بيلىكپەن قاتار وتىرىپ, پىكىر الماسىپ زاڭدى وزگەرتە الۋىمىز كەرەك. حالىقتىڭ ارتىندا حالىق بار دەپ بيلىككە قىسىم جاساۋ كەرەك. ون شاقتى ادامنىڭ سوتتالعانىنان ەشتەڭە وزگەرمەيدى. تەك سوتتالعان ادامدار حالىق اراسىندا "باتىر" اتانادى. باسقا وزگەرىس بولمايدى. سىزدەرگە تاجىريبەدە بار ءبىر جولىن ايتايىن. ماسەلەن جەر ماسەلەسى كەزىندە 8 وبلىستا ميتينگ ۇيىمداستىرىلدى. حالىق شىقتى. سودان كەيىن جەر كومسسياسى قۇرىلدى, بەس جىلعا موراتوريي جاريالاندى. ەلدىڭ ارقاسىندا ماسەلەنىڭ شەشىمى تابىلدى. ەندى ءبىز ءارى قاراي سونداي ءتاسىلدى قولدانا وتىرىپ, ءوزىمىزدىڭ ماقساتىمىزعا جەتىپ, زاڭدى وزگەرتۋىمىز قاجەت. ميتينگكە شىققان حالىق بەس باعىتتى ەمەس, ءبىر عانا باعىتتى ايتۋى كەرەك. ياعني "شال كەتسىن", "شالدىڭ بالاسى كەتسىن", "شالدىڭ جيەنى كەتسىن", "شالدىڭ قىزى كەتسىن" دەپ ۇرانداتا بەرۋدىڭ قاجەتى جوق. حالىق ءبىر باعىتتا جەڭىسكە جەتكەننەن كەيىن عانا ەكىنشى باعىتتى قولعا الۋى كەرەك. ال حالىقتى كوشەگە شىعارىپ, تەك قانا ايقايلاتىپ قانا قويۋ ساياسي ءتاسىل ەمەس. بۇل وتە ءقاۋىپتى ءتاسىل دەپ ويلايمىن. ساياساتكەر رەتىندە ميتينگتى ساياسي ءتاسىل ەسەبىندە پايدالانۋدى ءجۇز پايىز قولدايمىن, &ndash؛ دەپ اتاپ ءوتتى ول.

"دەماكراتيالىق پارتيا" قۇرۋ بويىنشا باستاماشىل توپ جەتەكشىسى, قوعام بەلسەندىسى جانبولات ماماي ميتينگتى زاڭ اياسىندا وتكىزەتىن بولسا ودان قورقۋدىڭ قاجەتى جوعىن جەتكىزدى.

&ndash؛ ميتينگكە شىعۋ ؛&ndash؛ ساياسي پروسەستىڭ ءبىر ءتۇرى. اۆتوريتارلى مەملەكەتتەردە ميتينگتى قۇبىجىق ەتىپ, حالىق كوتەرىلەدى ەكەن دەپ ۇرەيلى قورقىشپەن كورسەتەدى. شىن مانىندە بۇل تالاپ قويادىڭ ءبىر ءتۇرى. ەگەر دە ميتينگتى زاڭ اياسىندا وتكىزەتىن بولسا ودان قورقۋدىڭ قاجەتى جوق. ماسەلەن بەلورۋسسيانى الىپ قارايتىن بولساق, بەلگىلەنگەن زاڭ اياسىندا وندا 250 مىڭ ادام ميتينگكە شىعىپ وتىر, كورىپ وتىرعانىمىزداي كوشەدەگى ءبىر ورىندىق قيراماي جاتىر. ياعني ولاردا بارلىعى زاڭ اياسىندا ءوتىپ جاتىر.

جاقىندا عانا مارقۇم دۋلات ءاعادىلدىڭ اسىنا, زيراتىنا بارعان بەلسەندىلەردى اكىمشىلىك جازاعا تارتىپ, ءتىپتى اباقتىعا قاماپ جاتقاندىعىن ەستىپ تە, كورىپ تە جاتىرمىز. مەنىڭشە بۇل ەشقانداي زاڭدىلىققا جاتاتىن نارسە ەمەس, بۇل ساياسي قۋدالاۋدىڭ ءبىر ءتۇرى. ءبىز مۇنى مۇلدەم قولدامايمىز. جالپى بيلىك ميتينگكە شىققان ادامداردى قۋدالاسا وندا ول ساياسي رەپرەسسيا بولىپ سانالادى. ونىڭ مىندەتتى تۇردە ساياسي استارى بار, جانە بۇل تەك قانا اۆتوريتارلى مەملەكەتتەرگە ءتان ارەكەت بولادى. ءوزىمىز ء13-شى قىركۇيەكتە ميتينگكە شىعۋعا دايىندالىپ جاتىرمىز. الماتى, استانا, قاراعاندى, اقتوبە, شىمكەنت قالالارىنا رەسمي تۇردە وتىنىشتەرىمىزدى تاپسىردىق. ءبىز بيلىككە ەسكەرتتىك, ەندى ميتينگكە شىعامىز. ەگەر دە زاڭسىز دەپ قۋدالايتىن بولسا, وندا ونىڭ ساياسي استارى بار اشىقتان-اشىق قۋدالاۋ بولىپ سانالادى. ءبىز زاڭدى بۇزبايمىز دەپ وتىرمىز, &ndash؛ ؛دەيدى ماماي.

ساياساتتانۋشى باۋىرجان سەرىكباەۆ "ميتينگ زاڭ اياسىندا وتسە ؛&ndash؛ ساياسي سانا مەن دەموكراتيا قالىپتاسىپ كەلەدى" دەگەن پىكىردە.

&ndash؛ ميتينگ &ndash؛ ؛بارلىق وركەنيەتتى ەلدەردە بار نارسە. بۇعان قاتتى ۇركىپ, قورقا قاراۋدىڭ قاجەتى جوق. بۇل جۇمىس ىستەپ تۇرعان ازاماتتىق قوعامنىڭ كورىنىسى. ميتينگكە شىعۋ دا ازاماتتاردىڭ قۇقىعى. جالپى بەلگىلى ءبىر ماسەلەنى بيلىككە ايتىپ, جوعارى جاققا جەتكىزۋ ءۇشىن دە ميتينگتىڭ بولىپ تۇرعانى دۇرىس. ءبىراق ميتينگ زاڭ اياسىندا وتسە, جەكە بيزنەس زارداپ شەكپەي, ادام شىعىنى بولماي, بەيبىت تۇردە بولسا بۇل جاقسى ءۇردىس. دەمەك ساياسي سانا مەن دەموكراتيا قالىپتاسىپ كەلەدى دەگەن ءسوز.

ارينە ميتينگ ماسەلەنى تۇبەگەيلى شەشە قويادى دەۋ دە قيىن. دەگەنمەن ۇكىمەتتىڭ نازارىن وزىنە اۋدارتىپ, ويىن جەتكىزۋ ءۇشىن قاجەت, &ndash؛ ؛دەيدى ساياساتتانۋشى ب. سەرىكباەۆ.